MANEUTNYI 24:2 - TÖHET LĪPÖRE (Re-edited) Bible (BSI)

² Höng hĕng tak Môsös min nö yih nö haröhtöre nö i ngam Mā Tēv; hö-ö pöri chā-a nö yih nö röhta; ötrēhĕn min yip tarik nö yônlö nö in ò.

MANEUTNYI 24:2 Referans Kwoze

MANEUTNYI 24:18

Ngaich meuthötre Môsös nö ellōn ök taṙul, ngaich yônlö nö im rôngö: fën anāi sakāmö fën anāi hatööm inrē ang Môsös nö i kui ngam rôngö.

MANEUTNYI 24:15

Ngaich yônlö Môsös nö im rôngö ngaich ök taṙul nö kahultö kui ök rôngö.

MANEUTNYI 24:13

Chōholre ngaich Môsös, Yôsuā inrē ök mameukṙen ò: ngaich Môsös nö yônlö nö im rôngö ngam Tēv.

HEPRĀI 9:24

Pò Kristū nö öt kuhēthötre nö el vahī kuntī töhet chūök, insāken ngam tökô-en; el haliöngö takô pöri, hameuktöre nö i kūö ngam Tēv, tö pòkūö hī.

YERIMIĀ 49:19

Yĕh meuk, sā ap lāyön nö yih ṙā-ang el inchōn i Yôtön nö ip töngëḵ kinlōngö sīṅp, ngö tī chū-ö min harötlen cha nö falngöre nö ṙā-ang in ò; ngaich chū-ö min vīlö yöng ò tö öp katöllö chu. Achīö ṙöng ap tösā chu? Chiāp min mahavëken chu? Chiāp yōm pököre tökô nö sökhak nö i kūö chu?

YERIMIĀ 30:21

In cha min ap kūön rācha, löknyö el ṙôngö cha min nö yih öp mahayöngö cha; vīten ò chin min nö haröhtöre, ngaich yihtöre anga-aṅ min nö in chu, achīö ap tökô nö yihtöre nö in chu? ṙô ngam Mā Tēv.

KINṘEŪKÖ 16:5

Ngaich vë-ekūö Kōrah anga-aṅ yik ṙôngö yik hol ò inrē, nö ngö ṙô, Ip peuheū an min ngam Mā Tēv nö hameuktö yip tarik re, ane inrē hameuktö yip töhet, ngaich hōten cha min Anga-aṅ nö yihtöre nö haröhtöre nö in Ò: anga-aṅ min öp katöllö Ò nö hōtu min tö Ò nö yihtöre nö haröhtöre nö in Ò.

MANEUTNYI 20:21

Ngaich yik tarik nö marôvat nö sökhaka, ngaich ṙūötöre Môsös nö i chūök ngam Tēv ik tökufëi singūlö. Chöngö I Alaha Minë Tahāklö

MANEUTNYI 24:1

Ngaich ngö ṙô Anga-aṅ tö Môsös, Tā-a yônlö man im Mā Tēv, më-eṅ, Āròn inrē, Nātap, Apihū inrē, sat anāi inrē yip minṙöinylen i Israĕl; salām yī-ö inrē marôvat.

MANEUTNYI 24:3

Ngaich Môsös nö yihtöre ngaich keuheūtnyöre ṙô nö i yip tarik tö nuk ṙô ngam Mā Tēv, ṙòkhöre nuk inkaha fālen inrē: ngaich ṙòkhöre yik tarik nö hēngòng ṙô nö sapṙô, nö ngö ṙô, Kēken nup ṙô ngam Mā Tēv in min nö ṙòkhöre.

MANEUTNYI 19:12

Vītö inrahkūö më tarik pömchö nö havīṙi, ngö ṙô, Ṙēmen yin töre, öi ui peūlöre im rôngö, hēk inrē ui lūölkö ngam kūöngö e: öp töng lamūölkö ngam rôngö kumpaha min: