MANEUTNYI 3:16 - TÖHET LĪPÖRE (Re-edited) Bible (BSI)

¹⁶ Kuṙòh, hamūl yip mā i Israĕl, ngöṙô tö cha, meūkö an tö chu Ngam Mā Tēv, ngam Tēv yik yöng yīö, Tēv Aprahām, Isāk, Yāköp inrē, ngöṙô an tö chu, Chöhken yīö chini, meuk nup inlanken yīö chin i Aikup:

MANEUTNYI 3:16 Referans Kwoze

Salmai 8:4

Suh ang ngòh tarik töp lökten meh chumkūöṙen tö ò: tö ngòh kūön tarik inrē, töp lökten meh chöhken ò?

MANEUTNYI 4:31

Ṙātö ellōnre ngaich yik tarik: ngaich hē cha nö hang ngam Mā Tēv, tö Ò inrē nö meuk kanihngen cha, ngaich sōntö kuire chā-a nö Salām.

MANEUTNYI 4:29

Kiröönngöre ngaich nā Môsös, nā Āròn, ngaich hamūl yik mākūö, yik kūön Israĕl nö ṙòkhöre;

Ranehlö 50:24

Ngaich Yôsĕf nö ngöṙô, töyik hanöngkisānöre, Kapah chin; kô-en pöri min ngam Tēv nö chöhken yīö, kēnyen yīö inrē ṙā-ang i ngih panam, öi ip panam ṙô Ò nö kilēḵngôre, nö in Aprahām, Isāk, Yāköp inrē.

INLAHEN 15:14

Ngaichô an taheui Sīmōn, nö ahangnyö elnang yīö tö tī ngam Tēv nö urĕh nö chöhkö yik tahëng mihëṅṙö tarik, nö kēḵ tarikre tö aṅ in cha, nö tarik Ò.

1 PĪTÖR 5:1

Lökten chin halēn yip mahaköphöti in yīö, chu-ö hamòl cha mahaköphöti, ane inrē mameuk kanihngen Kristū, chu-ö inrē hamòl im kanôlò tö hameuktu min:

1 PĪTÖR 2:12

Hökngen ngam inlahen yīö nö löök nö i yip aṅ elkahôyö, hòṅ cha yip tötlööku ṙô tö yīö, nö hatīönken yīö, ngaich haköp i nup tölöök la-en yīö, ngaich ha-öiny ngam Tēv im sakāmö chinöhkö.

INLAHEN 20:17

I Milĕtös anga-aṅ, nö tīnngö chamuh Efisös, nö havëtö yik mākūö ngam māṅ, nö in ò.

INLAHEN 11:30

Ngaich teūngen cha-a, söömngö u ngaich nö i yik mā, nö eltī nā Parnapas, nāṅ Sôl.

T. LŪKÖS 19:44

Ngaich sukten meh min nö el tumlat, yip kūön meh inrē, mi-in meh. Öt ṙahāngu min cha-a tö ihong mahachaphen höö nö in meh; pò meh öt akahalōn tö hē chinöhköre.

T. LŪKÖS 1:68

Tökôlò An ngam Mā, ngam Tēv Israĕl: pò Ò nö ngaich nö meukṙen, ane inrē ṙānyö vē tarikre.

T. MËTIV 26:3

Ngaich hamūlöre yik mākūö kūönṙô, tö yik mākūö yik tarik inrē, nö el patī ök mākūö kūönṙô, tö Kaifas invëka.

NGAM LĪPÖRE RŪT 1:6

Hōklöre ngaich anga-aṅ holtö nak kankūönre, nö ṙā-ang panam Mô-āp nö hòṅ havan: pò ò nö i panam Mô-āp nö hang ngam Mā Tēv nö chöhken yip tarikre nö kētö nyā-aṅkūö cha.

MANEUTNYI 13:19

Ngaich Môsös nö kēḵ nuk tangëḵ Yôsĕf nö kumre: pòn chipnyi ṙô angā-aṅ nö chūökuṙô nö in yik kūön Israĕl nö ngö ṙô, Kô-en yin min chöhka tö ngam Tēv; kumtö nup tangëḵ chu pöichö yē yīö ṙā-ang ihih.

