MANEUTNYI 3:5 - TÖHET LĪPÖRE (Re-edited) Bible (BSI)

⁵ Ngaich ngöṙô Angā-aṅ, Um haröhtöre ihih: hūötnyö minë kunröpöre man ṙā-ang i röön meh, tön töhet an ngam tumlat, chūök meh sökhaka.

MANEUTNYI 3:5 Referans Kwoze

YÔSUĀ 5:15

Ngaich ök yöngkūö yik tömaṙôngö aṅ im Mā Tēv nö ngö ṙô tö Yôsuā, Kē-ĕng ngam kunröpöre man nö ṙā-ang i röön meh, tön töhet an ngam chūökö ngam chūök meh sökhaka Ngaich ngatī ang Yôsuā.

INLAHEN 7:33

Ngaich ngö ṙô ngam Mā Tēv tö ò, Luhngö minë kunröpöre man, i röön meh; tön töhet an ngam panam, ngam chūök meh sökhaka.

MANEUTNYI 19:12

Vītö inrahkūö më tarik pömchö nö havīṙi, ngö ṙô, Ṙēmen yin töre, öi ui peūlöre im rôngö, hēk inrē ui lūölkö ngam kūöngö e: öp töng lamūölkö ngam rôngö kumpaha min:

Mumkahten 5:1

Lak vanāngö re man yē meh chuh el patī ngam Tēv; öm ṙūötöre hangihtöre ĕhten an angū-ö tö tökētuvö tö tö kulō-ovö; pò cha nö öt akahalōn tö cha nö lā-evṙen tö tötlöök.

HEPRĀI 12:20

Pò cha nö öt kô-ò alaha tö ngam tö halēntu, Yĕn hĕng nòng öp töṙeūla samuhtöre nö im rôngö, kulehe kui ngaich anga-aṅ;

MANEUTNYI 19:21

Ngaich ngam Mā Tēv nö ngö ṙô tö Môsös, Yônti man tölṙô yip tarik, hòṅ cha nö öt tilunghötre nö im Mā Tēv nö hatīöna ngaich ṙōlhangvah min tö cha tö kapah.

LA-EN LĒVĪ 10:3

Ngaich Môsös nö ngö ṙô tö Āròn Angū-ö ön ngih ṙô ngam Mā Tēv nö ngö ṙô, Ahetlöng chin min in cha yip maharöhtöre nö in chu, ngaich i kūö yip tarik nö ṙòkhöre öich hapōilöngö min. Ngaich höng öt ṙô-òvö Āròn.

2 PĪTÖR 1:18

Hāngö e in īhö nö ṙô nö ṙeū-eung el halīöngö, hē ih hol Ò i kui ap töhet rôngö.

I. CHÖNGÖ 23:14

Pò ngam Tēv meh ngam Mā Tēv nö kiröön nö ellōn ngam elyöngö kumyung nö ṙā-nyen meh, nö kētö yip lā-al meh inrē nö in meh; lökten ngam elyöngö meh nö töhet: hòṅ ò nö öt meuk töthet nö in meh, ngaich havööngörekūöre tö meh.

YERIMIĀ 30:21

In cha min ap kūön rācha, löknyö el ṙôngö cha min nö yih öp mahayöngö cha; vīten ò chin min nö haröhtöre, ngaich yihtöre anga-aṅ min nö in chu, achīö ap tökô nö yihtöre nö in chu? ṙô ngam Mā Tēv.

MANEUTNYI 4:28

Ngaich ang Môsös nö keuheūtnyöre ṙô nö vë-eny nang Aròn, tö nuk ṙô ngam Mā Tēv, nup tinīntö ò, ṙòkhöre nup minkahngö tinölöṙô ò tö Ò.