MANEUTNYI 24:7 - TÖHET LĪPÖRE (Re-edited) Bible (BSI)

⁷ Ngaich kēḵ ngam līpöre kinlēḵngô anga-aṅ, ngaich vë-ekūö e nö el ṙôngö yik tarik; ngaich ngö ṙô chā-a, Kēken nup ṙô ngam Mā Tēv in min nö ṙòkhöre, hang Chöngö inrē.

MANEUTNYI 24:7 Referans Kwoze

1 TÖSALÒNIKĒ 5:27

Chūöku ṙô chin tö yīö, im Mā, tö ngih tökūchö līpöre nö vë-evkūö nö i hol nö ṙòkhöre.

KÒLÒSĪ 4:16

Yĕn ngaich pöchö ngih līpöre nö vë-evkūö nö in yīö, hōtö e pöchö inrē nö vë-evkūö nö ip māṅ yip aṅ La-otisiā; hòṅ yīö yī-ö inrē vë-ekūö ngam līpöre yip aṅ La-otisiā.

INLAHEN 13:15

Keuheūt hë vine-eṅkūö ngam chöngö, nup līpöre yik pròfĕt inrē; ngaich ngö ṙô yik mākūö chūök vine-eṅkūötēv, Kahōlö; yē nāṅ ṙahônyu tö ṙinuöhöl alaha vē tarik, yĕh ṙô-òv nan.

MANEUTNYI 19:8

Ngaich ṙòkhöre ṙô yik tarik nö sap ṙô ò, nö ngö ṙô, La-evṙen in min tö minë ṙô ngam Mā Tēv nö ṙòkhöre. Ngaich Môsös nö vënyö nuk ṙô ngam Mā Tēv nö i yik tarik.

YÔSUĀ 24:24

Ngaich yik tarik nö ngö ṙô tö Yôsuā, Lök la-en ngam Tēv re in min ngam Mā Tēv, anga-aṅ inrē min ahang ṙô ih.

1 RĀCHA 8:9

Öt āṅhavö ök kasòng höng nuk tö nët tāk ihong nuk chahaplö Môsös nö i Hōrep, hē ngam Mā Tēv nö vī kinlēḵngô nö in yik kūön Israĕl, hē cha nö yih nö ṙā-ang ap panam Aikup.

Salmai 50:5

Hamūl yip töhet chu nö in chu: yip kumlēḵngôre nö in chu nö lökten i tökētuvö.

Salmai 78:36

Höng elvāng re ṙô pöri cha-a nö harōyö Ò: ngaich minyôiny-aṅ nö in Ò, nö i litāk re.

YERIMIĀ 34:13

Ngö ṙô An ngam Mā Tēv ngam Tēv Israel; Vī kinlēḵngô chin in yik yöng yīö hē chu kēnyen cha ṙā-ang ap panam Aikup, ṙā-ang ap patī inkövö, öich ngö ṙô.

YERIMIĀ 42:6

Yĕn pòrô angū-ö nö tölöök hēk tötlöök, hang ṙô meh min īhö im Mā Tēv ngam Tēv hī ngam tösöömhukūö tö ih tö meh, hòṅ e nö lööken nö in ih yē ih hang ṙô ngam Mā Tēv ngam Tēv hī.

ISIKĪ-ĔL 16:8

Ngaich hē chu chööḵngen meh hēk ngëichken meh inrē, yĕh meuk ngaich me-eṅ sā ṙēti mī-i hanāgenlōn; ngaich chū-ö haṙīöngnyö ngam kinfanre in meh, ngaich kafanngö kūö ngam linchôyö meh: hòṅ kilēḵngôre chū-ö öich hāngen tö meh ngaich kēhötre ip kinlēḵngô in meh, ṙô ngam Mā Tēv, kētöre ngaich me-eṅ öm chū-ö chu.

MALAKI 2:10

Röh öi ayī-ö ṙòkhöre höng hĕng tak yöng? Öt höng hĕng tak ang ngam Tēv nö vīlen hī? Kūöyòh öi ayī-ö kö michūḵṙen chanökhu inlahen i holre, hachōichngö ngam kinlēḵgô yik yöng hī?

2 KINṘÖTNGÖ 15:14

Chūökuṙô cha-a nö kilēḵngôre nö im Mā Tēv nö pōitô, nö hū-a inrē, holtö römpĕt, sinrōl inrē.