MANEUTNYI 3:6 - TÖHET LĪPÖRE (Re-edited) Bible (BSI)

⁶ Hēk inrē angā-aṅ nö ngöṙô, Chū-ö Chin Tēv ök yöng meh, Tēv Aprahām, Tēv Isak, Tēv Yāköp inrē. Hanyatngö kūöre ngaich Môsös; pò ò nö hatīönkö ngam Tēv.

MANEUTNYI 3:6 Referans Kwoze

T. LŪKÖS 20:37

Ngam invanlö vē tökapah pöri, hameukhumat öi ngaich tö Môsös, im, chūök inlahen ök töyul; hē ò nö havëkö ngam Mā. Ngam Tēv Aprahām, ngam Tēv Yāköp inrē.

T. MËTIV 22:32

Chu-ö Chin Tēv Aprahām, Tēv Isāk, Tēv Yāköp inrē. Rö-ö an ngam Tēv nö Tēv yip tökapah, tön Tēv yip tö aṅ.

T. MĀKÖS 12:26

I inlahen vē tö kapah, tö cha min nö hachohlöngö; öt ve-ekūö öp līpöre Môsös öi, ip el Töyul, tö ṙô ngam Tēv nö ve-ekūö ò, nö ngö ṙô, Chu-ö Chin Tēv Aprahām, Tēv Isak, Tēv Yāköp inrē?

MANEUTNYI 4:5

Hòṅ cha nö ṙātö ellōnre tö ngam Mā Tēv, ngam Tēv yik yöng cha, Tēv Aprahām, Tēv Isāk, Tēv Yāköp inrē, nö meūkö tö meh.

INLAHEN 7:32

Chū-ö Chin Tēv yik muvöhngö yīö; Tēv Aprahām, Isak, Yāköp inrē. Ngaich kichëyöre Môsös nö öt hòṅ ngëicha.

Ranehlö 28:13

Ngaich, yĕh meuk, ngam Mā Tēv nö lātulöng tö ò, ngaich ngöṙô, Chū-ö Chin Mā Tēv, Tēv Aprahām, ök kikōnyö yöng meh, Tēv Isāk inrē; ngam panam chūök meh hulalhaka, kētö e Chin in meh, ip kūön meh inrē;

INMEUKHÖMAT 1:17

Ngaich hē chu meukan, ngaich fukngö chu-ö iröön Ò sā kupah, Ngaich lāhāmötī anga-aṅ nö ṙātö eltīre nö in chu, Un pa-ekūö, nö ngö; Chu-ö Chin raneh, manā-aṅ inrē,

1 RĀCHA 18:36

Ngaich ngö inlahen angū-ö i ṙētak öp tökētu tö harap, yihtöre ang Ĕlaicha ök pròfĕt nö haröhtöre, ngaich ngö ṙô, Ō Mā Tēv, Tēv Aprahām, Isak, Israĕl inrē, hökngen e töngamuh nö mikahlōn tö ngam Tēv nö in Israĕl, tö chu inrē chū-ö öich tarik meh, tö chu inrē öich ngatī tī tö u i ṙô meh.

KAMHÔKA 13:22

Ngaich ngö ṙô Manô-a tök pīhöre, Kô-ông vah an min kapah pò hā meuk ngam Tēv.

YERIMIĀ 32:38

Ngaich cha-a min nö tarik chu, ngaich chū-ö min Tēv cha.

YERIMIĀ 31:33

Ngih pöri kinlēḵngô tövī-i tö chu i patī Israel unôichrit nup sakāmö, ṙô ngam Mā Tēv: Ellōn cha tī chin min chaphöt ngam chöngöre kūchhöt e chin min nö ellōn cha; ngaich chū-ö min Tēv cha, ngaich cha-a min nö tarik chu.

YERIMIĀ 24:7

Kētö ellōn cha chin min nö akahakūö tö chu öich chū-ö Mā Tēv; ngaich acha-a min nö tarik chu ngaich chū-ö min inrē Tēv cha, pò cha min nö havantöre nö in chu nö keuheūttö ellōn re.

Salmai 132:2

Tö Ò nö kilēḵngôre nö im Mā Tēv: chūökuṙô inrē nö im Tökeuheūttöre Chöngö Tēv Yāköp.

1 RĀCHA 19:13

Ngaich ngö inlahen angū-ö, hē Ĕlaicha nö hāngö e, haṙungngö kūöre ngaich anga-aṅ tök kinṙum re ngaich kunyī-inyre, sökhak ngaich nö i kūö ök kinluhu, Ngaich, Yĕh meuk, yihtöre ök ṙô nö in ò, nö ngö ṙô, Ĕlaicha, suāp la-en meh ihih?

MANEUTNYI 29:45

Iyöng i yip kūön Israĕl Chin min inrē, Tēv cha chin min inrē.

Ranehlö 32:9

Ngaich Yāköp nö ngöṙô, Ō Tēv, öp yöng chu inrē Isāk, Ō Mā Tēv, më-eṅ tö ngöṙô, tö chu, Havantöre man ip panam meh, i makalaha meh inrē, Hakôlò meh Chin min:

Ranehlö 31:42

Yĕn öt in chu öre ngam Tēv öp yöng chu, ngam Tēv Aprahām, ngam pinhe-eṅkūö tö Isāk inrē, kô-òngvahtī man öre töngamuh tīnngen chu höng chanlööpṙen. Meuk kanihngen chu An ngam Tēv, la-en nö kël chu inrē, ngaich vëken meh vahë tö hatööm.

