MANEUTNYI 3:1 - TÖHET LĪPÖRE (Re-edited) Bible (BSI)

¹ Aṅtö nuk pököre ök yöng pīhöre ang Môsös, ang Yitörō, ök Kūönṙô aṅ Mītia; hachōḵngö nuk pököre angā-aṅ nö lā uk ök tönyaṅlnyi, ngaich sölta nö ip rôngö ngam Tēv i Hōrep.

MANEUTNYI 3:1 Referans Kwoze

1 RĀCHA 19:8

Chōholre ngaich anga-aṅ, ngaich nyā òk inrē, kiröönngöre ngaich nö fën anāi sumkam fën anāi mitööm nö chuh Hôrep ngam rôngö ngam Tēv nö i kumlēḵ ngam nyā-aṅkūöre.

MANEUTNYI 17:6

Yĕh meuk, sökhak chin min i kui öp ihong i Hôrep; foh öp ihong pömchö, ngaich hëmnyi min öp mak nö ṙā-ang in ò, hòṅ yip tarik nö òk. Ngaich ngatī Môsös nö i kūö yik mākūö Israĕl.

KINṘEŪKÖ 10:29

Ngaich ngö ṙô Môsös tö Hōpar ök kikōnyö kūön Rakūĕl, aṅ Mītiā, kikōnyö yöng pīhö Môsös, Kiröönngöre in im chūök ṙô ngam Mā Tēv, nö ngö ṙô, Kētö e chin min in yīö: tā-a in ih man, ngaich hakôlò meh min īhö: pò ngam Mā Tēv nö löökö ṙô nö in Israĕl.

MALAKI 4:4

Köpölōn yin tö ngam chöngö Môsös ök tarik chu, ngam hachöngten in chu in ò i Hôrep nö lamöö in Israĕl nö ṙòkhöre, minë chöngö inkaha falen inrē.

KAMHÔKA 4:11

Hē e ang Hīpör ök aṅ Kēnait nö haköhngenre tö yik aṅ Kēnait, nö ṙā-ang in yik kūön Hōpāp ök yöng pīhö Môsös, ngaich vītö inrū kuire nö sā rôvat ök Tarpin nö i Sē-ananim ök töröhta nö i Katēs.

MANEUTNYI 19:11

Hòn lēn ip linūöyö sakāmö: pòn ip linūöyö sakāmö ngam Mā Tēv min nö yih nö i kūö yip tarik nö ṙòkhöre i kui ngam rôngö Sināi.

T. LŪKÖS 2:8

Ngaich yik umuh amahtö pököre im panam, aṅtö nuk pököre tö el hatööm nö höngngöh, nö i chūökre nö ha-aṅhaṅl u.

Salmai 106:19

Vī kun nuā cha-a nö i Hôrep: Ngaich salām ök tö haṙöichö tēv.

I. CHÖNGÖ 4:10

Ik sakāmö hē yīö sökhaka i Hōrep i kūö ngam Mā Tēv ngam Tēv yīö, hē ngam Mā Tēv nö ngö ṙô tö chu, Hamūltö yip tarik in chu, hòṅ chu vīten cha nö hang në ṙô chu, hòṅ cha nö haköptöre nö pa-ekūö tö chu i rô-òtö në sakāmö cha nö iyöng kūö ngam panam, hòṅ cha inrē nö haköptö yip kūönre.

I. CHÖNGÖ 1:6

Vë-ekūö hī an ngam Mā Tēv ngam Tēv hī nö i Hōrep, nö ngö ṙô, Marô-òten yin ngaich iyöng in ngih rôngö:

MANEUTNYI 24:13

Chōholre ngaich Môsös, Yôsuā inrē ök mameukṙen ò: ngaich Môsös nö yônlö nö im rôngö ngam Tēv.

MANEUTNYI 19:3

Peūlöre ngaich Môsös nö chuh im Tēv, ngaich ngam Mā Tēv nö löknyö i kui rôngö ṙô nö havëken ò, nö ngö ṙô, Vë-ekūö yip aṅ patī Yāköp man, öm ngö ṙô, Vë-eny nang yip kūön Israĕl inrē;

MANEUTNYI 3:5

Ngaich ngöṙô Angā-aṅ, Um haröhtöre ihih: hūötnyö minë kunröpöre man ṙā-ang i röön meh, tön töhet an ngam tumlat, chūök meh sökhaka.

MANEUTNYI 2:16

Sat maneuk yik kikānö kūön ök Kūönṙô aṅ Mītia: ngaich yihtöre chā-a nö fòk mak, ngaich hatööḵlö nuk tökachāvu, nö ha-òk nuk chehen ök yöng cha kikōnyö.

