MANEUTNYI 3:21 - TÖHET LĪPÖRE (Re-edited) Bible (BSI)

²¹ Kö vë-ekūö yip holre pöri min yip kikānö, angā-aṅ inrē öp mi-īyöng el patī ò, tö rupīö yanöṅtö, tö humlum yanöṅtö, hilā inrē: ngaich yī-ö hanyöṅtlö u i yip kūönre kikōnyö, kikānö inrē; ngaich yī-ö min hayëḵngen yip aṅ Aikup.

MANEUTNYI 3:21 Referans Kwoze

MANEUTNYI 12:36

Kētö neukhö cha inrē ngam Mā Tēv nö i kūö yik aṅ Aikup, pòn hōtu chā-a nö teūngen tö nup töng havëkö cha. Ngaich chā-a nö āichngen tī tö yik aṅ Aikup.

Salmai 105:37

Kēnyen cha Anga-aṅ ngaich nö hol tö rupīö, humlum inrē: ngaich öt hĕng tak töt kalē-en nö i yik miyöngö cha.

MANEUTNYI 11:3

Ngaich ngam Mā Tēv nö kētö neukhö yik tarik nö i kūö yik aṅ Aikup. Ngaich inrē ngam tarik Môsös nö tökiröng nö im panam Aikup, nö i kūö yik kūön alaha Fërō i kūö yik tarik inrē.

INCHŌḴ-OṘÔ 16:7

Yē nup talöökö ngam tarik nö ṙāmölōn tī tö ngam Mā Tēv, vīten ngam tökunyaha-elmat tö re anga-aṅ nö lām nö in Ò.

Salmai 106:46

Vīten cha Anga-aṅ inrē nö aṙētu: tö cha yik kamëngen cha nö kaitī.

Ranehlö 39:21

Holtöṙah Yôsĕf pöri ngam Mā Tēv, hameuktö neūkölōn inrē nö in ò, kētö neukhö ò inrē nö ikūö ök yōm ngam kinlōngö.

INLAHEN 7:10

Ṙānyen ò pöri Anga-aṅ i nup taṙòkhöre kanihngen ò; ngaich kētö neukhö ò, mikah inrē, nö i kūö Fërō, ök rāchakūö Aikup; ngaich vīlen ò anga-aṅ nö mahayöng nö i Aikup, i patī ò inrē.

NAHIMIĀ 1:11

Ō Mā, hökngen ngam el nang Meh nö hangihtöre tö ṙô ngòh tarik Meh nö havë-a, tö ṙô vē tarik Meh inrē nö havë-a vē tö kuchikölōn nö pa-ekūö tö minë-eny Meh; kētö taneunglen inrē in ngòh tarik Meh töngamuh, ane inrē kētö miṙēlōn in ò i kūö ngòh tarik. Sumlô kōp chū-ö in öp rācha ik hē e.

MANEUTNYI 12:35

Ngaich yik kūön Israĕl nö asā ṙô Môsös; ngaich chā-a inrē nö havëkö kūö yip aṅ Aikup tö rupīö yanöṅtö, humlum yanöṅtö, hilā inrē;

1 RĀCHA 8:50

Ngaich aṙēlö vē tarik re më-eṅ vē tököölö fālen nö in meh, ṙòkhöre nup tanôichngen cha inrē nup sinṙakngen cha nö in meh; ngaich më-eṅ yēḵ kētö inṙētö cha i kūö yip kamëḵngen cha nö hakövö, hòṅ cha nö aṙē-ĕlōn tö cha.

Ranehlö 15:14

Ngaich inrē öp mumā-aṅ tarik angū-ö, öp tö kūönukūö min tö cha, kahòkkaṙen min tö Chu; unôichngöre min cha-a nö kunyī-inyre nö pōyen kum tö chehen.

MANEUTNYI 11:2

Vëhet elnang yip tarik töngamuh, hökngen cha inrē nö kö havëkö kūö tarik öp hol ò, kikānö inrē ip hol ò, tö rupīö yanöṅtö, humlum inrē yanöṅtö.

I. CHÖNGÖ 15:13

Yē meh hökngen ò nö kiröönngöre nö öt ṙāyu nö ṙā-ang in meh, uh më-eṅ hökngen ò nö kiröönngöre nö öt kūmuṙen: