MANEUTNYI 3:13 - TÖHET LĪPÖRE (Re-edited) Bible (BSI)

¹³ Ngaich Môsös nö ngöṙô tö ngam Tēv, Yĕh meuk, yē chu min yih i yip kūön Israĕl, ngaich ngöṙô tö cha, Tīntu chin töp Tēv yik yöng yīö; ngaich ngöṙô min chā-a tö chu, Achīö ap minë-eny Ò? Sitih ṙô min chū-ö ngaich tö cha?

MANEUTNYI 3:13 Referans Kwoze

Isayā 9:6

Pòn in hī öp hĕng tak nyīö nö fötnyu, in hī öp kikōnyö nyīö hĕng tak nö kētu; ngaich elranôṙö ò min öp inyöngö: kaheūkö inrē min öp mine-eny ò nö Pinngangkūö, Mahalēn, Tēv Tökeuheūttöre Chöngö, Yöng Tö-örheūheu-aṅ, Rācha kūö Lanāmö.

T. MËTIV 1:21

Kikōnyö ap min fahötnyö ò; Yēsū invëka Ap min Minënyö Ò, tö meh; pò Ò min Anga-aṅ nö hayööken vē tarikre, nö i nup tökööl cha.

YERIMIĀ 23:6

Hayöökaṙen min Yūtā i nup sakāmö ò, iyöng min inrē Israel nö köp. Ngih öp min minënyö ò nö havëka: Ngam Mā Tēv an lanöökö hī.

Isayā 7:14

Lökten an ngam Mā min nö kē-ĕkūö yīö tö minkahngö. Yĕh meuk hĕng tak öp min töt chô-òv rēlö pumrūkö nyīö, ngaich kayôḵnyö kikōnyö nyīö, ngaich kaheuk minë-eny ò min nö Immanuĕl.

INCHŌḴ-OṘÔ 30:4

Chiāp tö ngaich nö yônlö nö el halīöngö ngaich yôntī? Achiāp mahamūl ngam kuföt nö eltī re achiāp mahaṙung minë mak nö el hilā? Achiāp mahaköpngö në manā-angkūö ngam tumlat? Achiāp minë-eny ò, achiāp inrē minë-eny ap kūön ò? Akahakūö man me-eṅ!

MANEUTNYI 3:14

Ngaich ngöṙô ngam Tēv tö yip kūön Israĕl. Tīntu chin in yīö tö ‘Chū-ö Chin.’

Ranehlö 32:29

Ngaich Yāköp nö hatönan, nö ngöṙô, Vë-ekūö Meh chin, vë-eny nang chu Man töp minë-eny Meh. Ngaich ngöṙô Angā-aṅ kūöyòh ö hòṅ hatön mine-eny chu? Hakôlò ò ngaich Anga-aṅ nö umuh.

T. MËTIV 1:23

Yĕh meuk; ap tötchô-òv rēlö min puyōsö: kikōnyö ap min nyīö töfötnyuvö; Immānu-el invëka ap min Mine-eny Ò, tö cha. “Höltöṙah hī An ngam Tēv” töngö manah an ngam ṙô “Immanū-el.”

KAMHÔKA 13:17

Ngaich ngö ṙô Manô-a tök ma-ahānga aṅ im Mā Tēv, Chīāp mine-eny meh, hòṅ ih ha-öinyö meh min yĕn teungtökūö nup ṙô meh?

KAMHÔKA 13:6

Ngaich ök kikānö nö yihtöre nö vë-eny nang ök pīhöre, nö ngö ṙô, Hĕng tak ök tarik ngam Tēv yihtöre nö in chu ngaich ök arëkūö ò nö sā arëkūö ma-ahānga aṅ im Tēv, nö vanööṙö: öt hatönan chū-ö töp ṙeūngö ò, öt rēhĕn anga-aṅ nö vë-enynang chu tö minë-enyre:

MANEUTNYI 15:3

Kumyung An ngam Mā Tēv: Mā Tēv an ngam minë-eny Ò.

INLAHEN 3:13

Ngam Tēv Aprahām, Tēv Isak, Tēv Yāköp, Tēv yik muvöhngö hī inrē, nö hapōilö ngam Kūönre Yēsū, ngam tö kē-ĕyö tö yīö, ngaich mahayö nö i kūö Pailĕt, hē ò nö ṙāngen Ò lang.

MANEUTNYI 3:12

Ngaich ngöṙô Angā-aṅ, In meh takô Chin min; ngih ön min minkahngö nö in meh tö Chu öich tīnten meh: yē meh min ngaich kēnyö yip tarik nö ṙā-ang Aikup. Ngaich yī-ö min lök la-en ngam Tēv ikui ngih rôngö.

MANEUTNYI 3:15

Ngöṙô inrē ngam Tēv tö Môsös, Ngöṙô man tö yip Israĕl, Tīntu chin in yīö tö ngam Mā Tēv, Tēv yik yöng yīö, Tēv Aprahām, Tēv Isāk, Tēv Yāköp inrē: angū-ö an minë-eny chu nö örheūheu, angū-ö an inköpkölōn tö Chu i tumköl chap.

MANEUTNYI 7:16

Ngaich ngö ṙô pömchö tö ò, Tīntu chin in meh tö ngam Mā Tēv, ngam Tēv yip Hīprū, nö ngö Ṙô, Hökngen yip tarik Chu nö kiröönngöre, hòṅ cha nö lök la-en Chu nö el nyaṅlnyi: meuk mana, tö meh höng öl hang.

Isayā 52:6

Lökten yip tarik chu min nö akaha kūö tö minë-eny chu; lökten cha min nö akahakūö ip sakāmö angū-ö tö chu öich chū-ö töṙô-òvö; yĕh meuk, chū-ö chini.