MANEUTNYI 3:12 - TÖHET LĪPÖRE (Re-edited) Bible (BSI)

¹² Ngaich ngöṙô Angā-aṅ, In meh takô Chin min; ngih ön min minkahngö nö in meh tö Chu öich tīnten meh: yē meh min ngaich kēnyö yip tarik nö ṙā-ang Aikup. Ngaich yī-ö min lök la-en ngam Tēv ikui ngih rôngö.

MANEUTNYI 3:12 Referans Kwoze

YÔSUĀ 1:5

Öt hĕngtak min tarik tökô nö sökhak nö i kūö meh i rô-òtö sakāmö meh aṅ: sā chu misī in Môsös, ngatī chū-ö min in meh: öt hō chin min öt teung in meh, öt rēhĕn ṙāngen, meh.

RŌMA 8:31

Sitih ṙô öi pökeh min tö në? Chiāp lā-al hī yē ngam Tēv nö in hī?

Isayā 41:10

Uh man pa-ekūö, tön in meh chin; um ngangngökūö, tön chū-ö chin Tēv meh: hangëṅlen meh chin min; hôṅ, holṙen meh chin min; hôṅ, ṙapken meh chin min aṅtī tö lahāmö kël ngam lanöökö chu.

I. CHÖNGÖ 31:23

Ngaich kētö chöngö Yôsuā anga-aṅ ök kikōnyö kūön Nön, nö ngö ṙô, Ngëtöhëch hangë alahare inrē: tön kētö vē kūön Israĕl man min im panam ngam kinlēḵngô chu in cha: ngaich chū-ö min holtöṙah meh.

Ranehlö 31:3

Ngaich ngöṙô ngam Mā Tēv tö Yāköp, Havantöre man i panam yip yöngre, ip hanöngkisānö meh; holtöṙah meh Chin min.

MANEUTNYI 4:15

Ngaich vë-ekūö ò min më-eṅ, chaphöt minë ṙô elvāng ò: hol ngam elvāng meh Chin min, hol ap elvāng ò inrē, ngaich sumlohten meh min töp inlahen meh.

MANEUTNYI 4:12

Kuṙòh lökten kiröönngöre elvāng meh Chin min, Öich haköpten meh töp ṙô meh min.

T. MËTIV 28:20

Haköpten cha nö haköp nup taṙòkhöre tinölô yīö tö Chu. Yĕh meuk; örheūheu Chin holtöṙah yīö, söl ip manāngen ngih panam.

Isayā 43:2

Yē meh lök el mak, in meh chū-ö min; lök el tahël inrē ngaich anū-ö min nö öthōḵ nö pökngö tī tö meh: yē meh lök kūö tameūyö, ngaich öthō me-eṅ min ökngö; öt rēhĕn min ngam töhū kūö nö pachôllöngkūö nö i kui meh.

INLAHEN 11:21

In cha ngam Mā, ngaich maṙôngö yik ṙamātö ellōnre nö havöötökūöre nö im Mā Tēv.

T. MĀKÖS 16:20

Kiröönngöre cha-a, ngaich keuheūt chūökre, nö mumkahten; la-evṙen ngam Mā nö in cha, ane inrē hangëkö ngam ṙô, lökten i nup minkahngö mi-in e.

HEPRĀI 13:5

Ui aṅhaṅv-in tö hanāngen tö rupīö, ngāichö ṙôngònglōn tö nup in yīö inlānen: pòn ngö ṙô Anga-aṅ, Öthōḵ Chin löhlö tö meh ötrēhĕn Chin min löktu ṙāngen meh.

Isayā 7:14

Lökten an ngam Mā min nö kē-ĕkūö yīö tö minkahngö. Yĕh meuk hĕng tak öp min töt chô-òv rēlö pumrūkö nyīö, ngaich kayôḵnyö kikōnyö nyīö, ngaich kaheuk minë-eny ò min nö Immanuĕl.

Salmai 86:17

Hameuktö ap minkahngö tölöök, hòṅ cha nö meūkö e, yip tö sumrīk tö chu, ngaich sirōngkūö: pò Meh Mā, Me-eṅ hamòlṙen chu, mahaṙamlōn chu inrē.

Isayā 37:30

Angū-ö ön min ngih minkahngö nö in meh: i ngih yin min samyeūheu nyā-aṅvkūö tö nup töng samīöplöre, ngaich im innët samyeūheu tö nup ṙamā-ang in u nö sīöp; ngaich im linūöi samyeūheu yī-ö teūich hamūl inrē, teūichtö vāin inrē, ngaich nyā ṙòng u.

KAMHÔKA 7:11

Ngaich më-eṅ min hang öp ṙô cha; ngaich kalēḵlöre kël min më-eṅ öm peūtöre im elyöngö. Hōlten Pūrah ngaich anga-aṅ nö peūtöre ök tarik alaha ò nö söl manā-angkūö chūök yik tö-aṅhaṅvtī tarik yik me-ël ök elyöngö.

KAMHÔKA 6:21

Ngaich ök ma-ahānga ngam Mā Tēv nö sōngtörit tinkung re nö eltī ò, ngaich sūöhkö ök alaha tö nuk tötaföhlöng rôti; hūlökūö ngaich ök tameūyö nö löklö kui ök Ihong, ngaich ṙāpngö kūö tök alaha tö nuk tötaföhlöng inrē rôti; ṙā-ang i kūö ò ngaich ök ma-ahānga aṅ im Mā Tēv nö chaṙēviṙen.

