MANEUTNYI 3:14 - TÖHET LĪPÖRE (Re-edited) Bible (BSI)

¹⁴ Ngaich ngöṙô ngam Tēv tö yip kūön Israĕl. Tīntu chin in yīö tö ‘Chū-ö Chin.’

MANEUTNYI 3:14 Referans Kwoze

HEPRĀI 13:8

Hĕngren An Yēsū Kristū tök vahë, tötaheui inrē, hôṅ, örheūheu inrē.

T. YÔHAN 8:58

Ngaich Yēsū nö ngö ṙô tö cha, Ngaich Chin misī, urēhĕkūö finötnyö Aprahām.

INMEUKHÖMAT 1:8

Chu-ö Chin Alfa, Omeka inrē, ngö ṙô ngam Mā Tēv, Öich töha-ehelen misī, Öich yamih, Tökeuheūttöre Chöngö.

Salmai 90:2

Urĕh tö insīöpnyö në rôngö hēk, urĕh tö tī meh vīlö ngih tumlat, tö ngih panam inrē: ngaich höng me-eṅ Tēv, töt ranehluvö, töt manāngenvö.

Isayā 44:6

Ngö ṙô An ngam Mā Tēv, ngam Rācha Israĕl ngam Mā Tēv yip tömaṙôngö Ṙamānyen ò, Chū-ö chin raneh, chū-ö inrē manā-aṅ; öt hōlu chin tö tahëng tēv.

INMEUKHÖMAT 1:4

Tī Yôhan nö löö i nup tö sat māṅ nup i Āsi: Inlōnti yēḵ in yīö, lanāmö inrē, ṙā-ang in Ò, ngam töngamuh, tö ha-ehelen misī inrē, ngam yamih inrē; ṙā-ang i yip mi-ikūö ngam kantēra;

INMEUKHÖMAT 1:17

Ngaich hē chu meukan, ngaich fukngö chu-ö iröön Ò sā kupah, Ngaich lāhāmötī anga-aṅ nö ṙātö eltīre nö in chu, Un pa-ekūö, nö ngö; Chu-ö Chin raneh, manā-aṅ inrē,

MANEUTNYI 6:3

Meūkö chin misī, tö Aprahām tö Isāk, tö Yāköp inrē, öich Tēv tökeuheūttöre Chöngö, hö-ö pöri Chū-ö öich akaha tö cha tö ngam minë-eny chu, nö Yāvē.

INMEUKHÖMAT 4:8

Kö tafūölö sanëòk minë töfën nòng tö-aṅ chehechōn, tövinngö nöng matnyöre, lātuhēt inrē. Öt ṙākenre anū-ö tö sakāmö, hatööm inrē nö ngö ṙô, Töhet, töhet, töhet An ngam Mā Tēv, ngam Tökeuheūttöre Chöngö ngam tömisī, tö töngamuh, ngam tö mòkngöre inrē.

2 KÒRIN 1:20

Pòn pòrô nö ṙōl nup kinlēḵngô ngam Tēv, in Ò ngam tö hòṅ: lökten inrē nö löktö in Ò ngam Āmen, nö ineū-euṅ ngam Tēv lökten ih.

T. YÔHAN 8:28

Lökten Yēsū nö ngö ṙô; Yē yīö min hatamlö ngòh Kūön Tarik, ngaich möl yī-ö min akahalōn tö Chu Öich Anga-aṅ, öt kanahnguṙen Chin tö la-enre; sā ṙô ngam Yöng pöri nö haköpten Chu, ngatī ṙô Chū-ö tö në.

T. MËTIV 28:20

Haköpten cha nö haköp nup taṙòkhöre tinölô yīö tö Chu. Yĕh meuk; örheūheu Chin holtöṙah yīö, söl ip manāngen ngih panam.

Salmai 68:4

Tikökhökūö ngam Tēv, tiköknyö nöinyö Ò: harunglö talöökö Ò, ngam lamök el tönyalnyi; Yāh ap mine-eny Ò; urēhĕkūö Ò ṙāmölōn.

T. MËTIV 18:20

Pòn i chūök tö nët tak, hēk tö lūöi tak, nö hamūlöre nö i Mine-eny Chu; umuh Chu-ö ellōn cha.

NGAM LĪPÖRE YŌP 11:7

Kô öm kôtökūö tö nup tö- aṙūḵ aṅ im Tēv? Kô öm kôtökūö tö tölngö ngam Tökeuheūttöre Chö- ngö?

T. YÔHAN 8:24

Lökten Chu ngö ṙô tö yīö, Kapah yin min i në tököölre. Pò yīö, yē yīö, öt ṙātö ellōnre tö Chu Öich Anga-aṅ, kapah yī-ö min i nup tököölre.

MANEUTNYI 3:13

Ngaich Môsös nö ngöṙô tö ngam Tēv, Yĕh meuk, yē chu min yih i yip kūön Israĕl, ngaich ngöṙô tö cha, Tīntu chin töp Tēv yik yöng yīö; ngaich ngöṙô min chā-a tö chu, Achīö ap minë-eny Ò? Sitih ṙô min chū-ö ngaich tö cha?

MANEUTNYI 6:2

Ngaich ngam Tēv nö vë-ekūö Môsös, ngöṙô tö ò, Chū-ö Chin Yāvē.

MANEUTNYI 23:21

Hakūötenre yin in Ò, hang öp ṙô Ò; un harunnyu lanīnö: tön öt aṙēlö tanôichngen meh An min, pò ap minë-eny chu nö in ò.

MANEUTNYI 15:3

Kumyung An ngam Mā Tēv: Mā Tēv an ngam minë-eny Ò.

Isayā 42:8

Chū-ö chin Mā Tēv; angū-ö an minë-eny chu: hö-ö chin min kēngö ngam kanôlòre nö i tahëng, öt rēhĕn ngam nöinyö chu nö i töka-īpö insā tēv.