MANEUTNYI 24:9 - TÖHET LĪPÖRE (Re-edited) Bible (BSI)

⁹ Ngaich yônlö Môsös, Āròn inrē, Nātap, Apihū inrē, sat anāi inrē yik minṙöinylen Israĕl:

MANEUTNYI 24:9 Referans Kwoze

MANEUTNYI 24:1

Ngaich ngö ṙô Anga-aṅ tö Môsös, Tā-a yônlö man im Mā Tēv, më-eṅ, Āròn inrē, Nātap, Apihū inrē, sat anāi inrē yip minṙöinylen i Israĕl; salām yī-ö inrē marôvat.

MANEUTNYI 19:24

Ngaich ngam Mā Tēv nö ngö ṙô tö ò, Kuṙòh yônti man; ngaich yônlö pömchö, holten Āròn: un halöngtuṙen pöri yip Kūönṙô tö yip tarik inrē nö tilunghötre nö yônlö nö i ngam Mā Tēv, hòṅ Ò Angā-aṅ nö öt tilungnyöre nö i kui cha.

MANEUTNYI 28:1

Kēten Āròn me-eṅ öp kahëm meh, tö yip kūön kikōnyö in ò, nö röhta nö in meh nö ṙā-ang in yip kūön Israĕl, hòṅ ò nö meukṙen Chu nö el chūök Kūönṙô, ang Āròn Nātap, Apihū inrē, Elīēsör, Itamār inrē, yip kūön Āròn.

LA-EN LĒVĪ 10:1

Ngaich Nātap Apihū inrē, kikōnyö kūön Āròn, nö kö kahëngö kahë tö chūök töföngö lōpān, chaplö tameūyö ngaich nö ël u ngaich chaplö lōpān nö i kui u, ngaich kētö tö tötohtöre tameūyö nö i kūö ngam Mā Tēv, ngam töt ṙô ò nö tölṙô cha.

KINṘEŪKÖ 11:16

Ngaich ngö ṙô ngam Mā Tēv tö Môsös, Hamūl yip tösat anāi tarik in chu aṅ i yip mākūö Israĕl, yip mikahkūö Meh nö Mākūö yip tarik, yöngṙen cha inrē; ngaich kēten cha ip rūkui manūlö, hòṅ cha nö hol meh nö sökhaka.

ISIKĪ-ĔL 44:3

Höng öp kūön rācha tökô-òren nö ūichhak nö in e nö nyā rôti nö i kūö ngam Mā Tēv; kuhēthötre min anga-aṅ nö lökhöt ip lökhöt ip inkup kūö talöökö, ngaich löknyö in e min nö kunyī-inyre nö el kahôyö.

MANEUTNYI 33:20

Ngaich ngö ṙô anga-aṅ, Ötkô man ngëichkö kūö Chu: pò ngòh tarik min nö ngëichkö kūö Chu ngaich öt aṅ.

KAMHÔKA 13:22

Ngaich ngö ṙô Manô-a tök pīhöre, Kô-ông vah an min kapah pò hā meuk ngam Tēv.

1 RĀCHA 22:19

Ngaich ngö ṙô anga-aṅ, Lökten man hangihtöre tö ṙô ngam Mā Tēv: meuk ngam Mā Tēv chin nö el kantērare nö ūichhaka, ṙòkhöre inrē nö sökhaka nö in ò më tömaṙôngö el halīöngö lāhāmö ò lātavē ò inrē.

Isayā 6:1

Im samyeūheu ök rācha Usāya nö kapah meuk ngam Mā chū-ö nö el kantēra nö ūichhaka, lātulöng hatāilöng inrē, tööḵlö ël ngam töhet chūök tö kanôlò ò tö aṅ në töhĕng chuvi panam.