Ranehlö 26:24

Ngaich ngam Mā Tēv nö hameuktöre nö in ò im angū-ö hatööm, ngaich ngöṙô, Chu-ö Chin Tēv Aprahām ök yöng meh kikōnyö: un pa-ekūö, tön holtöṙah meh Chin, hakôlò meh Chin min, ṙūölö ṙôken ap kūön meh min inrē, pòkūö ök kūön alaha Chu Aprahām.

Ranehlö 17:3

Fātngökūöre ngaich Aprām nö afukngöre: ngaich vë-ekūö ò ngam Mā Tēv.

Ranehlö 12:7

Ngaich ngam Mā Tēv nö meūkö tö Aprām, ngaich ngöṙô, Kēḵtö ngih Chin min panam ip kūön meh: vīlö tahāklö ngam Mā Tēv ngaich angā-aṅ nö umuh, ngam tömeūkö tö ò.

Ranehlö 12:1

Ngaich ngöṙô ngam Mā Tēv tö Aprām, Kēḵĕngre man ṙāngö ngam panam re, ṙāngö yip makalahare, ṙā-ang patī yöngre inrē, ip panam öp hameuktö Chu min in meh:

HEPRĀI 12:21

Yöng ṙôkö pinhe-eṅ ngam mineūkö, tinkaknyô Môsös nö ngö, Pahe-ekūö takô chin, kichëyöre inrē:

INLAHEN 7:34

Meuk kanihngen yip tarikre takô Chin, yip i Aikup: hang inyôṙö ṙô cha Chin inrē; ngaich hòṅ yihtöre Öich ṙānyen cha. Tā-a, hòṅ tīnten meh Chin i Aikup.

T. LŪKÖS 5:8

Höng meuktöre ang Sīmōn Pītör tö e, ngaich sōntökūöre nö i kūö Yēsū, nö ngö ṙô, Ō Mā, kē-ĕngre Man in chu; tön tököölö fālen chin chu-ö tarik.

T. MËTIV 17:6

Ngaich hē yik mahaköp nö hāngö e, fātngökūöre ngaich cha-a, nö pa-ekūö takô.

SAKARIĀ 8:8

Ngaich chū-ö min kēten cha, ngaich acha-a min nö iyöng ellōn Yērusalem; ngaich tarik chu min cha-a, ngaich chū-ö min Tēv cha inrē, im kanô-en im lanöökö inrē.

ISIKĪ-ĔL 11:20

Hòṅ cha nö lök el nup tökūichiyö chöngö chu haköp nup inchöngten inrē aṅ in chu hang chöngö u inrē; ngaich acha-a min nö tarik chu, ngaich Tēv cha chū-ö min inrē.

NAHIMIĀ 9:9

Ngaich më-eṅ inrē meuk kanihngen yik yöng ih nö i Aikup hang ṙô cha inrē nö havëken meh ip Mai Ētöm,

ESTÖR 3:4

Ngaich hē cha nö vë-ekūö ò i tum sumkam ò nö öt hòṅ hang ṙô cha vë-eny nang Haman cha-a ngaich, pòn hòṅ meuk yĕn kô nup ṙô Môrtikai min: pò ò nö vë-eny nang cha tö ò nö Yahūti.

HEPRĀI 11:16

Ngaich pöri cha-a tö ngamuh nö lōn tö öp töngö-al panam, ngam aṅ el halīöngö: lökten ngam Tēv nö öt sirōngkūö tö cha, nö Tēv cha invëka: pòn halēnken tö hĕng Anga-aṅ elpanam cha.

Ranehlö 24:12

Ngaich ngöṙô angā-aṅ, Ō Mā Tēv, Tēv ap yöngṙen chu Aprahām, vë-ekūö Meh chin, tīntö tölöök taneūngen chu i ngih sakāmö, ane inrē hameuktö miṙēlōnre ip yöngṙen chu Aprahām.

MANEUTNYI 3:16

Kuṙòh, hamūl yip mā i Israĕl, ngöṙô tö cha, meūkö an tö chu Ngam Mā Tēv, ngam Tēv yik yöng yīö, Tēv Aprahām, Isāk, Yāköp inrē, ngöṙô an tö chu, Chöhken yīö chini, meuk nup inlanken yīö chin i Aikup:

MANEUTNYI 15:2

Ngam Mā Tēv an kumlēḵ chu tinkökö inrē, vītöre An nö inyööken chu: Angā-aṅ An ngòh Tēv chu, ha-öinyö Ò chin min; Tēv ök muvöhngö chu, hapōilen Ò chin min.

Ranehlö 28:17

Ngaich pa-ekūö angā-aṅ, ngaich ngöṙô, Yöng vanööṙö ön ngih chūököǃ Öt tahëng ön, tön höng patī ngam Tēv, angū-ö ön ngih inrē inkūp ngam halīöngö.

MANEUTNYI 33:20

Ngaich ngö ṙô anga-aṅ, Ötkô man ngëichkö kūö Chu: pò ngòh tarik min nö ngëichkö kūö Chu ngaich öt aṅ.

I. CHÖNGÖ 6:3

Lökten, Ō Israĕl, hangihtöre, haköpken e öm la-evṙen tö e; hòṅ e min nö lööken nö in meh, hòṅ yīö inrē ṙūölöre ṙôken, sā ṙô ngam Mā Tēv, ngam Tēv yik muvöhngö yīö nö kilēḵngôre nö in yīö, ip panam töhëmö aṅ kūö tö aṅteh hönī inrē.