MANEUTNYI 24:10 - TÖHET LĪPÖRE (Re-edited) Bible (BSI)

¹⁰ Ngaich chā-a nö meuk ngam Tēv Israĕl; ngaich el katòh röön Ò ök tösā safir ihong tö sumītiyö, tösā ngam tökô-en halīöngö tö sanehngöre.

MANEUTNYI 24:10 Referans Kwoze

T. YÔHAN 1:18

Rö-ö nö hĕng tak tarik mameuk ngam Tēv nö ngaich. Ngam töng hĕng maneuk Kūön, ngam mi-im Yöng, Anga-aṅ vame-eny.

ISIKĪ-ĔL 10:1

Ngaich ngëicha chū-ö, ngaich meuk, i kui ngam taṙul ök mī-ikui yik kërup nö meūkö nö lātulöng tö cha tö sā safir ihong, nö sā inlahen kantēra rācha.

INMEUKHÖMAT 4:3

Ngaich ap amūichhak nöng sā yaspis ihong, satīös inrē; havīlö ngam kantēra ngam mingākö tö sā mineūkö emeröl.

1 TIMÒTĪ 6:16

Töng hĕng tak nö töt kinpahavö iyöng el ngam töyang töt yanihken; ngam tö öl nö meūkö tö tarik, öt rēhĕn nö kô nö meuk: Kanôlò Ò yēḵ minhôinyö inrē örheūheu Āmen.

MANEUTNYI 33:23

Ngaich kē-ĕng tīre Chu-ö min, ngaich më-eṅ min meuk uk Chu: öt meūkö pöri min ngam kūö Chu.

MANEUTNYI 33:20

Ngaich ngö ṙô anga-aṅ, Ötkô man ngëichkö kūö Chu: pò ngòh tarik min nö ngëichkö kūö Chu ngaich öt aṅ.

Ranehlö 32:30

Ngaich ang Yāköp nö kaheuk minë-eny ök chūökö nö Penīĕl: pò chu kôta mat meukkūö ngam Tēv, ngaich aṙēlöng ngih nômö chu.

INMEUKHÖMAT 21:11

Ngaich ap ëāṅvö e nö sā nup töpōṙāi ihong, sāre öre yĕn yaspör nö ihong, sehngöre sā tinmël:

1 YÔHAN 4:12

Öt hĕng tak ngaich nö hĕng heuh nömeuk ngam Tēv; yē hī ayī-ö kö hāngenlōn tö höö, i yöng in hī ngam Tēv; ngaich hateungtuṙen ngam hanāngenlōn hī tö Ò.

T. YÔHAN 14:9

Ngaich Yēsū nö ngö ṙô tö ò, Röh Öich ngaich marô-òten in yīö, ngaich öl hòng me-eṅ akahakūö tö Chu Filip? Ngòh mameūkö Chu, ngaich meuk ngam Yöng inrē. Sitih öm ngö ṙô Hameukhömat ih töm Yöng?

T. MËTIV 17:2

Ngaich haṙī-ingre mineūkö Anga-aṅ nö i kūö cha; sā yanāngö mat tavūöi, ök kūö Ò; sā in soho hanāṅtö nuk hilā Ò.

INMEUKHