MANEUTNYI 3:8 - TÖHET LĪPÖRE (Re-edited) Bible (BSI)

⁸ Yih chin ngaich ṙānyen cha ṙā-ang eltī yip aṅ Aikup, kēyen cha inrē ṙā-ang ap panam, nö ip tölöök panam, tökiröng inrē, öp panam töhëmö aṅkūö tö aṅteh, hönī inrē; i chūök yip Kanā-aṅ, Hitāit, Amôr, Perisāit, Hivāit, Yapusāit inrē.

MANEUTNYI 3:8 Referans Kwoze

Ranehlö 50:24

Ngaich Yôsĕf nö ngöṙô, töyik hanöngkisānöre, Kapah chin; kô-en pöri min ngam Tēv nö chöhken yīö, kēnyen yīö inrē ṙā-ang i ngih panam, öi ip panam ṙô Ò nö kilēḵngôre, nö in Aprahām, Isāk, Yāköp inrē.

MANEUTNYI 3:17

Ngaich ngöṙô chū-ö, Hòṅ kēten yīö chin i panam aṅ Kanā-an, Hitāit, Amòrāit, Perisāit, Yapusāit inrē, ap panam töhëmö aṅkūö tö aṅteh hönī inrē.

I. CHÖNGÖ 1:25

Ngaich cha-a nö kē ṙòng chōn ngam panam nö eltīre, ngaich kumtö u nö in ih ngaich kumtö ṙô nö hēk nö in ih, nö ngö ṙô, Tölöök öp panam ap kahëtö ngam Mā Tēv, ngam Tēv hī, nö in hī

MANEUTNYI 13:5

Ngaich mīnö hē ngam Mā Tēv nö kēten yīö im panam aṅ Kanā-an, aṅ Hitāit, Aṅ Amôr, aṅ Hivāit; aṅ Yapus inrē, ngam kinë-eṅ kūö meh tö Ò nö chūöku ṙô nö i yik muvöhngö meh, öp panam töhëmö aṅkūö tö aṅteh hönī inrē, haköpkö ngih la-en më-eṅ min i ngòh chingëṅt.

YERIMIĀ 11:5

Hòṅ chu hateungngö öp töchūöku kinlēkngôre in yip muvöhngö yīö, öich kē-ĕkūö cha tö panam töhëmö aṅkūö tö aṅteh töpachāka inrē, sā e ing töngamuh. Ngaich ngö ṙô chū-ö sapṙô, Ngatī an yēḵ, Mā Tēv.

KINṘEŪKÖ 13:27

Ngaich vë-eny nang ò cha-a nö ngö ṙô, Tachta in ip panam öp chūök tinīnngö ih tö meh, kô-en öp nö töhëmö aṅkūö tö aṅteh hönī inrē; ngih ön yih ṙòng aṅ in e.

T. YÔHAN 6:38

Pò Chu yih ṙā-ang el halīöngö, öt töla-evṙen tölōnre, höng lōn Ò ngam tamīnten Chu.

ISIKĪ-ĔL 20:6

Ik sakāmö angū-ö chūökuṙô chū-ö tö cha tö chu min kēnyen cha ṙāngö öp panam Aikup ip panam öp chahöh chu chööḵnyen tö cha, öp panam töhëmö aṅkūö tö aṅteh hönī inrē tösamötlöng vanāyö tö taṙòkhöre panam.

Salmai 91:15

Havëken chu An min, ngaich sapṙô Ò min chū-ö; in Ò chin min hē el kanihngen: ṙānyen ò chin min, ineū-euṅv min inrē anga-aṅ.

Salmai 34:8

Yĕh, kalah kumchik, Ngëicha inrē, tö ngam Mā Tēv nö tölöök: tökôlò öp tarik öp mahayönglenre nö in ò.

MANEUTNYI 12:51

Ngaich ngö inlahen im angū-ö sakāmö, tö ngam Mā Tēv nö kēnyö yik kūön Israĕl nö ṙòknyöre tī nö ṙā-ang panam Aikup.

YERIMIĀ 32:22

Ngaich kē-ĕkūö cha tö ngih panam; öm chūökuṙô i yik yöng cha öm kētö e in cha panam töhëmö aṅkūö tö aṅteh hönī inrē;

Salmai 12:5

Pò ngam nāichngen yāich, pò ngam inlöinyö chanökö töhāṅten: Ngaich chin öich choholre, ngö ṙô ngam Mā Tēv; lā im chūök öt pinlā-ngen tī chin min tö ò ngam hayëḵngen cha.

