MANEUTNYI 3:15 - TÖHET LĪPÖRE (Re-edited) Bible (BSI)

¹⁵ Ngöṙô inrē ngam Tēv tö Môsös, Ngöṙô man tö yip Israĕl, Tīntu chin in yīö tö ngam Mā Tēv, Tēv yik yöng yīö, Tēv Aprahām, Tēv Isāk, Tēv Yāköp inrē: angū-ö an minë-eny chu nö örheūheu, angū-ö an inköpkölōn tö Chu i tumköl chap.

MANEUTNYI 3:15 Referans Kwoze

HEPRĀI 13:8

Hĕngren An Yēsū Kristū tök vahë, tötaheui inrē, hôṅ, örheūheu inrē.

MALAKI 3:6

Pò chu öich Mā Tēv töthaṙīköre; lökten yin, Ō yī-ö kikōnyö kūön Yāköp, öi öt keuheūtngöre vah.

HŌSĪ 12:5

Ngam Mā Tēv, ngam Tēv tömaṙôngö; ngam Mā Tēv inköpkölōn ò.

MAIKA 4:5

Pòṅ ṙòkhöre vē tarik min nö kö lök i minë-eny ngam Mā Tēv min ayī-ö ngam Tēv hī höng örheūheu.

MANEUTNYI 3:6

Hēk inrē angā-aṅ nö ngöṙô, Chū-ö Chin Tēv ök yöng meh, Tēv Aprahām, Tēv Isak, Tēv Yāköp inrē. Hanyatngö kūöre ngaich Môsös; pò ò nö hatīönkö ngam Tēv.

Isayā 9:6

Pòn in hī öp hĕng tak nyīö nö fötnyu, in hī öp kikōnyö nyīö hĕng tak nö kētu; ngaich elranôṙö ò min öp inyöngö: kaheūkö inrē min öp mine-eny ò nö Pinngangkūö, Mahalēn, Tēv Tökeuheūttöre Chöngö, Yöng Tö-örheūheu-aṅ, Rācha kūö Lanāmö.

Salmai 102:12

Ō Mā Tēv, töng örheūheu pöri Öm ngöh: in yip tumkölchap nö ṙòkhöre ap kanöpölōn meh.

Salmai 135:13

Ō Mā Tēv, köp an ngam mine-eny meh nö örheūheu: Ō Mā Tēv, inköpkölōn tö Meh i tumkölchap.

INLAHEN 7:32

Chū-ö Chin Tēv yik muvöhngö yīö; Tēv Aprahām, Isak, Yāköp inrē. Ngaich kichëyöre Môsös nö öt hòṅ ngëicha.

I. CHÖNGÖ 1:11

Ngam Mā Tēv, ngam Tēv yik muvöhngö yīö, növīlen yīö köṅnyu tum van ṙôken öi pōyen, hakôlò yīö inrē, sā ṙô ò nö kilēḵngôre nö in yīö!

MANEUTNYI 4:5

Hòṅ cha nö ṙātö ellōnre tö ngam Mā Tēv, ngam Tēv yik yöng cha, Tēv Aprahām, Tēv Isāk, Tēv Yāköp inrē, nö meūkö tö meh.

Isayā 63:12

Öt tötī-iv tö ngam tökôlò kël ò nö lök lāhāmö Môsös, ök maharēv minë mak nö i kūö cha nö vītö minë-enyre tö tötchanūhuvṙen,

Salmai 72:19

Örheūheu inrē yēḵ ngam mine-eny Ò nö kôlò: tööḵlö ön yēḵ ngih panam nö ṙòkhöre tö kanôlò Ò. Āmen. Amen!

Salmai 72:17

Köp min öp minë-eny Ò nö örheūhu; iṙūhen ap minë-eny Ò min sā rô-òten ngam tavūöi; in Ò min vē tarik nö kôlò: töṙāmölōn min Anga-aṅ tö ṙô pumnāmö tarik.

2 KINṘÖTNGÖ 28:9

Hĕng tak pöri ök pròfĕt ngam Mā Tēv nö umuh, ök tö minënyuvö tö Otet; kunyī-inyre anga-aṅ nö höng kūö yik kumyung yik yamih nö i Samariā, ngaich ngö ṙô tö cha, Yĕh meuk, kūö ngam Mā Tēv, ngam Tēv yik yöng yīö nö līn nö in Yūtā, ngaich kēten cha nö eltī yīö, ngaich pöri yī-ö fëlngen cha i tanānyöre ngam tö söllö nö el halīöngö.

T. MËTIV 22:32

Chu-ö Chin Tēv Aprahām, Tēv Isāk, Tēv Yāköp inrē. Rö-ö an ngam Tēv nö Tēv yip tökapah, tön Tēv yip tö aṅ.

I. CHÖNGÖ 4:1

Yĕh pöchö, Ō Israĕl, hangihtöre tö në chöngö tö në inkaha fālen inrē, në inköptö meh tö chu, öm la-evṙen tö u; hòṅ meh aṅ, ngaich kuhēthötre amīnu tö ngam panam ngam kahëtö ngam Mā Tēv yik muvöhngö yīö, nö in yīö.

I. CHÖNGÖ 1:35

Öt hĕng tak min tö kô-òngrit aṅ i vē tarik aṅ ngih tötlöök tūmö nö meuk öp tölöök panam, öp ṙô Chu chūökö ṙô kilēḵngô re öich kē-ĕkūö yip muvöhngö yīö,

INLAHEN 3:13

Ngam Tēv Aprahām, Tēv Isak, Tēv Yāköp, Tēv yik muvöhngö hī inrē, nö hapōilö ngam Kūönre Yēsū, ngam tö kē-ĕyö tö yīö, ngaich mahayö nö i kūö Pailĕt, hē ò nö ṙāngen Ò lang.

