MANEUTNYI 24:4 - TÖHET LĪPÖRE (Re-edited) Bible (BSI)

⁴ Ngaich ang Môsös nö kūich nuk ṙô ngam Mā Tēv, ngaich ka-euilökūö nö chōholre tö peuheū, ngaich vīlö tahāklö hĕng el katòh ngam rôngö, nët sīönö machööḵlö, sā tum miyöngö yik kūön Israĕl.

MANEUTNYI 24:4 Referans Kwoze

I. CHÖNGÖ 31:9

Ngaich Môsös nö kūich ngih chöngö, ngaich kētö e nö in yik kūönṙô kikōnyö kūön Lēvī, yik kameun ök kasòng chöngö ngam Mā Tēv, in yik minṙöinylen inrē aṅ Israĕl.

Ranehlö 28:18

Chōholre ngaich Yāköp nö ka-euilökuö im peuheū, ngaich kē ök ihong ök tanômö kui ò, ngaich asöklö e nö machööḵlö, ngaich ṙöstö tavi-i nö ikui e.

INMEUKHÖMAT 21:14

Ngaich ap kinlonglö ap elpanam nö nët sīönö chūök röönti machööḵlö, ngaich i kui nup mine-eny yip tö nët sīön tak tanīnöṙô ngam pököre.

KALATĪ 2:9

Ngaich hē cha nö meuk ngam tökētu inlōnti nö in chu, ngaich hēḵ Yāköp, Kīfas, Yôhan inrē, yik tö-eūka nö machööḵlö, nö kē-ĕkūö chu tö Parnöpas, nö hamòlṙen; hòṅ ih ihö chuh i yip Tahëng mihëṅṙö tarik, ngaich cha-a nö i yip tö tunyīnyi;

T. LŪKÖS 22:30

Hòṅ yīö min nyā, òk inrē el ap mīs Chu im pūlngö Chu; hòṅ yīö min ūichhaka el kantēra, öi kahòkken yip tö nët sīön miyöngö Israĕl.

ESRĀ 6:17

I kinëten ngih patī ngam Tēv cha-a nö hēngòng tī tö kōiny nuā, nëtòng töt tāli sīṅp, fënòng tö tāli sīṅp, ngaich tökētu inrē kūö tökööl yik aṅ Israĕl nët sīön nòng kōiny pököre sā tum miyöngö yik Israĕl.

1 RĀCHA 11:30

Kētö tīre ngaich Ahīcha nö ik tufömngöre hilā ök i alaha ò, tikaichngö e ngaich nö nët sīön tit.

YÔSUĀ 4:20

Ngaich i Kilkāl ang Yôsuā nö katöplö nuk tö nët sīön ihong, nuk kahëlö cha nö ṙā-ang el Yôtön.

KINṘEŪKÖ 17:2

Vë-ekūö yip kūön Israĕl, ngaich kētö tinkung cha, kö kö hĕng i mitī-i patī yöng cha, ṙòkhöre yip mākūö cha nö i mitī-i nup patī yöng cha, nët sīön nòng tinkung: kö kūich minë-eny yip tarik i nup tinkung cha.

LA-EN LĒVĪ 24:5

Ngaich më-eṅ kēḵ tö pahīöya atra, ngaich kahul pikoh aṅ in e nëtsīön: nët i tösöm aṅ öp töhĕng efā nö hĕng nö pikoh nö vī-i.

MANEUTNYI 28:21

Sā minë-eny yip kūön Israĕl min nup ihong, nët sīön, asā nup minë-eny cha; sā kiniphöt i minkahngö, kö asā nup minë-eny cha, mi-in yip tö nët sīön miyöngö min anū-ö.

Ranehlö 31:45

Kē ihong ngaich ang Yāköp ngaich asöklö e nö machööḵlö.

Ranehlö 28:22

Ngaich ngòh ihong, ngòh asöklö chu nö machöök̠lö, nö patī ngam Tēv minː ngaich i nup taneūngen chu min nö ṙòkhöre, öt hōk̠ min chū-ö öt hĕng hata i tösöm kē-ĕti in Meh.

MANEUTNYI 17:14

Ngaich ngö ṙô ngam Mā Tēv tö Môsös, Kūchö e i mat līpöre nö inköpkölōn, ahangnyö e inrē elnang Yôsuā: tö Chu min ahetngö inköpkölōn tö Amelek nö sīchi el katòh ngam halīöngö.

MANEUTNYI 17:15

Ngaich vīhö tahāklö ang Môsös, ngaich kaheuk minë-eny e nö Yehōvanisi:

MANEUTNYI 21:1

Në nun inkaha fālen ṙahātö meh i kūö cha.

MANEUTNYI 24:7

Ngaich kēḵ ngam līpöre kinlēḵngô anga-aṅ, ngaich vë-ekūö e nö el ṙôngö yik tarik; ngaich ngö ṙô chā-a, Kēken nup ṙô ngam Mā Tēv in min nö ṙòkhöre, hang Chöngö inrē.

MANEUTNYI 34:27

Ngaich ngö ṙô ngam Mā Tēv tö Môsös, Kūich në man ṙô: tön asā talöökö ṙô u Chin ngaich vī tö kinlēḵngô in meh in Israĕl inrē.

Isayā 19:19

Ip sakāmö angū-ö min umuh hĕng ap tahāklö ngam Mā Tēv ellōn ngam panam Aikup, hĕng ap machööḵlö inrē i kūöngö panam ngam Mā Tēv.

Ranehlö 12:7

Ngaich ngam Mā Tēv nö meūkö tö Aprām, ngaich ngöṙô, Kēḵtö ngih Chin min panam ip kūön meh: vīlö tahāklö ngam Mā Tēv ngaich angā-aṅ nö umuh, ngam tömeūkö tö ò.

YÔSUĀ 4:5

Ngaich ngö ṙô Yôsuā tö cha, urēhĕkūö ngam kasòng chöngö ngam Tēv yīö ngam Mā Tēv, havāngngöre ellōn Yôtön, ngaich kö hēngö kahë yī-ö tö ihong nö tayūkö nö elranôṙö yīö, sā tum miyöngö yip kūön Israĕl.

1 RĀCHA 18:31

Ngaich Ĕlaicha nö nët sīönö kahëtö ihong, sā tumtak miyöngö yik kikōnyö kūön Yāköp, ök lööṙö ngam ṙô ngam Mā Tēv, nö ngö, Israĕl öp min minënyö meh.

NAHIMIĀ 10:1

Achā-a yik kamtāntö tīre hē Nahemiā ök mahayöng, ök kikōnyö kūön Hakāiyā, Setikiā,