MANEUTNYI 3:7 - TÖHET LĪPÖRE (Re-edited) Bible (BSI)

⁷ Ngaich ngöṙô ngam Mā Tēv, Meuk kanihngen yip tarik re Chin, yip i Aikup, ngaich Chin hang ṙô cha nö peuiny tökūö tī yip yöngṙen cha nö la-evṙen; akahalōn Chin tö miṙivlōn cha.

MANEUTNYI 3:7 Referans Kwoze

Salmai 145:19

Hatööḵngölōn cha An yip tö pa-ekūö tö Ò: hang ṙô cha An min inrē, hayöölen cha inrē.

Salmai 106:44

Hö-ö pöri Anga-aṅ nö mikūöṙen tö kanihngen cha: yē Ò nö hang ṙô cha nö peuiny.

Salmai 34:6

Hūḵa ngòh yāich tarik, ngaich hang ṙô ò ngam Mā Tēv: ngaich hayöölen ò nö ṙā-ang i nup kanihngen ò nö ṙòkhöre.

NAHIMIĀ 9:9

Ngaich më-eṅ inrē meuk kanihngen yik yöng ih nö i Aikup hang ṙô cha inrē nö havëken meh ip Mai Ētöm,

MANEUTNYI 22:23

Yē meh hakihten cha i töng sitih i chanökö, ngaich peuinyhökūö chu min cha-a, öthō Chū-ö min öt hang ṙô cha;

Isayā 63:9

Kihngen anga-aṅ i nup kanihngen cha nö ṙòkhöre, hayööken cha inrē öp ma-ahānga in ò; i hanāngenlōn ò i miṙēlōn ò inrē anga-aṅ nö ṙānyen cha; chātlen cha anga-aṅ ngaich tayuklen cha löktö kūö nuk sakāmö hötṙeh.

Salmai 34:4

Chöh ngam Mā Tēv chin, ngaich sapṙô chu anga-aṅ: ṙānyen chu inrē ṙā-ang i nup pinhe-eṅkūö chu nö ṙòkhöre.

MANEUTNYI 1:11

Lökten cha nö asöklö yöngṙen töla-evṙen nö in cha, nö hakihten nö hol tī tönup lumngan cha; ngaich chā-a nö mānlö chūök chehen Fërō tö elpanam, Pitōm, Rāmsēs inrē.

Ranehlö 29:32

Pirūkö nyīö ngaich Leah, ngaich kayôk̠nyö kikōnyö nyīö ngaich kaheuk minë-eny ò nö Rūpön; ngaich ngö ṙô angā-aṅ, Pò ngam Mā Tēv nö meuk kanihngen chu, pòn möl min öp pīhö chu nö hāngenlōn tö chu.

Salmai 22:24

Pò ò nö öt höhölōn, ane inrē öt pa-ekūö tö kanihngen töhakihtuṙen: öt rēhĕn anga-aṅ nö hanyatngö kūöre tö ò; yē ò pöri nö havëken ò, hang anga-aṅ.

1 SAMUĔL 9:16

Huṙöich i ngih ṙētak öich hĕng tak tahīnti tö tarik aṅ panam Penyamin, ngaich hacham elkui ò pömchö nö rācha vē tarik chu Israĕl, anga-aṅ öp min mahayöken vē tarik chu nö ṙā-ang eltī vē Filistain: pò chu ngëichtö kui vē tarikre pò nup ṙô cha nö peuiny nö söllö nö in chu.

HEPRĀI 4:15

Pò hī öt īnu tö mākūö kūönṙô, tö ngam töt hōḵ nö öt akahaiṙen nö lūölka tö öt kumlēḵen hī: tö ngaich pöri Anga-aṅ nö kalaha nö keuheūttöre lā-a löktö, nö sā hī, öt īnu pöri tö tökööl.

Salmai 142:3

Yē öp ellōn chu nö ötkô nö in chu, akahalōn Me-eṅ tö kanröönö chu: hayunngö tinngöp chu yin nö el talöökö chu.

Ranehlö 18:21

Hòṅ chuh in e Chin töngamuh, Öich ngëicha, yĕn kô-en chā-a nö sā öp ineūköre, öp yamih nö in Chu; yĕn rö-ö, akahalōn Chū-ö min.

INLAHEN 7:34

Meuk kanihngen yip tarikre takô Chin, yip i Aikup: hang inyôṙö ṙô cha Chin inrē; ngaich hòṅ yihtöre Öich ṙānyen cha. Tā-a, hòṅ tīnten meh Chin i Aikup.

