MANEUTNYI 3:10 - TÖHET LĪPÖRE (Re-edited) Bible (BSI)

¹⁰ Tā-a, lökten, Töich tīnten meh in Fërō, hòṅ meh kēnyö yip tarik Chu yip kūön Israĕl nö ṙā-ang Aikup.

MANEUTNYI 3:10 Referans Kwoze

MAIKA 6:4

Tön kēnyen meh chin ngaich ṙā-ang ap panam Aikup, ṙāyen meh inrē ṙā-ang el patī inkövö; urēhĕkūö meh chū-ö inrē tīnten Môsös, Āròn, Miriām inrē.

Salmai 105:26

Tīnten ök tarik re Anga-aṅ ang Môsös: Āròn inrē nak katöllö Ò.

1 SAMUĔL 12:6

Ngö ṙô ngaich Samu-ĕl tö yik tarik, Ngam Mā Tēv An misī vamīlen Môsös, Āròn inrē, nak kamënyö yik yöng yīö nö ṙā-ang öp panam Aikup.

INLAHEN 7:34

Meuk kanihngen yip tarikre takô Chin, yip i Aikup: hang inyôṙö ṙô cha Chin inrē; ngaich hòṅ yihtöre Öich ṙānyen cha. Tā-a, hòṅ tīnten meh Chin i Aikup.

Salmai 77:20

Sā pököre yin vē tarik Meh, nö hachō-o tö Meh: nö eltī Môsös, nā Āròn.

INLAHEN 7:36

Anga-aṅ ṙamānyen cha, tö kinheūṅtö tīre tö nuk pinngangkūö, minkangö inrē, i Aikup, el ap Mai Ētöm inrē, elinchōn inrē, fën anāi samyeūheu.

HŌSĪ 12:13

Lökten i pròfĕt tī ngam Mā Tēv nö kēnyen Israel nö ṙā-ang Aikup, lökten i pròfĕt inrē anga-aṅ nö haköpka.

INLAHEN 7:6

Ngö ṙô ngam Tēv; tö yip kūön ò min nö iyöng tahëng panam; pòn hōtu nö hakövö, öt hakôlöngṙô tö cha, fënòng tum samyeūheu.

INLAHEN 7:7

Ngö ṙô ngam Tēv nö hēk. Kahòkkaṙen yip tarik min tö Chu, yip mahakövö cha. Keuheūthëṙen angū-ö, ngaich kunyī-inyre min cha-a, ngaich lök la-en Chu i ngih panam.

Ranehlö 15:13

Ngaich ngöṙô Anga-aṅ tö Aprām, Akahalōn pömchö tö öp kūön meh min nö aṅ tahëng min nö ip töt panam cha, ngaich kūönkūö cha min, ngaich chā-a min nö hakihten cha nö eltö fënòng samyeūheu;

Ranehlö 15:14

Ngaich inrē öp mumā-aṅ tarik angū-ö, öp tö kūönukūö min tö cha, kahòkkaṙen min tö Chu; unôichngöre min cha-a nö kunyī-inyre nö pōyen kum tö chehen.

MANEUTNYI 6:26

Chā-a yin ṙô ngam Mā Tēv, nö in nā Āròn, nā Môsös, nö ngöṙô, Kēnyö yip kūön Israĕl, nö ṙā-ang panam Aikup, sā ṙôngö cha.

MANEUTNYI 12:40

I yöng Aikup chā-a yik kūön Israĕl nö fënòng lūöi anāi samyeūheu.

MANEUTNYI 12:41

Ngaich ngö inlahen i kinheūṅtö töfënòng lūöi anāi samyeūheu, im sakāmö angū-ö nö teungtö kūö nö ṙòkhöre yik tarik ngam Mā Tēv nö kunyi-inyre nö ṙāngö ngam panam Aikup.

MANEUTNYI 33:12

Ngaich ngö ṙô Môsös tö ngam Mā Tēv, Yĕh meuk, ngö ṙô man yih tö chu, Kēlö yip tarik man: ngaich hö-ö pöri Më-eṅ mikahtölōn chu töp tahīntö Meh hol chu. Ngaich pöri öm ngö ṙô, I minë-eny meh mikahkūö Chin tö meh, ngaich më-eṅ inrē tö inkôluṙô i kūö chu.

MANEUTNYI 33:13

Lökten yĕh, vë-ekūö meh chin yē chu tö inkôluṙô i kūö Meh, hameuktö nup talöököre man yĕh, hòṅ chu akahakūö tö meh hòṅ chu öich teūngen tö inkôlòre i kūö meh: ngëicha inrē tö vē pumnāmö tarik nö tarik meh.

1 SAMUĔL 12:8

Hē Yāköp misī nö yih nö i Aikup, peuinyhökūö ngam Mā Tēv ngaich yik yöng yīö, tīnten Môsös ngaich ngam Mā Tēv Āròn inrē, nak kamëḵnyö yik yöng yīö nö ṙā-ang Aikup, vīten cha ngaich nö iyöng nö i ngih chūökö.

KAMHÔKA 6:14

Hatīönken ò ngaich ngam Mā Tēv, ngaich ngö ṙô, Kuṙòh i ngih kumlēḵ man kiröönngöre, hayöölen Israĕl ṙā-ang eltī yip aṅ Mītīa: röh öich chū-ö tamīnngen meh?