MANEUTNYI 26:1 - TÖHET LĪPÖRE (Re-edited) Bible (BSI)

¹ Ane inrē me-eṅ min vī öp inrūkui nö söömö ranang ël tö hilā; nö tö hīölö kinpātö nö linen, tölingūṅ, tököinyö nganāvömat, laturë inrē, vī-i u me-eṅ min nö aṅ mat tö kërup nö vahī yip tömilichngen huneū-en tarik.

MANEUTNYI 26:1 Referans Kwoze

MANEUTNYI 26:36

Vī innyatngö ngam inkūp ngam rūkui pömchö, tö tövai hilā, tölingūṅ, tököinyö nganāvö mat, laturë inrē, nö vahīṙen yip chamôktö mirun tö ta-īö.

MANEUTNYI 36:35

Vī rananglö anga-aṅ inrē tö tölingūṅ, tökööinyö nganāvö mat, laturë, tövai hilā inrē: aṅ mat tö kërup vahīṙen tömilichngen vahī.

MANEUTNYI 26:31

Vī ranangkūö pömchö inrē tö tö vai hilā tölingūṅ, tö köinyö nganāvö mat, laturë inrē: vī-i u me-eṅ min nö aṅ mat tö kërup nö vahī yip tö milichngen huneū-en tarik:

MANEUTNYI 25:18

Nëtö vahī pömchö tö humlum kërup; vī-i u pömchö nö törömö kö i nang öp anūichö miṙēlōn tī me-eṅ vīten u.

INMEUKHÖMAT 21:3

Ngaich chū-ö hang ök pöönyṙô töpōitô nö löknyö el ök kantēra, nö ngö ṙô, Yĕh meuk, hol tarik an ngam inrūkui ngam Tēv, ngaich Anga-aṅ min nö iyöng in cha, ngaich cha-a min nö tarik Ò, hakôtenre ngam Tēv min inrē nö in cha, nö Tēv cha:

INMEUKHÖMAT 19:8

Ngaich kētu nö in ò pòn tövai linen hilā, tö payāngamat, het inrē: pò ngam tövai linen hilā nö la-en yip töhet nö tölöök.

HEPRĀI 9:9

Ngam töng inchōḵoṙô ngih ing töngamuh, sā nuk tökētu hĕnghöre inlōnti inrē nö öt kô, nö teungten tī tö el kuilōn ngam samlām,

HEPRĀI 8:2

Mameukṙen töhet, ngam tökô-en inrūkui inrē, ngam vahītö ngam Mā, öt tarik.

T. YÔHAN 2:21

Ṙôtö ngam alahare pöri Anga-aṅ, nö töhet chūök.

T. YÔHAN 1:14

Ngaich ngam Ṙô nö vīngöre nö tarik; ngaich iyöng in hī, tööḵlö tö hanāngenlōn kanô-en inrē. Ngaich meuk kanôlò Ò ayī-ö, sā kanôlò ngam töng hĕng maneuk kūön ngam Tēv.

1 KINṘÖTNGÖ 21:29

Pò ök inrukui ngam Mā Tēv, ök vahī Môsös nö el tönyalnyi, ök tahāklö töföngö tö kētu inrē hē e nö ik lātulöng chūökö i Kipīön;

1 KINṘÖTNGÖ 17:1

Iyöng el patī re ngaich Tāvit, ngö ṙô ngaich Tāvit, tö Nātan ök pròfĕt, Yĕh meuk, iyöng el patī chin chū-ö töchōntö sītör, ngaich pöri ngam kasòng kinlēḵngô ngam Mā Tēv nöng el katòh rūkui.

MANEUTNYI 40:2

Asöklö ngam inrūkui ngam rūkui inmūlö pömchö ip raneh sakāmö ngam raneh chingëṅt.

MANEUTNYI 35:35

Acha-a hatööḵlö ellōn ò tö mikah, nö vī tökeuheūttöre mihëṅrö vinī-i, kam-ip, tömilichngen vinī-i inrē, chamôktö mirun, i laturë, i tövai hilā inrē, in yip kumpāt, in cha inrē yip vamī insā tömilichngen vinī-i.

MANEUTNYI 35:6

Tölingūṅ, tököinyö nganāvö mat, laturë, tövai hilā, sanôi pököre inrē;

MANEUTNYI 25:8

Hökngen cha nö vīlö töhet patī Chu; hòṅ Chu iyöng in cha.

MANEUTNYI 25:4

Tövai hilā tölingūṅ, tököinyö nganāvö mat,lāturë, sanôi pököre inrē,

HEPRĀI 9:2

Pò ök umuh hĕng töhalēnö inrūkui, ök raneh, tö aṅhaṅv tö ök chūök rööntö manyaṅk, ök mīs inrē tö nuk töhet ròtī inrē ök tö kaheūkö nö Töhetchūök.

MANEUTNYI 26:2

Nët anāi hëvhöre sumkôngö min rôta öp töhĕng ranangkūö hilā, fën sumkôngö (12 Mitör) inrē ṙôktāk öp töhĕng ranangkūö hilā: ṙòkhöre min nup ranangkūö hilā nö hēngö kinlaha ṙôktāk.

MANEUTNYI 35:11

Ngam rūkui inmūlö ngam rūkui e, tö ngam kinṙul tö kui e inrē, kinvòk kūö e, machööḵlö, löp e inrē;

KINṘEŪKÖ 3:25

Yip kikōnyö kūön Kĕrsön, el rūkui manūlö, hayōm ngam inrūkui, tö ngam rūkui tö ngam kinṙul kui e, töm ranangkūö inkūp ngam rūkui manūlö.

2 SAMUĔL 7:2

Ngö ṙô ngaich ngam rācha tö Natān ök pròfĕt, Yĕh meuk, iyöng el patī chin chū-ö tö chōntö sītör ngaich pöri ngam kasòng ngam Tēv nö iyöng ël ranangkūö.

MANEUTNYI 31:7

Rūkui inmūlö kasòng, öp tökô-en inmeuktö, anūichö miṙēlōn inrē öp i kui e, ṙòkhöre inrē nup chehen öp rūkui inmūlö.

MANEUTNYI 39:3

Röm nuk humlum cha-a nö ahööyö ngaich vī-i u nö lōt, nö vītu nö im tölingūṅ, im tököinyö nganāvö mat, laturë, tövai hilā inrē, vahiṙen tömilichngen vahī.

KINṘEŪKÖ 4:25

Keun nup ranangkūö ngam inrūkui min cha-a, tö ngam rūkui manūlö, töp uk e, öp uk kapeông inrē uk e lamātulöng tö e, tö nup ranangkūö inkūp ngam rūkui manūlö;

1 RĀCHA 6:29

Vinngötī anga-aṅ nö ka-īphöt mirun kaha ök patī tö insā kërup insā kachūr, insā pūl tölarukköṅny kūö inrē, lā ël lā uk inrē.