Ranehlö 16:11

Ngaich ngöṙô ök ma-ahānga ngam Mā Tēv tö ò, Yĕh meuk, īnu man tö nyīö; ngaich kayônyö kikōnyö më-eṅ min; kaheuk minë-eny ò min më-eṅ nö Ismael, pò ngam Mā Tēv nö hang kanihngen meh.

Ranehlö 21:17

Ngaich ngam Tēv nö hang ṙô ngam nyīö kikōnyö; ngaich ök ma-ahānga nö löktö el halīöngö ṙô nö havëken Hakār, nö ngöṙô ò, Hakār, asuh ap kanihngen meh? Um pa-ekūö, tön hāngöṙô ap nyīö kikōnyö, nöng i chūökre, töngam Tēv.

Ranehlö 31:12

Ngaich ngöṙô anga-aṅ, Môklökūöre man, Yĕh meuk, ṙòkhöre nun minë kōiny pököre nö kurānö kāha, patohköre kāha, köinyö insohoh kāha inrē, minë tumsòklöre nö i uk minë pököre: pò chu meuk nup tī Lēpān tö meh nö ṙòkhöre.

Ranehlö 31:42

Yĕn öt in chu öre ngam Tēv öp yöng chu, ngam Tēv Aprahām, ngam pinhe-eṅkūö tö Isāk inrē, kô-òngvahtī man öre töngamuh tīnngen chu höng chanlööpṙen. Meuk kanihngen chu An ngam Tēv, la-en nö kël chu inrē, ngaich vëken meh vahë tö hatööm.

MANEUTNYI 5:6

Ngaich ang Fërō im hē e angū-ö sakāmö nö tölṙô yik yōm la-en yik tarik, yik mā cha inrē, nö ngöṙô;

MANEUTNYI 5:10

Kiröönngöre ngaich yik yōm la-en yik tarik, tö yik mā cha, ngaich ngöṙô nö vë-ekūö yik tarik, Ngöṙô ap Fërō, Öthòṅ kētö afō yīö chin.

MANEUTNYI 33:13

Lökten yĕh, vë-ekūö meh chin yē chu tö inkôluṙô i kūö Meh, hameuktö nup talöököre man yĕh, hòṅ chu akahakūö tö meh hòṅ chu öich teūngen tö inkôlòre i kūö meh: ngëicha inrē tö vē pumnāmö tarik nö tarik meh.

KINṘEŪKÖ 20:16

Ngaich hē ih peuinyhökūö ngam Mā Tēv, ngaich hang ṙô ih Anga-aṅ, ngaich tīntö ma-ahānga hĕng tak, ngaich kēnyen ih ṙā-ang Aikup: yĕh meūkö ih ngaich i Kātes, ngih elpanam i manā-ang kūö kūöngö meh:

2 SAMUĔL 22:28

Hayööken yip tarik min më-eṅ töhakihtuṙen: i kui yip mahakeūlenre pöri minë mat meh, hòṅ meh tumṙeūten cha.

2 RĀCHA 13:4

Ngaich Yēhōāhas nö vë-ekūö ngam Mā Tēv, ngaich ngam Mā Tēv nö hang ṙô ò: pò ò nö meuk inkihten yik Israĕl, nuk tī ök rācha aṅ Sīriā inrē nö hakihten cha.

Salmai 35:22

Ō Mā Tēv, meūkö e man ngaich, uh man yēḵ öt ṙô-òv: Ō Mā, uh man yēḵ marôvat tö chu.

MANEUTNYI 1:8

Ngaich tufömngöre ök umuh rācha i Aikup, ök töt akahakūö tö Yôsĕf.

2 RĀCHA 20:5

Havanritre man, ngö ṙô tö Hësikiā ap rācha vē tarik chu, Ngö ṙô An ngam Mā Tēv, ngam Tēv Tāvit ök yöng meh, Ngaich chin hang ṙô meh vë-ekūö chu, meuk nuk mak mat meh chin: Yĕh meuk, lööken man tö tī chu: ip linūöi sumkam man min chuh el patī ngam Mā Tēv.

Salmai 9:14

Hòṅ chu hameuknyö nup nöinyö meh, i kūö nup inkūp ngam kikānö kūön Siyòn: ṙāmölōn chin min i ngam tī meh inyööken.

Salmai 12:6

Töhet nup ṙô ngam Mā Tēv: rupīö tö kalaha lanöökö nö i kūö ngam panam, tösat heuh inhetlö.