MANEUTNYI 24:3 - TÖHET LĪPÖRE (Re-edited) Bible (BSI)

³ Ngaich Môsös nö yihtöre ngaich keuheūtnyöre ṙô nö i yip tarik tö nuk ṙô ngam Mā Tēv, ṙòkhöre nuk inkaha fālen inrē: ngaich ṙòkhöre yik tarik nö hēngòng ṙô nö sapṙô, nö ngö ṙô, Kēken nup ṙô ngam Mā Tēv in min nö ṙòkhöre.

MANEUTNYI 24:3 Referans Kwoze

MANEUTNYI 19:8

Ngaich ṙòkhöre ṙô yik tarik nö sap ṙô ò, nö ngö ṙô, La-evṙen in min tö minë ṙô ngam Mā Tēv nö ṙòkhöre. Ngaich Môsös nö vënyö nuk ṙô ngam Mā Tēv nö i yik tarik.

MANEUTNYI 24:7

Ngaich kēḵ ngam līpöre kinlēḵngô anga-aṅ, ngaich vë-ekūö e nö el ṙôngö yik tarik; ngaich ngö ṙô chā-a, Kēken nup ṙô ngam Mā Tēv in min nö ṙòkhöre, hang Chöngö inrē.

YÔSUĀ 24:22

Ngaich ngö ṙô Yôsuā tö yik tarik, Yī-ö yin mameuk öi höng lā-alre tö yīö ngaich atöllö ngam Mā Tēv, öi lök la-en ò. Ngaich ngö ṙô cha-a, Ihö in mahameuktö e.

I. CHÖNGÖ 6:1

Ngih ön yih, nö chöngö, inkaha fālen inrē, ngam hachöngten ngam Mā Tēv, ngam Tēv yīö nö haköpten yīö hòṅ yīö la-evṙen tö u ip panam kū-ö yīö kiröönngöre öi kē-ĕ e nö aminre:

I. CHÖNGÖ 5:1

Ngaich Môsös nö havëten yip Israĕl nö ṙòkhöre, ngaich ngö ṙô tö cha, Ō Israĕl, hangihtöre yin tö në chöngö në inkaha fālen inrē nö ṙô chu el nang yīö töngamuh, hòṅ yīö haköpö u, ngaich köpen la-evṙen tö u.

I. CHÖNGÖ 4:45

Anū-ö nun në inmeuktö kanô-en, në chöngö inrē, në inkaha fālen inrē, nö ṙô Môsös nö in yip kūön Israĕl, hē cha nö ṙā-ang Aikup;

I. CHÖNGÖ 4:5

Yĕh meuk, ngaich chin haköpten yīö tö në Chöngö inkaha fālen inrē, sā tinöölô Chu tö ngam Mā Tēv ngam Tēv chu, hòṅ yīö min ngatī la-en ellōn ngam panam ngam kū-ö yīö kuhēthötre öi kē e nö aminre.

I. CHÖNGÖ 4:1

Yĕh pöchö, Ō Israĕl, hangihtöre tö në chöngö tö në inkaha fālen inrē, në inköptö meh tö chu, öm la-evṙen tö u; hòṅ meh aṅ, ngaich kuhēthötre amīnu tö ngam panam ngam kahëtö ngam Mā Tēv yik muvöhngö yīö, nö in yīö.

I. CHÖNGÖ 11:1

Lökten man hāngenlōn tö ngam Tēv ngam Mā Tēv meh, haköp tinölôre tö ò, nup chöngö ò inrē, tö nup inkaha fālen inrē aṅ in ò, nup hachöngten ò inrē, örheūheu.

I. CHÖNGÖ 5:31

Sökhak pöri më-eṅ ihih in chu, hòṅ chu ṙônyö nup taṙòkhöre chöngö in meh, nup chöngö, inkaha fālen inrē, nup haköptö meh min in cha, hòṅ cha nö la-evṙen tö u ip panam kahëtö chu in cha nö amin cha.

MANEUTNYI 24:2

Höng hĕng tak Môsös min nö yih nö haröhtöre nö i ngam Mā Tēv; hö-ö pöri chā-a nö yih nö röhta; ötrēhĕn min yip tarik nö yônlö nö in ò.

YÔSUĀ 24:24

Ngaich yik tarik nö ngö ṙô tö Yôsuā, Lök la-en ngam Tēv re in min ngam Mā Tēv, anga-aṅ inrē min ahang ṙô ih.

YERIMIĀ 11:4

Ngih tinölô yik muvöhngö yīö tö chu hē chu kēnyen cha ṙā-ang ap panam Aikup, ṙā-ang ip vët töhūṙökūö,öichngö ṙô, Hangihtöre tö ṙô chu, la-evṙen inrē tö nup tinölô yīö tö chu nö ṙòkhöre. Hòṅ yīö min tarik chu, Tēv yīö chū-ö min inrē,

YERIMIĀ 34:13

Ngö ṙô An ngam Mā Tēv ngam Tēv Israel; Vī kinlēḵngô chin in yik yöng yīö hē chu kēnyen cha ṙā-ang ap panam Aikup, ṙā-ang ap patī inkövö, öich ngö ṙô.

MALAKI 2:10

Röh öi ayī-ö ṙòkhöre höng hĕng tak yöng? Öt höng hĕng tak ang ngam Tēv nö vīlen hī? Kūöyòh öi ayī-ö kö michūḵṙen chanökhu inlahen i holre, hachōichngö ngam kinlēḵgô yik yöng hī?

YÔSUĀ 24:21

Ngaich ngö ṙô yik tarik tö Yôsuā, Hö-ö; lök la-en ngam Mā Tēv in īhö min.

2 KINṘÖTNGÖ 15:14

Chūökuṙô cha-a nö kilēḵngôre nö im Mā Tēv nö pōitô, nö hū-a inrē, holtö römpĕt, sinrōl inrē.

2 KINṘÖTNGÖ 15:15

Ṙòkhöre inrē Yūtā nö ṙāmölōn nö in ök töchūöku kinlēḵngô; pò cha nö keuheūttö ellōnre nö chūökuṙô nö in ò, chöhan inrē nö keuheūttölōnre, ngaich kôti anga-aṅ tötī cha, ngaich ngam Mā Tēv nö vinngö tī nö kētö haneūheu cha.

Salmai 50:5

Hamūl yip töhet chu nö in chu: yip kumlēḵngôre nö in chu nö lökten i tökētuvö.

HAKAI 2:5

Köpölōn tö ngam ṙô ngam kinlēḵngô chu in yīö hē yīö ṙā-ang Aikup, ngam fanöinylö chu inrē nö köpngö nö in yīö: uh yin pa-ekūö.