MANEUTNYI 24:6 - TÖHET LĪPÖRE (Re-edited) Bible (BSI)

⁶ Ngaich Môsös nö ròngti kahë tö mahām, ngaich chaplö e nö el pēsön; ròngti inrē ök mahām kicheny tö ò nö el öp tahāklö.

MANEUTNYI 24:6 Referans Kwoze

1 PĪTÖR 1:19

Ṙāitö mahām pöri töpōi ṙāi tö sā öp pököre öre töt chanôchu töt mirūnuvö inrē, ngam mahām Kristū.

MANEUTNYI 24:8

Ngaich Môsös nö kēḵ ök mahām ngaich kichenytö e nö i kui yik tarik, nö ngö ṙô, Yĕh meuk ngam mahām ngam kinlēḵngô, ngam kinlēḵngô ngam Mā Tēv nö in yīö tö inlahen në ṙô nö ṙòkhöre.

HEPRĀI 9:18

Lökten ngam mu-uĕh inlēnngen nö ötkô nö teungta, yĕn öt mahāmu.

LA-EN LĒVĪ 4:6

Ngaich ngam Kūönṙô nö sumlö kuntīre nö im mahām, ngaich kicheny ngam mahām nö sat heuh tī nö i kūö ngam Mā Tēv i kūö ngam innyatngö ngam töhet chūök.

1 PĪTÖR 1:2

Sā ngam mu-urĕh inkaha aṅ im Tēv ngam Yöng, i inhethölö tö ngam Töhet Fanöinylö, nö im ötminôṙô ngam kinchenytö mahām Yēsū Kristū inrē: inlōnti yēḵ in yīö, lanāmö inrē nö ṙūöhlöre ṙôken.

HEPRĀI 12:24

In Yēsū inrē ngam ma-ahôitöre nö im tufömngöre kinlēḵngô, im tö kichënyö inrē mahām, töngö-al huneū-euṙô tö Āpĕl.

KÒLÒSĪ 1:20

Ngaich lökten in Ò nö halām taṙòkhöre nö in re, ngaich ngötī nö halöök lökten i mahām ngam töhakālö Ò; lökten in Ò, pòrô nup ing panam, hēk pòrô nup el halīöngö.

LA-EN LĒVĪ 3:8

Ngaich anga-aṅ min nö ṙātö eltīre nö i kui ngam kahëtöre, ngaich ṙatnyö likeun ò i kūö ngam rūkui manūlö: ngaich yip kikōnyö kūön Āròn min nö kicheny ap mahām ò nö i kui öp tahāklö, nö havinngö e.

LA-EN LĒVĪ 3:2

Ṙātö eltīre min anga-aṅ nö i kui ngam kahëtöre, ṙatnyö likeun ò ngaich nö im inkūp rūkui manūlö: ngaich yip kikōnyö kūön Āròn yip Kūönṙô min nö kicheiny ngam mahām nö el ngam tahāklö nö havinngö e.

LA-EN LĒVĪ 1:11

Ṙatnyö likeun ò min anga-aṅ nö lā kaha öp tahāklö lā kapā nö i kūö ngam Mā Tēv: ngaich yip kikōnyö kūön Āròn min yip kūönṙô, nö kicheny el ngam tahāklö nö vinngö tī.

LA-EN LĒVĪ 1:5

Ṙatnyö likeun ngam nuā min anga-aṅ nö i kūö ngam Mā Tēv: ngaich yik kikōnyö kūön Āròn, yik Kūönṙô nö kētö ngam mahām min, ngaich havīngö tīre nö kicheny ël ngam tahāklö ngam ip inkūp öp rūkui manūlö.

MANEUTNYI 29:20

Ngaich më-eṅ min ṙatnyö likeun ngam kōiny kūön sīṅp, ngaich kēḵ öp mahām ò, ngaich sòhtö e ip lā hāmö rōi nang Āròn, i nup lā hāmö rōi nang yip kikōinyö kūön ò, i nup lā hāmö inrē inyöng kuntī cha, lā hāmö inrē inyöngö kunröön cha, ngaich havīngö tīre kichenytö ngam mahām el ngam tahāklö.

MANEUTNYI 29:16

Ngaich më-eṅ min ṙātnyö likeun ngam kōiny kūön sīṅp ngaich kēḵ öp mahām ò min më-eṅ; ngaich havīngö tīre kichenytö e im el ngam tahāklö.

MANEUTNYI 12:22

Hĕng minyëkö kahë pöichö tö rōi hisòp, kasumtö e ip mahām öp el ap pēsön, kichëny ngam kālkui tö nup tö āṅlā-a mireṙö machööḵlö, tö ngam mahām ngam me-el ap pēsön; un hĕng tak tö yīö min kumnyi-inyre nö lā-uk ap inkūp hanöng saha ap peuheū.

MANEUTNYI 12:7

Ngaich chā-a min nö kē öp mahām, ngaich māichtö e nö i nup tö āṅlā-a mirëṙö machööḵlö kālkui inrē: i nup patī inrē chūök cha nö nyā-avkūö tö ò.

1 KÒRIN 11:25

Ngatī tī inrē Anga-aṅ tök kulah, tö kinheūṅten nyina-aṅ, nö ngö ṙô, Tufömngöre ön ngih aṅ ngih kulah kinlēḵngô i mahām chu. Ngatī tī pöichö, i tumheuh yīö ôkö e, inköpkö lōn yīö tö chu.

HEPRĀI 8:9

Öt sā ngam kinlēḵngô vahī tö Chu ngaich i yik muvöh- ngö cha, Ik sakāmö hē Chu sarōk kël cha Öich hachōḵ- nyen cha ṙā-ang im panam Aikup, Pò cha nö iṙūöhen nö im chöngö Chu. Öt kūöngen chu-ö tö cha ngaich, ngö ṙô ngam Mā.

HEPRĀI 9:19

Pòn i tumö nup chöngö, tö ahangnyu tö Môsös, nö i yip tarik, asā ngam chöngö, kēḵ mahām pököre inrē, holtö mak, töngāṅv sanôi pököre, chōn hissòp inrē; ngaich hĕnghöre kicheny kui ngam līpöre, tö yik tarik inrē;

HEPRĀI 9:21

Ngatī inrē ngam inrūkui, ṙòkhöre nuk chehetī ël e, nö kichënyö tö mahām.

2 RĀCHA 17:15

Ngaich cha-a nö sōḵo nup chöngö ò, ök kinlēḵngô ò inrē nö in yik muvöhngö cha, nuk hameuktö ò inrē nö in cha; ngaich cha-a nö tömrit töt kô-en tēv, ngaich vītöre nöng tötöl, tömrit yip pumnāmö tarik pöri cha-a yik mahavīlen cha yik ṙô ngam Mā Tēv nö sōten cha nö tömken cha.

Salmai 99:6

Aṅ i yip kūönṙô Ò an Môsös, Āròn inrē, aṅ in cha inrē Samu-ĕl yip mahavëkö mine-eny Ò: havëkö ngam Mā Tēv cha-a, ngaich sap ṙô cha Anga-aṅ

YERIMIĀ 31:32

Öt sā ngam kinlēḵngô tī chu in yik yöng cha hē chu sarōk kël cha öich kēnyen cha ṙā-ang ip panam Aikup, ngam kinlēḵngô chu töfilāli tö cha, pòrô chū-ö öich pīhö cha, ṙô ngam Mā Tēv.