MANEUTNYI 27:1 - TÖHET LĪPÖRE (Re-edited) Bible (BSI)

¹ Vī öp tahāklö min me-eṅ chōn tö sittim chōn, taneui sumkôngö (22 Mitör) rôta, taneui sumkôngö ṙôktāk; ngaich min öp tahāklö nö fën mirëṙö: lūöi sumkôngö (1.3 Mitör) min öp rô-òl e.

MANEUTNYI 27:1 Referans Kwoze

HEPRĀI 13:10

Hēngö aṅin in tö tahāklö, öp chūök cha nö öthuveū-en nö nyā, yip mameukṙen ngam inrūkui.

2 KINṘÖTNGÖ 4:1

Ngaich anga-aṅ nö vīlö tahāklö tö mās, nët anai sumkôngö (27 Mtr) rôta, nët anāi sumkôngö (27 Mtr) ṙôktāk inrē, ngaich söm sumkôngö rôlö 4.50 Mtr.

2 SAMUĔL 24:18

Yih ngaich Kāt nö in Tāvit ik sakāmö angū-ö, ngaich ngö ṙô tö ò, Kuṙòh asöklö tahāklö ngam Mā Tēv man i chūök pinṙōngö sāiny Araunah öp Yepus.

MANEUTNYI 40:29

Ngaich ṙātö ök tahāklö töföngö tökētu anga-aṅ nö i kūö inkūp ök inrūkui ngam rūkui manūlö, ngaich ël e nö kētö töföngö tökētu nyā-aṅ inrē tökētu; sā tinöölô Môsös tö ngam Mā Tēv.

MANEUTNYI 40:10

Ngaich më-eṅ min inrē hacham ngam tahāklö töföngö tökētu, ṙòkhöre nup chehen e inrē, ngaich ahetlö ngam tahāklö: ngaich ngam tahāklö min nö tölngö töhet.

MANEUTNYI 24:4

Ngaich ang Môsös nö kūich nuk ṙô ngam Mā Tēv, ngaich ka-euilökūö nö chōholre tö peuheū, ngaich vīlö tahāklö hĕng el katòh ngam rôngö, nët sīönö machööḵlö, sā tum miyöngö yik kūön Israĕl.

MANEUTNYI 35:16

Ngam tahāklö töföngö tökētu, töp tö sā mat inhāṅl mās e, kaneun e, nup chehen e, ngam chūök sanöich öp lā kūö e inrē;

KINṘEŪKÖ 3:31

Ngam kasòng chöngö min hayōm cha, tö ngam mīs, tö ngam chūökrööntö manyaṅk, tö minë tahāklö, tö minë chūökṙen el ngam töhet chūök, chuöktī cha nö meukṙen, tö ngam ranang, ṙòkhöre nup mi-i la-en e inrē.

KINṘEŪKÖ 4:13

Ngaich cha-a min inrē nö kēngö nup tisum nö ṙā-ang im tahāklö, ngaich haṙĕhtö öp tököinyö nganāṅvö mat hilā i kui e:

2 RĀCHA 16:14

Ngaich ök mās tahāklö, ök lamākūö ngam Mā Tēv, kēnyö e anga-aṅ nö ṙā-ang i kūö ök patī, nö ṙā-ang ihôi ök tahāklö ò tö ngam patī ngam Mā Tēv, ṙātö e ngaich nö lā kapā ök tahāklö ò.

1 KINṘÖTNGÖ 6:49

Aròn pöri tö yik kikōnyö kūön ò inrē kētö tökētu nö el tahāklö töföngö tökētu el tahāklö tötahūsa inrē i nup la-en ngam tölngö töhet chūökö, vī inlām tökööl Israĕl inrē, sā nup hachöngten Môsös ök tarik ngam Tev.

ESRĀ 3:2

Söklöre ngaich Yēsua ök kikōnyö kūön Yōsatak, nö holtö yik kūönṙô tö sā ò, Sërupāpĕl inrē ök kikōnyö kūön Sī-eltī-el nö holtö yik mak alahare, ngaich cha-a nö vīlö ök tahāklö ngam Tēv Israĕl, nö hòṅ kētö töföngö tökētu nö ël e, sā kinūichngö e nö im chöngö Môsös ök tarik ngam Tēv.

MANEUTNYI 17:15

Ngaich vīhö tahāklö ang Môsös, ngaich kaheuk minë-eny e nö Yehōvanisi:

MANEUTNYI 31:9

Tö ngam tahāklö töföngö tökētu ṙòkhöre nup chehen e inrē, tö ngam chūök sanöich töp lā kūö e inrē;

MANEUTNYI 39:39

Tök mās tahāklö ök mās inrē tö sā mat inhāṅl ël e, nuk kaneun e, tö nuk chehen e nö ṙòkhöre, tök sanöich, rööntö e inrē;

MANEUTNYI 40:6

Ane inrē më-eṅ ṙātö ngam tahāklö töföngö tökētu nö i kūö inkūp ngam inrūkui ngam rūkui inmūlö.

KINṘEŪKÖ 4:14

Ngaich i kui e tī cha-a min nö tööngngö nup chūökṙen, nup chūökṙen cha nö meukṙen, kunrālö, kinvòk alaha, sanël tameūyö, pēsön ṙòkhöre nup chūökṙen aṅ im tahāklö; ngaich cha-a min nö haṙĕhtö kui e tö uk kapëông, ngaich kuṙōlhöt kaneun e.