MANEUTNYI 3:17 - TÖHET LĪPÖRE (Re-edited) Bible (BSI)

¹⁷ Ngaich ngöṙô chū-ö, Hòṅ kēten yīö chin i panam aṅ Kanā-an, Hitāit, Amòrāit, Perisāit, Yapusāit inrē, ap panam töhëmö aṅkūö tö aṅteh hönī inrē.

MANEUTNYI 3:17 Referans Kwoze

Ranehlö 50:24

Ngaich Yôsĕf nö ngöṙô, töyik hanöngkisānöre, Kapah chin; kô-en pöri min ngam Tēv nö chöhken yīö, kēnyen yīö inrē ṙā-ang i ngih panam, öi ip panam ṙô Ò nö kilēḵngôre, nö in Aprahām, Isāk, Yāköp inrē.

YÔSUĀ 24:11

Ngaich havāngngö kui Yôtön yī-ö, sölta ngaich i Yerikō: ngaich yik tarik aṅ Yerikō nö lā-al yīö nö kiyung, tö yip aṅ Amôr, aṅ Përis, aṅ Kanā-an, yik Hitait, aṅ Kirkas, yik Hivait yik Yëpus inrē; ngaich kēten cha chū-ö nö eltī yīö.

Ranehlö 46:4

In meh Chin min chuh Aikup; ngaich kô-en inrē min Öich kēten meh hēk: ngaich Yôsēf min inrē nö ṙātö eltīre nö i mat meh.

Ranehlö 50:25

Ngaich ang Yôsĕf nö chūökuṙô nö kilēḵngôre nö in yik kūön Israĕl, nö ngöṙô, Kô-en An min ngam Tēv nö chöhken yīö, ngaich yī-ö min keun nup tangëṅ chu ṙā-ang hih.

MANEUTNYI 6:6

Lökten nö ngöṙô tö yip kūön Israĕl, Chū-ö Chin Yāvē, kēnyen yīö chin min ṙā-ang i nup lumngan tī yip aṅ Aikup, kēnyen yīö chin ṙā-ang el inkövö tī cha, aṅtī tö töteuthak kël min Chū-ö ṙānyen yīö, aṅtī tö öp yöng inkaha fālen inrē;

MANEUTNYI 13:5

Ngaich mīnö hē ngam Mā Tēv nö kēten yīö im panam aṅ Kanā-an, aṅ Hitāit, Aṅ Amôr, aṅ Hivāit; aṅ Yapus inrē, ngam kinë-eṅ kūö meh tö Ò nö chūöku ṙô nö i yik muvöhngö meh, öp panam töhëmö aṅkūö tö aṅteh hönī inrē, haköpkö ngih la-en më-eṅ min i ngòh chingëṅt.

MANEUTNYI 32:34

Kuṙòh hachōḵkūö më tarik man ip chūök ṙô Chu tö meh: yĕh meuk, urēhĕkūö meh öp min Mā-ahānga Chu: ane pöri ip sakāmö hē Chu chöha, chöhkö nup tökööl cha min Chū-ö i kui cha.

MANEUTNYI 33:3

Ip panam tö hëmö kūö tö aṅteh hönī inrē: tön rö-ö Chin min kiröönngöre in meh; pò yīö tökëhe likeun öi tarik: hòṅ yīö öt keuheūtngöre vah tö tī chu el talöökö.

KINṘEŪKÖ 13:27

Ngaich vë-eny nang ò cha-a nö ngö ṙô, Tachta in ip panam öp chūök tinīnngö ih tö meh, kô-en öp nö töhëmö aṅkūö tö aṅteh hönī inrē; ngih ön yih ṙòng aṅ in e.

I. CHÖNGÖ 6:3

Lökten, Ō Israĕl, hangihtöre, haköpken e öm la-evṙen tö e; hòṅ e min nö lööken nö in meh, hòṅ yīö inrē ṙūölöre ṙôken, sā ṙô ngam Mā Tēv, ngam Tēv yik muvöhngö yīö nö kilēḵngôre nö in yīö, ip panam töhëmö aṅ kūö tö aṅteh hönī inrē.

I. CHÖNGÖ 26:9

Ngaich kēten ih anga-aṅ i ngih chūökö, ngaich kē-ĕkūö ih tö ngih panam, panam töhëmö aṅkūö tö aṅteh höni inrē.

YÔSUĀ 9:1

Ngaich ngö inlahen angū-ö, hē yik rācha nö ṙòkhöre yik lamuh tö Yôtön, i kui rung panam, i töṙā-akūö panam inrē ṙòkhöre inrē yip aṅ kuyāyö öp Tökiröng Mai lākūö Lëpenön, yik Hitait, Amôr, Kanā-an, Përis, Hivait, Yëpus, nö hāngö e;

YERIMIĀ 32:22

Ngaich kē-ĕkūö cha tö ngih panam; öm chūökuṙô i yik yöng cha öm kētö e in cha panam töhëmö aṅkūö tö aṅteh hönī inrē;

LA-EN LĒVĪ 20:24

Ngaichô pöri Chū-ö tö yīö, amīnu yin min töp panam cha, kētö e chin min nö in yīö nö kanahngen yīö, öp panam töhëmö aṅkūö tö aṅteh, hanī inrē: Chū-ö Chin Tēv meh Öich Mā Tēv, mahaköhngen meh tö më tarik.

YÔSUĀ 5:6

Pò yik kūön Israĕl nö el tönyalnyi nö kiröön tö fën anāi samyeūheu, hanöng saha yik tarik, yik tarik kumyung yik yamih nö ṙā-ang Aikup, nö keuheūtngörevah, pò cha nö öt hang ṙô ngam Mā Tēv: cha-a yik chūök ṙô ngam Mā Tēv: nö kilēḵngôre tö ò nö öt halöngten cha nö meuk ngam panam, ngam ṙô ngam Mā Tēv nö kilēḵngôre nö in yik muvöhngö cha nö kētö e nö in hī, panam töhëmö aṅkūö tö aṅteh hönī inrē.

1 KINṘÖTNGÖ 1:15

Hīva, Arkā, Sin,

Salmai 102:21

Hòṅ tarik nö ve-eny mine-eny ngam Mā Tēv nö i Siyòn: öp nöinyö Ò inrē nö i Yērusalem;

YERIMIĀ 11:5

Hòṅ chu hateungngö öp töchūöku kinlēkngôre in yip muvöhngö yīö, öich kē-ĕkūö cha tö panam töhëmö aṅkūö tö aṅteh töpachāka inrē, sā e ing töngamuh. Ngaich ngö ṙô chū-ö sapṙô, Ngatī an yēḵ, Mā Tēv.

ISIKĪ-ĔL 20:6

Ik sakāmö angū-ö chūökuṙô chū-ö tö cha tö chu min kēnyen cha ṙāngö öp panam Aikup ip panam öp chahöh chu chööḵnyen tö cha, öp panam töhëmö aṅkūö tö aṅteh hönī inrē tösamötlöng vanāyö tö taṙòkhöre panam.