MANEUTNYI 26:7 - TÖHET LĪPÖRE (Re-edited) Bible (BSI)

⁷ Vī ranangkūö pömchö tö sanôi pököre nö rūkui ngam inrūkui: kahuksīön nup ranangkūö vahī meh min in u.

MANEUTNYI 26:7 Referans Kwoze

1 PĪTÖR 5:5

Ṙòkhöre yin öi nyëkṙatre tö ngam inyāichngö, öi kö meukṙen höö, tön lakngö mahakeūlenre an ngam Tēv; kēTö inlōnti pöri nö i yip yāich.

1 PĪTÖR 3:4

Hökngen e pöri nö tö nyatngö nö tarik nö ellōn, nö töt köinyngö nö hilā, aṅ im inyāichngö, töṙēm ellōn inrē, ngam töpōi ṙāi nö i kūö ngam Tēv.

Isayā 4:5

Ngaich ngam Mā Tēv min nö hēk nö keuheūtlöre tī nö vīlö elyöngö aṅ kui rung Siyôn, i kui nup manūlö ò inrē, öp taṙul lul inrē tö sakāmö, öp pinchālö hanūkūö tameūyö inrē tö hatööm: pòn ṙòkhöre min nö i kui ngam kanôlò öp inrūkui nö hanyāṅknyuvö.

Salmai 45:13

El patī rācha ap kikānö kūön rācha nö keuheūtlö vanāyö-re: tövītu aṅmat ap hilā ò tö humlum.

KINṘEŪKÖ 31:20

I töhĕng inrē hilā, ṙòkhöre inrē nup tövī-i aṅ i uk, ṙòkhöre inrē nup tövī-i sanôi pököre, ṙòkhöre inrē nup tövī-i aṅ i chōn, ahetlöre yī-ö tö u.

KINṘEŪKÖ 4:25

Keun nup ranangkūö ngam inrūkui min cha-a, tö ngam rūkui manūlö, töp uk e, öp uk kapeông inrē uk e lamātulöng tö e, tö nup ranangkūö inkūp ngam rūkui manūlö;

MANEUTNYI 35:26

Ṙòkhöre inrē yik kikānö tö haruhlöng alaha tö ellōnre nö i mikah nö kupāt sanôi pököre.

MANEUTNYI 35:23

Ṙòkhöre inrē tarik, yip tö aṅhaṅv in tö tölingūṅ, tököinyö nganāvö mat, laturë, tövai hilā, sanôi pököre, uk kōiny sīṅp töhangāvö mat, uk kapëông, nö kētu tö cha.

MANEUTNYI 35:6

Tölingūṅ, tököinyö nganāvö mat, laturë, tövai hilā, sanôi pököre inrē;

MANEUTNYI 26:14

Ngaich me-eṅ min inrē vī kinṙul tö kui ngam rūkui tö uk kōiny sīṅp nö hangāvö mat, ranup tö kui e inrē nö lā tulöng tö uk kapëông.

MANEUTNYI 26:12

Ngaich öp tö kalöla tö ōtre ranangkūö ngam rūkui, öp tö ōtre tö ròngti im rūkui, kilölhak min nö lā rit ngam inrūkui:

MANEUTNYI 26:9

Tap nup tö taneui me-eṅ min inrūkui nöng anū-ö nyöre, ane inrē nup tö tafūöl ranangkūö nöng anū-ö nyöre, ngaich hachap tö kūö ngam rūkui.

MANEUTNYI 26:1

Ane inrē me-eṅ min vī öp inrūkui nö söömö ranang ël tö hilā; nö tö hīölö kinpātö nö linen, tölingūṅ, tököinyö nganāvömat, laturë inrē, vī-i u me-eṅ min nö aṅ mat tö kërup nö vahī yip tömilichngen huneū-en tarik.

MANEUTNYI 25:4

Tövai hilā tölingūṅ, tököinyö nganāvö mat,lāturë, sanôi pököre inrē,

MANEUTNYI 26:6

Ane inrē taneui anāi vahī me-eṅ tö humlum kinvòkngö kūö, ngaich tap nup ranangkūö hilā nö in höö tö nup kinvòk: ngaich höng hĕng min öp inrūkui.

MANEUTNYI 26:8

Lūöi anāi sumkôngö (13 Mitör) rôta min öp töhĕng ranangkūö, fën sumkôngö (2 Mitör) min inrē ṙôktāk öp töhĕng ranangkūö: hĕngre kinlaha ṙôktāk min minë tö kahuksīön ranangkūö.

KINṘEŪKÖ 3:25

Yip kikōnyö kūön Kĕrsön, el rūkui manūlö, hayōm ngam inrūkui, tö ngam rūkui tö ngam kinṙul kui e, töm ranangkūö inkūp ngam rūkui manūlö.