AMŌS 1:1

Në ṙô Amôs, ök mī-in yik yōm pököre i Tēkoā, në maheuṅk ò lāinyngen Israel hē nuk sakāmö Usayā ök rācha aṅ Yūtā, hē nuk sakāmö Yēropoām inrē ök kikōnyö kūön Yô-as rācha aṅ Israel nët samyeūheu urĕh tö ök kumyeūnö.

MANEUTNYI 4:27

Ngaich ngöṙô ngam Mā Tēv, tö Āròn, Kuṙòh chuh el tönyaṅlnyi man höngkūö Môsös, Kiröönngöre ngaich angā-aṅ, ngaich meukkūö ò nö ikui ap rôngö ngam Tēv, ngaich hāmkūö ò.

MANEUTNYI 2:21

Ngaich ang Môsös nö hō nö iyöng in ök tarik, ngaich angā-aṅ, nö kēten Siporā, ök kikānö kūön ò, nö in Môsös.

MANEUTNYI 2:18

Ngaich hē cha nö yihtöre nö in Rūel ök kikōnyö yöng cha, ngaich ngöṙô angā-aṅ, sitih öi ka-eūi tö yīhih ing tö taheui sakāmö?

INLAHEN 7:30

Keuheūten nuk töfën anāi samyeūheu, ngaich hĕng tak ök ma-ahānga tömeūkö tö ò, nö elinchōn Sīnāi, nö i kūö ök töhūkūö tameūyö el töyul.

MANEUTNYI 3:12

Ngaich ngöṙô Angā-aṅ, In meh takô Chin min; ngih ön min minkahngö nö in meh tö Chu öich tīnten meh: yē meh min ngaich kēnyö yip tarik nö ṙā-ang Aikup. Ngaich yī-ö min lök la-en ngam Tēv ikui ngih rôngö.

MANEUTNYI 4:18

Ngaich Môsös nö havantöre nö ik yöng pīhöre ang Yītörō, ngaich ngöṙô tö ò, Vë-ekūö meh chin, öm halöngngen chu öich havantöre in yip holre yip i Aikup, öich ngëichken cha yē cha nö ṙòngmö aṅ. Ngaich ngöṙô Yītörō tö Môsös, Ngaich man kuṙòh im kumchikṙen.

MANEUTNYI 18:12

Ngaich Yītörō, ök yöng pīhö Môsös, nö kētö töföngö tökētu, ngaich kētu nö i ngam Tēv: yih inrē ang Āròn, ṙòkhöre inrē yik mākūö Israĕl, nö nyā nö holkūö ök yöng pīhö Môsös nö i kūö ngam Tēv. (Invan 1. 9-18)

MANEUTNYI 19:2

Ngaich hē cha nö ṙā-ang Rifitim, ngaich yih nö ip tönyaṅlnyi i Sināi, vītö chūökre chā-a ngaich nö el ök tönyaṅlnyi; ngaich in e Israĕl nö iyöngtöre nö i kūö ök rôngö.

MANEUTNYI 33:6

Ngaich yik kūön Israĕl nö luhngö nuk yanöṅtöre nö ṙā-ang in cha löktökūö ip rôngö Hōröp nöng iṙūöhen.

I. CHÖNGÖ 1:2

Kahuk sīön sumkam rô-òl röön nö ṙā-ang Hōrep nö lök ip rung Sē-ir nö söl Kātēs Pörnia.

KINṘEŪKÖ 10:33

Kiröönngöre cha-a ngaich nö ṙā-ang im ṙôngö ngam Mā Tēv nö lūöi sumkam röön; urēhĕkūö cha ngam kasòng chöngö ngam Mā Tēv nö lūöi sumkam röön, nö chöh chūök haneūheu cha.

1 SAMUĔL 16:11

Ngaich Samu-ĕl nö ngö ṙô tö Yēsī, Ṙòkhöre aich vē kūön meh nö ihih? Ngaich ngö ṙô anga-aṅ, Öp manāngö takô apa tö-öl, yĕh, meuk, aṅtö nup sīnp ap. Ngaich Samu-ĕl nö ngö ṙô tö Yēsī, Tīnngö kame-eṅren ò: tön rö-ö in kô höng ūichhakṙen hanöng saha ò nö yih.

1 RĀCHA 19:19

Kiröönngöre ngaich anga-aṅ nö ṙā-ang umuh, ngaich kôtökūö tö Ĕlaisa ök kikōnyö kūön Safāt nö kuköh chūök sāiny, nö holṙen tö nuk tönët sīön nòng kōiny nuā nö urēhĕkūö ò, in ök innët sīön nòng anga-aṅ inrē: havāngtöre ngaich Ĕlaicha nö in ò ngaich kavaltö ök kinṙum re nö in ò.