MANEUTNYI 3:4 - TÖHET LĪPÖRE (Re-edited) Bible (BSI)

⁴ Ngaich hē ngam Mā Tēv, nö meūkan nö havāngngöre nö ngëcha, löknyö el ngam töyul ṙô ngaich ngam Tēv, nö havëken ò nö ngöṙô, Môsös, Môsös. Ihih chini, ngöṙô ngaich angā-aṅ.

MANEUTNYI 3:4 Referans Kwoze

I. CHÖNGÖ 33:16

Töpōiṙāi chehen inrē aṅ ngam tumlat öp tanöö-öl e inrē, öp tölöök lōn ò inrē ngam mī-iyöng el töyul: hökngen ngam inkôlò nö teung i kui Yôsĕf, el chalòng kui ò ngam töha- kösiṙen tö yik mak alaha ò.

INLAHEN 9:4

Fukngö anga-aṅ ngaich nö el tumlat; ngaich hang ök ṙô anga-aṅ, tö ngö ṙô tö ò, Sôl, Sôl! Kūöyòh öm öthakôlò chu?

1 SAMUĔL 3:8

Hēk ngam Mā Tēv nö havëken Samu-ĕl im linūöi heuh, Choholre ngaich anga-aṅ nö chuh in Ēli, ngaich ngö ṙô, Ihih chīni; pò meh taheui havëken chu. Ngaich akahalōn Ēli tö ngam Mā Tēv nö havëkö ngam nyīö.

1 SAMUĔL 3:6

Samu-ĕl, ngöṙô hēk ngam Mā Tēv nö havëḵa. Choholre ngaich Samu-ĕl ngaich chuh in Ēli, Ihih chīni, ngö anga-aṅ; pò meh taheui havëken chu. Kakūönö, rö-ö chin havëḵa, ngö ṙô anga-aṅ nö sap ṙô; ṙōlngöre man hēk.

1 SAMUĔL 3:4

Havëken Samu-ĕl ngaich ngam Mā Tēv: Ihih chīni, ngö ṙô anga-aṅ.

Ranehlö 46:2

Ngaich ngam Tēv nö vë-ekūö Israĕl nö i heūvö tö hatööm, nö ngöṙô, Yāköp, Yāköp, ngaich ngöṙô angā-aṅ, Ihih chini.

Ranehlö 22:11

Ngaich ök ma-ahānga ngam Mā Tēv nö löktö el halīöngö ṙô nö havëken ò, nö ngöṙô, Aprahām, Aprahām: ngaich ngöṙô anga-aṅ, Ihih chini.

Ranehlö 22:1

Chalô ngaich tö e, unôich tö në, töngam Tēv nö kalaha Aprahām, nö ngöṙô tö ò, Aprahām, ngaich ngöṙô anga-aṅ, Ihih chini.

Salmai 62:11

Hĕng heuh, nët heuh ṙô An ngam Yēv, hāngö e chin chū-ö tö ngam minhôiṅyö nö aṅ im Tēv.

INLAHEN 10:13

Ngaich ngö ṙô tö ò, Choholre Pītör; fël nya-aṅkūöre. Ngö ṙô pöri ang Pītör,

INLAHEN 10:3

Hĕng taka ök ma-ahānga aṅ im Tēv tölöökö mineūkö tö ò, nö yihtöre nö in ò, ik tö lūöi köṅny ṙô tö harap; ngaich ngö ṙô tö ò, Kòrnēli.

1 SAMUĔL 3:10

Yih ngaich ngam Mā Tēv, söktöhëchṙen ngaich, ngaich sāre i nuk tahëng hē nö havëḵa, Samu-ĕl, Samu-ĕl nö ngö. Ngaich ngö ṙô ang Samu-ĕl, Ṙô-òv man yēḵ; tön hangihtörën ngòh tarik meh.

Ranehlö 28:16

Aṅhen ngaich Yāköp nö ṙā-ang im inṙôhòh, ngaich ngöṙô angā-aṅ; Kô-en An ngam Mā Tēv nö i ngih chūökö, öt akahalōn pöri chū-ö tö e.

MANEUTNYI 3:2

Meūkö ngaich ök ma-ahānga ngam Mā Tēv tö ò, nö el ök töhūkūö tameūyö, nö ellōn ök töyul; ngëicha angā-aṅ, ngaich meuk ök töyul nö hūkūö tö tameūyö, ngaich nöng öt ṙāpngö ök töyul.

MANEUTNYI 4:5

Hòṅ cha nö ṙātö ellōnre tö ngam Mā Tēv, ngam Tēv yik yöng cha, Tēv Aprahām, Tēv Isāk, Tēv Yāköp inrē, nö meūkö tö meh.

MANEUTNYI 19:3

Peūlöre ngaich Môsös nö chuh im Tēv, ngaich ngam Mā Tēv nö löknyö i kui rôngö ṙô nö havëken ò, nö ngö ṙô, Vë-ekūö yip aṅ patī Yāköp man, öm ngö ṙô, Vë-eny nang yip kūön Israĕl inrē;

MANEUTNYI 33:12

Ngaich ngö ṙô Môsös tö ngam Mā Tēv, Yĕh meuk, ngö ṙô man yih tö chu, Kēlö yip tarik man: ngaich hö-ö pöri Më-eṅ mikahtölōn chu töp tahīntö Meh hol chu. Ngaich pöri öm ngö ṙô, I minë-eny meh mikahkūö Chin tö meh, ngaich më-eṅ inrē tö inkôluṙô i kūö chu.

LA-EN LĒVĪ 1:1

Ngaich ngam Mā Tēv nö havëten Môsös, ngaich vë-ekūö ò nö löknyö ël ök rūkui manūlö, nö ngö ṙô,