HEPRĀI 11:16

Ngaich pöri cha-a tö ngamuh nö lōn tö öp töngö-al panam, ngam aṅ el halīöngö: lökten ngam Tēv nö öt sirōngkūö tö cha, nö Tēv cha invëka: pòn halēnken tö hĕng Anga-aṅ elpanam cha.

Ranehlö 24:12

Ngaich ngöṙô angā-aṅ, Ō Mā Tēv, Tēv ap yöngṙen chu Aprahām, vë-ekūö Meh chin, tīntö tölöök taneūngen chu i ngih sakāmö, ane inrē hameuktö miṙēlōnre ip yöngṙen chu Aprahām.

MANEUTNYI 3:13

Ngaich Môsös nö ngöṙô tö ngam Tēv, Yĕh meuk, yē chu min yih i yip kūön Israĕl, ngaich ngöṙô tö cha, Tīntu chin töp Tēv yik yöng yīö; ngaich ngöṙô min chā-a tö chu, Achīö ap minë-eny Ò? Sitih ṙô min chū-ö ngaich tö cha?

MANEUTNYI 4:1

Ngaich ngöṙô Môsös nö sapṙô, Yĕh meuk, hö-ö pöri min chā-a nö ṙātö ellōnre nö in chu, ötrēhĕn nö hangṙô chu: pòn ngöṙô min chā-a, Rö-ö an ngam Mā Tēv nö meūkö tö meh.

MANEUTNYI 6:2

Ngaich ngam Tēv nö vë-ekūö Môsös, ngöṙô tö ò, Chū-ö Chin Yāvē.

MANEUTNYI 15:2

Ngam Mā Tēv an kumlēḵ chu tinkökö inrē, vītöre An nö inyööken chu: Angā-aṅ An ngòh Tēv chu, ha-öinyö Ò chin min; Tēv ök muvöhngö chu, hapōilen Ò chin min.

MANEUTNYI 15:3

Kumyung An ngam Mā Tēv: Mā Tēv an ngam minë-eny Ò.

LA-EN LĒVĪ 24:11

Ngaich ngam kikōnyö kūön ngam kikānö aṅ Israĕl nö hachōichngö ngam minë-eny, rūtngövah inrē: ngaich kēten ò cha-a nö in Môsös Selōmit minënyi ök yöng ò kikānö, kikānö kūön Tiprī, aṅ i miyöngö Tën:

Salmai 30:4

Ha-öiny ngam Mā Tēv, Ō yī-ö töhet in ò, ha-öiny ngam töhet minë-eny ò inrē.

INCHŌḴ-OṘÔ 18:10

Töngëḵ an nö chūök chamônga ngam minë-eny ngam Mā Tēv; falhötre nö el e ngòh tölöök tarik ngaich öt palā-aiṙen.

Isayā 26:8

Hôṅ, im talöökö minë inkaha fālen aṅ in meh, Ō Mā Tēv, höng hamökken meh in; ngam minë-eny meh tö ngam inköpkölōn tö meh angū-ö an lōn ngih nômö ih.

Isayā 42:8

Chū-ö chin Mā Tēv; angū-ö an minë-eny chu: hö-ö chin min kēngö ngam kanôlòre nö i tahëng, öt rēhĕn ngam nöinyö chu nö i töka-īpö insā tēv.

YERIMIĀ 33:2

Ngö ṙô an ngam Mā Tēv ngam vamī tumlat, ngam Mā Tēv mahalēnngen e nö haköpngö e; Mā Tēv ap minë-eny ò:

TANĪ-ĔL 2:23

In meh, Ō Tēv yik muvöhngö chu, öich kētö nöinytö tī nöinyö inrē, pò meh kētö mikah in chu kumlēḵ inrē, ngaich inrē mikahtölōn chu töp havëkö ih in meh pò meh ngaich mikahtölōn ih tö nup mī-in ap rācha.

1 KINṘÖTNGÖ 16:16

Ngam kinlēḵngô vahīten ò in Aprahām, ngam töchūöku kinlēḵngô ò in Isāk,

1 KINṘÖTNGÖ 29:18

Ō Mā Tēv, Tēv Aprahām, Isāk, Israĕl inrē, yik yöng ih, haköpngö tö ngatī chöönyi nö örheūheulōn inrē nö ellōn vē tarik meh, hachōḵtökūö ellōn cha inrē nö i la-en meh.

Salmai 30:5

Tön töng rahëichtaṙen an ngam lanīnö ò, nômö ap ööi ò: yih ngam pineūnyö tö harap, peuheū pöri ngam ṙanāmölōn nö yih.

Salmai 68:5

Yöng kūönyōich, kamhòklökui tafīösi inrē: Tēv nö el ngam, töhet elyöngö re.

Salmai 102:13

Choholre Man min, aheūkölōn inrē tö Siyòn: pò e nö ngaich nö ṙētak miṙēlōn meh tö e, hôṅ, yih an nö ngaich ngam tö halēni ṙētak;

HŌSĪ 12:6

Lökten man havöötö kūö re im Tēv meh: köptī tö miṙēlōn inkaha fālen inrē, ngaich iṙūöhen höka im Tēv meh.