MANEUTNYI 26:3 - TÖHET LĪPÖRE (Re-edited) Bible (BSI)

³ Taneūi nup minranangkūö hilā nö taphen höö taseū nö in höö, ngaich inrē nup tö taneui ranangkūö hilā min nö taphen höö taseū nö in höö.

MANEUTNYI 26:3 Referans Kwoze

KÒLÒSĪ 2:19

Ngaich öt kapta nö im Kui, ngam lökten ngam alaha nö ṙòkhöre nö ha-aṅlöng, ngaich taptu lökten i nup tanāpökūö, sīöplöre nö holtö sanīöpö nup aṅ im Tēv.

KÒLÒSĪ 2:2

Hòṅ cha nö haṙamkalōn, ngaich mūlhenhöö cha-a im hanāngenlōn, i nup kanôlò ngam nyanatlö ngam mikah, hòṅ cha nö akahakūö tö ngam öt mikahkūö sin aṅ im Tēv in Kristū,

EFISÖS 4:16

Lökngörit in Ò an ngam alaha nö lööken tinapti nö hamūlö, lökten i nup taṙòkhöre tanap, sātölngö la-en ngih töhĕng, ṙūöhlö ngam alaha i minānlö e im hanāngenlōn.

1 KÒRIN 12:4

Ṙōlkangen nup inlōnti, höng Anga-aṅ Fanöinylö.

T. YÔHAN 17:21

Hòṅ cha nö ṙòkhöre nö hĕng; sā Meh Me-eṅ Kayöngö in Chu; in Meh Chū-ö; hòṅ cha cha-a inrē nö in hā; hòṅ ngih panam nö ṙātö ellōnre tö Meh Öm tīnten Chu.

MANEUTNYI 36:10

Taptu nup tö taneui hilā ranangkūö nö in höö tö ò: ane inrē nup tahëng tö taneui hilā ranangkūö taptu nö in höö tö ò.

MANEUTNYI 26:9

Tap nup tö taneui me-eṅ min inrūkui nöng anū-ö nyöre, ane inrē nup tö tafūöl ranangkūö nöng anū-ö nyöre, ngaich hachap tö kūö ngam rūkui.

MANEUTNYI 26:2

Nët anāi hëvhöre sumkôngö min rôta öp töhĕng ranangkūö hilā, fën sumkôngö (12 Mitör) inrē ṙôktāk öp töhĕng ranangkūö hilā: ṙòkhöre min nup ranangkūö hilā nö hēngö kinlaha ṙôktāk.

MANEUTNYI 26:4

Vī chūök yanòh pömchö min tö tölingūṅ i taseū öp hĕng ranangkūö hilā tö nup töt löinyö ta-īö ip tanapkūö; ngaich ngö tī inrē me-eṅ min öm vī-iti i taseū ngam ranangkūö hilā, ngam lā uk im innëtö tanapkūö.