MANEUTNYI 24:16 - TÖHET LĪPÖRE (Re-edited) Bible (BSI)

¹⁶ Ngaich ngam lanöökö ngam Mā Tēv nö i kui ngam rôngö Sināi, tafūöl sumkam angū-ö nö kahultö kui e: ngaich im sinātö sakāmö Anga-aṅ nö havëken Môsös nö löknyö ellōn ök taṙul.

MANEUTNYI 24:16 Referans Kwoze

MANEUTNYI 16:10

Ngaich ngö inlaha angū-ö, hē Āròn nö vë-ekūö yik ṙôngö, nö hōten cha nö kū-ö tö ök tönyaṅlnyi mat nö ngëicha, ngaich ngëicha, meūkö ngaich ök minā-aṅ ngam Mā Tēv nö el taṙul.

KINṘEŪKÖ 16:42

Ngaich hē yik ṙôngö tarik nö hamūlöre nö la-alkūö Môsös Āròn inrē, ngaich hatīönkö ök rūkui manūlö cha-a: ngaich meuk ök taṙul nö hanyattö kui e, ngaich ngam kanôlò ngam Mā Tēv nö meūkö.

ISIKĪ-ĔL 1:28

Sā mineūkö kumṙah, vinngö. Ngatī mineūkö ök tösā kanôlò ngam Mā Tēv. Ngaich hē chu meūkö e fātngökūöre ngaich chū-ö afukngöre, ngaich hangṙô öp töhĕng tak töṙô-òvö.

Salmai 99:7

Vë-ekūö cha Anga-aṅ nö el taṙul: haköp nup chöngö Ò cha-a, ap inchöngten inrē kahëtö Ò nö in cha.

KINṘEŪKÖ 14:10

Ngaich pöri nö ṙòkhöre yik ṙôngö yik tarik nö hōḵten cha nö kulëhe tö ihong, ngaich meūkö ök kanôlò ngam Mā Tēv tö yik kūön Israĕl nö ṙòkhöre nö el ök rūkui manūlö:

LA-EN LĒVĪ 9:23

Ngaich kuhēthötre ang Môsös, Āròn inrē nö el ök rūkui manūlö, ngaich kunyī-inyre, ngaich hakôlò yik tarik: ngaich ngam kanôlò ngam Mā Tēv nö meūkö tö yik tarik nö ṙòkhöre.

INMEUKHÖMAT 1:10

Im Töhet Fanöinylö chu-ö hē sakāmö ngam Mā, ngaich hang ök töpōitô chu-ö lā-ukre, nö sā ṙô fanöö.

2 KÒRIN 4:6

Yĕh meuk, tön ngam Tēv tö ngö ṙô, Yang an min ngam hanātö nö elsinngūlö, ngam töyang nö ellōn hī, nö kētö hanātö ngam inkaha ngam kanôlò ngam Tēv, nö i kūö Yēsū Kristū.

MANEUTNYI 24:17

Ngaich ngam mineūkö lanöökö ngam Mā Tēv nö sā öp tameūyö tökalēḵĕkūö tö mat yik kūön Israĕl nö i kui ngam rôngö.

MANEUTNYI 20:10

Anôilö pöri nö i ngam Mā Tēv, Tēv meh, ngam sinātö sakāmö: hē e më-eṅ öt la-evṙen tö töng la-en, më-eṅ, un rēhĕn öp kikōnyö kūön meh, un rēhĕn öp tarik meh kikānö, un rēhĕn nup nuā meh, un rēhĕn öp tarik töt aṅ panam meh öp mi-in meh:

MANEUTNYI 19:11

Hòn lēn ip linūöyö sakāmö: pòn ip linūöyö sakāmö ngam Mā Tēv min nö yih nö i kūö yip tarik nö ṙòkhöre i kui ngam rôngö Sināi.

MANEUTNYI 19:9

Ngaich ngö ṙô ngam Mā Tēv tö Môsös, Yĕh meuk, yih Chin in meh el ap tökufëi taṙul, hòṅ më tarik nö hang ṙô Chu vë-ekūö meh, hòṅ cha inrē nö örheūheu nö ṙātö ellōnre nö in meh. Ngaich Môsös nö vë-eny nuk ṙô yik tarik nö i ngam Mā Tēv.

LA-EN LĒVĪ 9:6

Ngaich ngö ṙô ang Môsös, Angū-ö ön ngih hachöngten ngam Mā Tēv nö la-en yīö: ngaich meūkö min tö yīö ngam kanôlò ngam Mā Tēv.

Isayā 4:5

Ngaich ngam Mā Tēv min nö hēk nö keuheūtlöre tī nö vīlö elyöngö aṅ kui rung Siyôn, i kui nup manūlö ò inrē, öp taṙul lul inrē tö sakāmö, öp pinchālö hanūkūö tameūyö inrē tö hatööm: pòn ṙòkhöre min nö i kui ngam kanôlò öp inrūkui nö hanyāṅknyuvö.