I. CHÖNGÖ 27:3

Ngaich më-eṅ kūich në ṙô ngam chöngö i mat u, yē meh kiröönngöre im panam kahëtö ngam Tēv meh nö in meh ngam Mā Tēv, panam töhëmö aṅkūö tö aṅteh höni inrē, sā ṙô ngam Mā Tēv, ngam Tēv yik muvöhngö yīö nö kilēḵngôre nö in yīö.

I. CHÖNGÖ 7:1

Hē ngam Mā Tēv ngam Tēv yīö nö kēhöt meh im panam ngam kū-ö meh kiröönngöre ön kē-ĕ e nö amin meh, ngaich ahōnyö yip töpōyen min pumnāmö tarik i kūö meh, yip Hitāit, Kirkesait, Amôrait, Kanā-an, Perisait, Hivait, Yēpusait, sat pumnāmö tarik tökiröng tökalēḵ tö meh inrē;

Ranehlö 11:5

Ngaich ngam Mā Tēv nö yônti nö ngëichkö ngam elpanam tömarô-òlkui patī inrē, ngam vahīlö yik kūön tarik.

T. YÔHAN 3:13

Öt hĕng tak tarik nö töngaich nö yônlö nö el halīöngö, höng Anga-aṅ yamônti nö ṙā-ang el halīöngö, ngam Kūön Tarik, ngam me-el halīöngö.

Isayā 64:1

Mah, tikachnyö kūö minë halīöngö man öre öm yônti, hòṅ në rôngö nö kayīna nö i kūö meh;

MANEUTNYI 34:11

Haköpkö e man ngam tinöölô meh tö chu töngamuh: yĕh meuk, ahōngö vē aṅ Amôr chin nö i kūö meh, aṅ Kanā-an, aṅ Hitāit, aṅ Perisāit, aṅ Hivāit, aṅ Yepusāit inrē.

Ranehlö 18:21

Hòṅ chuh in e Chin töngamuh, Öich ngëicha, yĕn kô-en chā-a nö sā öp ineūköre, öp yamih nö in Chu; yĕn rö-ö, akahalōn Chū-ö min.

Ranehlö 15:14

Ngaich inrē öp mumā-aṅ tarik angū-ö, öp tö kūönukūö min tö cha, kahòkkaṙen min tö Chu; unôichngöre min cha-a nö kunyī-inyre nö pōyen kum tö chehen.

NAHIMIĀ 9:8

Ngaich kôtökūö më-eṅ tö ellōn ò nö tökô-en nö i kūö meh, ngaich in ò më-eṅ vīten ngam kinlēḵngô nö kētu nö in yip kūön ò ngam panam yip Kanā-an, Hitait, Amôr, Përis, Yëpus, Karkes inrē; ngaich më-eṅ hateungngö ngam kinlēḵngôre, pò meh tölöök.

I. CHÖNGÖ 28:11

Ngaich ngam Mā Tēv min nö vīlen meh pōyen nö urāngen, i ṙòng ngam alaha meh, i ṙòng nuā meh, i ṙông ngam tumlat meh inrē, im panam ngam kahëtö ngam Mā Tēv meh nö in meh nö chūökūṙô nö in yik muvöhngö meh.

Ranehlö 11:7

Pöh, tā-a töi yônti, ngaich umuh kalūöichngö ëlô cha, hòṅ cha nö kö öt akaha el nang tö ṙô höö.

YERIMIĀ 2:7

Ngaich kēten yīö chū-ö i tökôlò panam öi kumchikngenre tö nup ṙòng chōn tölöök chehen e inrē in e. Chalô hë pöri me-eṅ in e ngaich hachōichngö ngam panam chu, ngaich vītö ngam amin chu nö sin-òkkūö.

YÔSUĀ 9:1

Ngaich ngö inlahen angū-ö, hē yik rācha nö ṙòkhöre yik lamuh tö Yôtön, i kui rung panam, i töṙā-akūö panam inrē ṙòkhöre inrē yip aṅ kuyāyö öp Tökiröng Mai lākūö Lëpenön, yik Hitait, Amôr, Kanā-an, Përis, Hivait, Yëpus, nö hāngö e;

I. CHÖNGÖ 1:7

Havöökūöre yin, öi ngaich kirööngöre, kuṙòh chuh im törūngu panam yip aṅ Amôr, i nup chūökö inrē töröhta nö in e, i Arapa, im törūngu panam, im lā taṙeū panam, lā lòhngö, röhta i kuyāyö ngam mai, i panam yip Kanā-an, Lepanön inrē, tölngö ngam tökiröng tahël, ngam tahël Yufratīs.