MANEUTNYI 4:5

Hòṅ cha nö ṙātö ellōnre tö ngam Mā Tēv, ngam Tēv yik yöng cha, Tēv Aprahām, Tēv Isāk, Tēv Yāköp inrē, nö meūkö tö meh.

MANEUTNYI 2:25

Ngëichkö yik kūön Israĕl ngaich ngam Tēv, ngaich ngam Tēv nö akahngen cha.

MANEUTNYI 24:11

Öt ṙātö eltīre anga-aṅ nö i kui yik mā i yik kūön Israĕl: meuk ngam Tēv achā-a, ngaich nyā, òk inrē.

MANEUTNYI 18:12

Ngaich Yītörō, ök yöng pīhö Môsös, nö kētö töföngö tökētu, ngaich kētu nö i ngam Tēv: yih inrē ang Āròn, ṙòkhöre inrē yik mākūö Israĕl, nö nyā nö holkūö ök yöng pīhö Môsös nö i kūö ngam Tēv. (Invan 1. 9-18)

MANEUTNYI 15:14

Hang yip tarik, kichëyöre chā-a ngaich: fanëlu ngaich yik aṅ Filistia.

MANEUTNYI 3:2

Meūkö ngaich ök ma-ahānga ngam Mā Tēv tö ò, nö el ök töhūkūö tameūyö, nö ellōn ök töyul; ngëicha angā-aṅ, ngaich meuk ök töyul nö hūkūö tö tameūyö, ngaich nöng öt ṙāpngö ök töyul.

Ranehlö 21:1

Ngaich sā ṙô re ngam Tēv nö chöhken Sëra, ngaich ngam Mā Tēv nö tī-iv nö in Sëra sā ṙô Ò sin nö ngaich.

Ranehlö 1:7

Ngaich ngam Tēv nö vīlö taṙul, elkatòh ngam taṙul töminë mak minë lātulöng töm taṙul: ngaich ngatī angū-ö.

Ranehlö 28:13

Ngaich, yĕh meuk, ngam Mā Tēv nö lātulöng tö ò, ngaich ngöṙô, Chū-ö Chin Mā Tēv, Tēv Aprahām, ök kikōnyö yöng meh, Tēv Isāk inrē; ngam panam chūök meh hulalhaka, kētö e Chin in meh, ip kūön meh inrē;

Ranehlö 48:15

Hakôlò Yôsĕf ngaich angā-aṅ, nö ngöṙô, Ngam Tēv ngam tölöökö kūö tī tö nak yöng chu, Aprahām, Isāk inrē, ngam Tēv maha-aṅlen chu i rô-òtö nômö chu, söl ing töngamuh,

MANEUTNYI 3:6

Hēk inrē angā-aṅ nö ngöṙô, Chū-ö Chin Tēv ök yöng meh, Tēv Aprahām, Tēv Isak, Tēv Yāköp inrē. Hanyatngö kūöre ngaich Môsös; pò ò nö hatīönkö ngam Tēv.

MANEUTNYI 4:1

Ngaich ngöṙô Môsös nö sapṙô, Yĕh meuk, hö-ö pöri min chā-a nö ṙātö ellōnre nö in chu, ötrēhĕn nö hangṙô chu: pòn ngöṙô min chā-a, Rö-ö an ngam Mā Tēv nö meūkö tö meh.

MANEUTNYI 17:5

Ngaich ngö ṙô ngam Mā Tēv tö Môsös, Iṙūöhöröön man urēhĕkūö më tarik, ngôḵ yip mākūö Israĕl inrē nö hol meh; kuṙòh kiröönngöre, kēḵ öp tinkung nö eltī meh, öp aṅtī meh foh el ap tahël.

Salmai 33:18

Yĕh meuk minë mat ngam Mā Tēv nö i kui cha yip töpa-ekūö tö ò: i kui cha yip mameūka nö i miṙēlōn ò;

MANEUTNYI 1:8

Ngaich tufömngöre ök umuh rācha i Aikup, ök töt akahakūö tö Yôsĕf.

Salmai 102:21

Hòṅ tarik nö ve-eny mine-eny ngam Mā Tēv nö i Siyòn: öp nöinyö Ò inrē nö i Yērusalem;