Biblia Todo Logo
Bib sou entènèt

- Piblisite -




MANEUTNYI 24:8 - TÖHET LĪPÖRE (Re-edited) Bible (BSI)

8 Ngaich Môsös nö kēḵ ök mahām ngaich kichenytö e nö i kui yik tarik, nö ngö ṙô, Yĕh meuk ngam mahām ngam kinlēḵngô, ngam kinlēḵngô ngam Mā Tēv nö in yīö tö inlahen në ṙô nö ṙòkhöre.

Gade chapit la Kopi




MANEUTNYI 24:8
23 Referans Kwoze  

Ngaich Môsös nö ròngti kahë tö mahām, ngaich chaplö e nö el pēsön; ròngti inrē ök mahām kicheny tö ò nö el öp tahāklö.


Kicheny kui yīö chin min tö töhet mak, ngaich yī-ö min het ṙā-ang i nup ö hanëtö yīö, ṙā-ang i nup insātēv yīö chin min inrē ahetlen yīö.


Ṙòkhörekūö yin ôkö e; tön mahām Chu an nö kinlēḵngô, tö kitaktu töpòkūö tömaṙôngö, nö inṙē-ĕl tökööl.


Ngam Tēv lanāmö an töngamuh, ngam mahavanlö ngam yöng tökiröng Yōm pököre nö ṙā-ang i yip tökapah, nö holtö mahām ngam tö-örheūheu kinlēḵngô, ngam Mā hī Yēsū.


Ngatī tī inrē Anga-aṅ tök kulah, tö kinheūṅten nyina-aṅ, nö ngö ṙô, Tufömngöre ön ngih aṅ ngih kulah kinlēḵngô i mahām chu. Ngatī tī pöichö, i tumheuh yīö ôkö e, inköpkö lōn yīö tö chu.


Ngaich ngö ṙô Anga-aṅ tö cha, Mahām Chu ön ngih, tufömngöre kinlēḵngô, tökitaktu tö pòkūö tömaṙôngö.


Sā ngam mu-urĕh inkaha aṅ im Tēv ngam Yöng, i inhethölö tö ngam Töhet Fanöinylö, nö im ötminôṙô ngam kinchenytö mahām Yēsū Kristū inrē: inlōnti yēḵ in yīö, lanāmö inrē nö ṙūöhlöre ṙôken.


Ngati tī Anga-aṅ tök kulah, tö kinheūṅten nyinā-aṅ nö ngö ṙô, Ngih ön kulah tufömngöre kinlēḵngô nö i Mahām Chu, ngam tökitaktuvö töpòkūö yīö.


Me-eṅ pöri inrē, kūö ngam mahām aṅ im chöngö meh ngaich chin tīnngörit yip tökē-ĕ tö meh nö ṙā-ang el ap tö-ūlö öp töt aṅhaṅvö tö mak.


Ngam lökten hī inyöökuṙen lökten i mahām Ò, ngam inṙēlö nup tökööl hī, sā ṙôken kanôlò Ò tö inlōnti;


Ngatī min anga-aṅ nö harötlö tömaṙôngö pumnāmö tarik; tilupngö elvāng re min yip rācha tö pòkūö ò; pò cha min nö meuk nup tö-öl nö vënyu nö in cha, ngaich akahalōn min cha-a inrē tö nuk töthāngö tö cha.


Ngaich Môsös nö kēḵ nö ik tavī-i incham, ik mahām inrē el ök tahāklö, ngaich kichenytö e nö in Āròn, i mat inyut ò, i kui yik kikōnyö kūön ò inrē, i mat inyut yik kikōnyö kūön ò inrē in ò; ngaich ahetlen Āròn tö nuk inyut ò tö yik kikōnyö kūön ò inrē, tö nuk inyut yik kikōnyö kūön ò inrē in ò.


Iṙôkhöl öt inkôlò min, tö lōn yīö, anga-aṅ, ngam ramööntö kui ngam Kūön ngam Tēv nö elröönre ngaich inrē nö kaheuktö ngam mahām ngam kinlēḵngô nö töthet, ngam löktö ò nö ahetlöngö, ngaich miyëḵṙen inrē tö ngam Töhet Fanöinylö inlōntö?


Vī kinlēḵngô yik tarik ang Yôsuā ik sakāmö angū-ö ngaich vītö chöngö nö in cha inlēnö inrē i Sīkem.


Öt āṅhavö ök kasòng höng nuk tö nët tāk ihong nuk chahaplö Môsös nö i Hōrep, hē ngam Mā Tēv nö vī kinlēḵngô nö in yik kūön Israĕl, hē cha nö yih nö ṙā-ang ap panam Aikup.


Höng elvāng re ṙô pöri cha-a nö harōyö Ò: ngaich minyôiny-aṅ nö in Ò, nö i litāk re.


Ngaich hē chu chööḵngen meh hēk ngëichken meh inrē, yĕh meuk ngaich me-eṅ sā ṙēti mī-i hanāgenlōn; ngaich chū-ö haṙīöngnyö ngam kinfanre in meh, ngaich kafanngö kūö ngam linchôyö meh: hòṅ kilēḵngôre chū-ö öich hāngen tö meh ngaich kēhötre ip kinlēḵngô in meh, ṙô ngam Mā Tēv, kētöre ngaich me-eṅ öm chū-ö chu.


Vītö kinlēḵngô An ngam Mā Tēv ngam Tēv hī nö in hī nö i Hōrep.


Ngaich chin in e tī tö chūök ngam kasòng, tö-āṅhaṅv tö ngam kinlēḵngô ngam Mā Tēv kinlēḵngô ò nö in yik muvöhngö hī hē ò nö kēnyen cha nö ṙā-ang ngam panam Aikūp.


Öt sā ngam kinlēḵngô tī chu in yik yöng cha hē chu sarōk kël cha öich kēnyen cha ṙā-ang ip panam Aikup, ngam kinlēḵngô chu töfilāli tö cha, pòrô chū-ö öich pīhö cha, ṙô ngam Mā Tēv.


Köpölōn tö ngam ṙô ngam kinlēḵngô chu in yīö hē yīö ṙā-ang Aikup, ngam fanöinylö chu inrē nö köpngö nö in yīö: uh yin pa-ekūö.


Swiv nou:

Piblisite


Piblisite