KINṘEŪKÖ 13:19

Ngëichkö inlahen ap panam tö-iyöngö tö cha, yē e nö tökôlò hēk yĕn tötkôlò; nup elpinnāmen cha inrē chūök cha nö iyöng, yĕn elyöngö, hēk yĕn el tökeung chūökö.

Ranehlö 15:13

Ngaich ngöṙô Anga-aṅ tö Aprām, Akahalōn pömchö tö öp kūön meh min nö aṅ tahëng min nö ip töt panam cha, ngaich kūönkūö cha min, ngaich chā-a min nö hakihten cha nö eltö fënòng samyeūheu;

Ranehlö 46:4

In meh Chin min chuh Aikup; ngaich kô-en inrē min Öich kēten meh hēk: ngaich Yôsēf min inrē nö ṙātö eltīre nö i mat meh.

MANEUTNYI 5:23

Tön höng chalôhë chin in Fërō, öich i minë-eny meh ṙô ṙô-òv, ngaich angā-aṅ nö öthakôlò vē tarik; hö-ö man ṙānyö vē tarik meh.

MANEUTNYI 12:41

Ngaich ngö inlahen i kinheūṅtö töfënòng lūöi anāi samyeūheu, im sakāmö angū-ö nö teungtö kūö nö ṙòkhöre yik tarik ngam Mā Tēv nö kunyi-inyre nö ṙāngö ngam panam Aikup.

I. CHÖNGÖ 6:3

Lökten, Ō Israĕl, hangihtöre, haköpken e öm la-evṙen tö e; hòṅ e min nö lööken nö in meh, hòṅ yīö inrē ṙūölöre ṙôken, sā ṙô ngam Mā Tēv, ngam Tēv yik muvöhngö yīö nö kilēḵngôre nö in yīö, ip panam töhëmö aṅ kūö tö aṅteh hönī inrē.

AMŌS 2:10

Kēnyen yīö chin inrē ṙā-ang ap panam Aikup, hachō-o yīö inrē el tönyalnyi fën anāi sumkam, öi kē ngam panam yip aṅ Amôr.

Ranehlö 43:11

Ngaich ök yöng cha Israĕl nö ngöṙô tö cha, Yē e chĕi nö ngatī, ngö inlahen yin; kē kumre yin tö nup tö-atöllöng ṙòng chōn ngih panam el nup chūök kum yīö, kum tö raneushö öp tarik inrē, tötahūsā, mūr inrē, kulöl almòn inrē:

LA-EN LĒVĪ 20:24

Ngaichô pöri Chū-ö tö yīö, amīnu yin min töp panam cha, kētö e chin min nö in yīö nö kanahngen yīö, öp panam töhëmö aṅkūö tö aṅteh, hanī inrē: Chū-ö Chin Tēv meh Öich Mā Tēv, mahaköhngen meh tö më tarik.

KINṘEŪKÖ 13:18

Ngëichkö ngam panam tö sitih öng; ngëichkö yip tarik inrē mi-iyöng in e, yē cha nö tökalēḵ hēḵ yĕn tötkalēk, yē cha nö öt pōyen hēk yĕn pōyen;

YÔSUĀ 5:6

Pò yik kūön Israĕl nö el tönyalnyi nö kiröön tö fën anāi samyeūheu, hanöng saha yik tarik, yik tarik kumyung yik yamih nö ṙā-ang Aikup, nö keuheūtngörevah, pò cha nö öt hang ṙô ngam Mā Tēv: cha-a yik chūök ṙô ngam Mā Tēv: nö kilēḵngôre tö ò nö öt halöngten cha nö meuk ngam panam, ngam ṙô ngam Mā Tēv nö kilēḵngôre nö in yik muvöhngö cha nö kētö e nö in hī, panam töhëmö aṅkūö tö aṅteh hönī inrē.

YÔSUĀ 9:7

Ngaich ngö ṙô yik tarik Israĕl tö yik Hivait, Lohten yin höng mī-iyöng in ih; ngaich sitih inlahen īhö min vī kinlēḵngô in yīö?

1 KINṘÖTNGÖ 1:15

Hīva, Arkā, Sin,

Salmai 12:6

Töhet nup ṙô ngam Mā Tēv: rupīö tö kalaha lanöökö nö i kūö ngam panam, tösat heuh inhetlö.

Isayā 36:17

Hanöng saha yanihih chu öich kēngen yīö ip panam tö sā panam yīö panam sāiny vāin inrē, panam rôti panô-òṅ vāin inrē.