KAMHÔKA 6:17

Ngaich ngö ṙô anga-aṅ tö ò, Yē chu tö inkôluṙô öich i kūö meh, hameukhömat chu yēḵ töp hĕng minkahngö tö meh öm më-eṅ va-me-eṅkūö chu.

Ranehlö 15:1

Unôich tönë ngam ṙô ngam Mā Tēv nöyih nö in Aprām nö i inmeukhömat, nö ngöṙô, Aprām, un pa-ekūö: Chū-ö Chin lanaklö meh, kiröng nup min raneushö meh.

Ranehlö 15:8

Ngaich ngöṙô angā-aṅ, Ō Mā Yāvē, asuh ap min lökten chu akahalōn töchu min amīnu tö e?

INLAHEN 7:7

Ngö ṙô ngam Tēv nö hēk. Kahòkkaṙen yip tarik min tö Chu, yip mahakövö cha. Keuheūthëṙen angū-ö, ngaich kunyī-inyre min cha-a, ngaich lök la-en Chu i ngih panam.

MANEUTNYI 3:1

Aṅtö nuk pököre ök yöng pīhöre ang Môsös, ang Yitörō, ök Kūönṙô aṅ Mītia; hachōḵngö nuk pököre angā-aṅ nö lā uk ök tönyaṅlnyi, ngaich sölta nö ip rôngö ngam Tēv i Hōrep.

MANEUTNYI 3:13

Ngaich Môsös nö ngöṙô tö ngam Tēv, Yĕh meuk, yē chu min yih i yip kūön Israĕl, ngaich ngöṙô tö cha, Tīntu chin töp Tēv yik yöng yīö; ngaich ngöṙô min chā-a tö chu, Achīö ap minë-eny Ò? Sitih ṙô min chū-ö ngaich tö cha?

MANEUTNYI 18:5

Ngaich Yītörō, ök yöng pīhö Môsös, nö yih nö hol tö nak kūön ò kikōnyö tök pīhö ò inrē nö in Môsös nö el tönyaṅlnyi, i chūök ò nö iyöngtöre, ranghö öp rôngö ngam Tēv:

MANEUTNYI 33:14

Ngaich ngö ṙô anga-aṅ, In meh chin min kiröönngöre, ngaich kētö haneūheu meh chu-ö min.

KINṘEŪKÖ 16:28

Ngaich ngö ṙô Môsös, Ihih yin min akahalōn tö ngam Mā Tēv nö tīnten chu la-ëvṙen tö në nö ṙòkhöre; tön rö-ö chin kanahanglōnre la-ëvṙen tö u.

KINṘEŪKÖ 23:21

Öt meuk tökööl anga-aṅ nö in Yāköp, Ötrēhĕn nö meuk töchōich nö in Israĕl: In ò An ngam Tēv ò ngam Mā Tēv, In cha öp ṙô rācha nö hūḵa.

KAMHÔKA 6:16

Ngaich ngam Mā Tēv nö ngö ṙô tö ò, Kô-en chin min in meh, ngaich më-eṅ min fëlngö yip aṅ Mītīa sā nyaha töng hĕng tak tarik.

2 RĀCHA 19:29

Angū-ö an min minkahngö nö in meh: nyā nup töng kanahngenre yin min nö sīöp i ngih samyeūheu ngaich im innëtö samyeūheu nyā nup samīöp nö ṙā-ang in u; ngaich im linūöyö samyeūheu yī-ö teūich, uvòh, teūich vāin inrē, ngaich nyā nup ṙòng u.

YERIMIĀ 1:8

Uh man pa-ekūö tö cha, tön in meh chin öich ṙānyen meh, ṙô ngam Mā Tēv.

Ranehlö 26:3

Rahëichtaṙen iyöng i ngih panam, holtörah meh Chin min, hakôlò meh inrē; pò Chu min in meh tī, ip kūön meh inrē, Öich kētö në panam, ngaich haköpngö ngam kinlēk̠ngôre Chū-ö, ngam ṙô Chu in Aprahām ök yöng meh:

MANEUTNYI 8:27

Hòṅ lūöi sumkam rô-òlkūö in kiröönngöre el nyaṅlnyi, öi kētö tökētu im Mā Tēv, ngam Tēv ih sā Chöngö Ò tö ih.

KAMHÔKA 6:12

Meūkö ngaich tö ò ök ma-ahānga aṅ im Mā Tēv, ngö ṙô anga-aṅ tö ò, In meh An ngam Mā Tēv më-eṅ tökalēḵ tarik öm tömihôiṅ.

1 SAMUĔL 14:10

Yē cha pöri nö ngö ṙô, Tā-ih yihtöre in ih; ngaich yihtöre min ayā-a; tön kēten cha an ngam Mā Tēv nö eltī hā: angū-ö ön ngih min minkahngö e nö in hā.

1 KINṘÖTNGÖ 9:20

Finehas inrē ök kikōnyö kūön Ēlī-ēsör anga-aṅ ök mahayöngö cha tö misī-iten: holtöṙah ò an ngam Mā Tēv.