MANEUTNYI 27:9 - TÖHET LĪPÖRE (Re-edited) Bible (BSI)

⁹ Vī elmilukö ngam inrūkui pömchö, im lā lòhngö nö kū-ö tö lòhngö min nup ranangkūö hilā, ranangngökūö ngam elmilūkö tö tövai hilā hēngòng sumkôngö (44 Mitör) rôta nö hĕng lā;

MANEUTNYI 27:9 Referans Kwoze

ISIKĪ-ĔL 42:3

Taptöre nö i nup tönët anāi sumkôngö nup aṅ ik lātuhēt elmilūkö, ngaich kū-ötö ök tölāchö ël ök aṅ ök elkahôyö elmilūkö, nö havööhenhökūö nuk tötānyu chūök nö i kaha pati i minë tölūöi köl chap.

ISIKĪ-ĔL 40:44

Ngaich anga-aṅ nö kēten chu öich ṙāngö lā uk el ök lā latuhēt elmilūkö, ngaich yĕh meuk, nët nup tökiröng urôhò el ök la tuhēt elmilūkö, hĕng i kaha ök lā kapā inkūp kū-ötö lòhngö, ngaich ök tahëng i kaha ök lā lòhngö inkūp kū-ötö kapā.

ISIKĪ-ĔL 40:32

Ngaich anga-aṅ nö kēten chu ik lā ël elmilūkö lā chuhöt, kalah ṙôkö ök inkūp ngaich anga-aṅ; ngaich angū-ö nöng sā ṙôkö nuk tahëng.

ISIKĪ-ĔL 40:28

Ngaich anga-aṅ nö kēten chu ik lā el elmilūkö nö lökhöt ngam lā lòhngö inkūp, ngaich anga-aṅ nö kalah ngam lā lòhngö inkūp; höng sā ṙôkö nuk tahëng angū-ö i kaha e.

ISIKĪ-ĔL 40:23

Kamlö nö ik inkūp inrē lā kapā, nö sā ngam lā chuhöt, ök inkūp lā ël elmilūkö, ngaich anga-aṅ nö kalah rôta löktökūö im hĕng inkūp söl im tahëng inkūp hēngòng sumkôngö.

ISIKĪ-ĔL 40:20

Ngaich kiröönngöre anga-aṅ urēhĕkūö cha nö lā kapā, ngaich yĕh meuk, hĕng ök umuh inkūp tö kū-ötö lā kapā, aṅ im lā uk elmilūkö. Kalah rôtòng e ngaich anga-aṅ ṙôktāk e inrē.

ISIKĪ-ĔL 40:14

Kalah öp lökhöt inrē anga-aṅ, nët anāi sumkôngö; havingö ök lökhöt inkūpkūö talöökö ök elmilūkö.

Salmai 116:19

El mikūkö ngam patī ngam Mā Tēv: ellōn meh, Ō Yērusalem. Ha-öiny ngam Mā Tēv yin.

Salmai 100:4

Kuhēthötre yin yēḵ lökhöt minë inkūp Ò, öi kumtö nöinyö: El patī Ò inrē öi tikökṙôre; ha-öinyan yēḵ, hakôlò ngam mine-eny Ò inrē.

Salmai 92:13

Teūchtu yin nö el patī ngam Mā Tēv: ngaich kôlò min, nö el patī ngam Tēv hī.

Salmai 84:10

Höng hĕng sumkam el ngam patī Meh, ngaich nö mötlö tö tö hĕng köṅny sumkam: ĕhten chin öre chū-ö höng yōm inkūp ngam patī ngam Tēv chu, tö inyöngö el inrūkui tötlöök.

2 KINṘÖTNGÖ 33:5

Vītö tahāklö nup el halīöngö inrē anga-aṅ nö ël nup tö nët elmilūkö ngam patī ngam Mā Tēv.

1 RĀCHA 8:64

Im sakāmö angū-ö ök rācha nö ahetlö ök lā ṙat töluvë-ak ök mī-ikūö ngam patī ngam Mā Tēv; pòn in e anga-aṅ nö kētö töföngö tökētu, atra inrē töpahīöya tösangöö inrē tökētu nö inlām; pò ök mās tahāklö ök i kūö ngam Mā Tēv nö kūöṅnö nö chūök nup töföngö tökētu, tö nup tösangöö tökētu nö inlām töpahīöya inrē atra tökētu.

1 RĀCHA 6:36

Vīlö töluvë-ak ellōn anga-aṅ tö nuk tölūöi mitöökö töfāsö ihong, hĕng mitöökö chōn sītör.

MANEUTNYI 40:8

Halēnlö ap elmilūkö nö havīṙi, seūlö nup ranangkūö ngam lökhöt ngam elmilūkö.

MANEUTNYI 39:40

Nup ranang ök elmilūkö tökilölhaka, machööḵlö e, löp e inrē, tök innyatngö ngam lökhöt elmilūkö, nuk tökuvaha e, tö nuk tumnôkö e inrē, ṙòkhöre inrē nup chehetī i la-en ngam inrūkui, chehetī inrē i la-en ngam rūkui inmūlö;

MANEUTNYI 36:17

Ane inrē anga-aṅ taneui anāi vahī tö chūökkūö yanòh nö i taseū öp ranangkūö öp lā uk takô ip tanaptö kūö, ane inrē taneui anāi vahī anga-aṅ tö chūökkūö yanòh i taseū öp ranangkūö öp lā uk takô im innëtö tanapkūö.

MANEUTNYI 27:10

Nët anāi min nup machööḵlö e nët anāi inrē nup löp u nö mās; nup kinvòk i nup machööḵlö tö nup nyanëk kaha u inrē nö rupīö min.

MANEUTNYI 35:17

Nup ranangkūö ngam el milūkö, nup machööḵlö e, nup löp u, öp ranangkūö inkūp ngam el milūkö,

MANEUTNYI 40:33

Vīlö ngam elmilūkö anga-aṅ inrē nö vinngö nö el ngam inrūkui tö ök tahāklö inrē, ngaich vītö ranangkūö lökhöt im elmilūkö. Möl Môsös nö keuheūten töm la-en.

KINṘEŪKÖ 3:26

Nup tö kilölhak ranang ngam elmilūkö, ane inrē ranangkūö inkūp elmilūkö, ngam mī-ip inrūkui, ane inrē mī-ip tahāklö nö vinngö, tö nup tökuvaha e inrē mi-i nup la-en e.

KINṘEŪKÖ 4:26

Tö nup ranang öp elmilūkö, tö nup ranangkūö inkūp lökhöt ngam elmilūkö; öp mi ip inrūkui nö havīlö öp tahāklö tö nup tökuvaha u, tö nup chehetī i la-en u, ip chūök u nö vītu, in u min anū-ö nö vītu.

KINṘEŪKÖ 4:32

Nup machööḵlö ngam elmilūkö nö vinngö, tö nup löp u, tö nup tumnôkö, tö nup tökuvaha, ṙòkhöre nup chehetī inrē, nö i nup vahīṙen u: minënyu ṙô yī-ö tö nup chehetī i nup tö keūnö.

2 KINṘÖTNGÖ 4:9

Vī el milūkö yik kūönṙô anga-aṅ, tök tökiröng el milūkö, inkūp ök el milūkö inrē, ngaich hatāptö mās nö i nuk inkūp;

ISIKĪ-ĔL 40:17

Ngaich kēten chu anga-aṅ ip lā uk elmilūkö yĕh meuk urôhò nuk umuh tö lāchö ël inrē, vinngö nö ik elmilūkö; lūöi anāi nuk urôhò lā kūö ök tö lāchö ël.