MANEUTNYI 27:3 - TÖHET LĪPÖRE (Re-edited) Bible (BSI)

³ Vī nup tanīöyö u pömchö nö chūök kinëngö nup tisum kūö e, sanël inrē, pēsön inrē, kinvòk alaha, töp chūök tameūyö e inrē; ṙòkhöre nup chehen e min nö vī-i tö meh nö mās.

MANEUTNYI 27:3 Referans Kwoze

1 RĀCHA 7:45

Tö nuk tanīöyö, sanël tumlat pēsön inrē: ṙòkhöre anū-ö në chūökṙen, vahī Hairām nö kūönkūö ök rācha Sòlòmön nö im patī ngam Mā Tēv, nö mās tö tö-ayānga.

2 KINṘÖTNGÖ 4:16

Nuk tanīöyö, nuk sanël, nuk lanòk, ṙòkhöre inrē nuk chehetī in u vahī Huramapī nö tö amëla mās nö lumnööṙö ök rācha Sòlòmön nö im patī ngam Mā Tēv.

2 KINṘÖTNGÖ 4:11

Vī tanīöyö inrē Huram, sānël, tö nuk pēsön inrē. Keuheūten ngaich Huram tök la-en ò nö in ök rācha Sòlòmön nö ik patī ngam Tēv.

1 KINṘÖTNGÖ 28:17

Humlumnyöre inrē lanòk, pēsön, kōp inrē, i nup humlum töchilū kökalaha lumngan; ik rupīö töchilū kökalah lumngan.

2 RĀCHA 25:15

Nup chūök kūö tameūyö inrē, tö nuk chūök sanöichtī; nuk humlum, nuk rupīö, kē-ĕyö anū-ö tök yöngṙen amahati.

1 RĀCHA 7:40

Vī nuk chūök sanöich ngaich ang Hairām, sanël tumlat, pēsön inrē, keuheūtngö tīre ngaich Hairām tö nuk la-enre nö ṙòkhöre nuk vahīṙen ò nö im patī ngam Mā Tēv nö kūönkūö ök rācha Sòlòmön:

KINṘEŪKÖ 4:14

Ngaich i kui e tī cha-a min nö tööngngö nup chūökṙen, nup chūökṙen cha nö meukṙen, kunrālö, kinvòk alaha, sanël tameūyö, pēsön ṙòkhöre nup chūökṙen aṅ im tahāklö; ngaich cha-a min nö haṙĕhtö kui e tö uk kapëông, ngaich kuṙōlhöt kaneun e.

LA-EN LĒVĪ 16:12

Ngaich anga-aṅ min nö kēḵ chūök finöngö lōpān öp tö tööḵlö tö ta-ök tameūyö nö ṙā-ang im tahāklö i kūö ngam Mā Tēv, tööḵlö eltī nga-aṅ tö lōpān tösōngö nö pahīöya, ngaich kēhöt e nö lā ël öp ranangkūö:

MANEUTNYI 38:3

Vī nup chehen ngam tahāklö anga-aṅ, tanīöyö, sanël tameūyö, pēsön inrē, vòk alaha, chūök tameūvö; ṙòkhöre nup chehen e nö mās nö vī-i tö ò.

MANEUTNYI 24:6

Ngaich Môsös nö ròngti kahë tö mahām, ngaich chaplö e nö el pēsön; ròngti inrē ök mahām kicheny tö ò nö el öp tahāklö.

MANEUTNYI 27:2

Vī nup sinrōl e pömchö i minë tö fën sinkeukngö e: höng mūlta min nup sinrōl nöng hĕng nö in e; ngaich me-eṅ min haṙungngö e tö mās.

MANEUTNYI 27:4

Vī tö sā mat inhāṅl pömchö in e nö mās; ngaich i kui öp inhāṅl vī nup töchuvī-ël me-eṅ min mās fën i minë tö fën nang e.

1 RĀCHA 7:50

Tö nuk kōp innyangngö kūö ëāṅvö, pēsön, sanël,chūök kunral, höng humlum nyöre; tö nuk tinkīök inkūp, hĕnghöre i nuk inkūp lā ël ök patī, ik chūök tölngö töhet, i nuk inkūp ngam patī inrē, ngam patī ngam Tēv inrē, nöng humlum.

2 RĀCHA 25:14

Ngaich nuk tanīöyö, tö nuk sanël tumlat innyangngö kūö tameūyö tö nuk sanël ṙòkhöre inrē nuk mās chūökṙen aṅtī cha nö meukṙen, kē-ĕyö anū-ö tö cha.

MANEUTNYI 27:19

Ṙòkhöre nup chehetī im inrūkui i nup la-en e nö ṙòkhöre, ṙòkhöre inrē nup tumnôkö ngam elmilūkö, nö mās min.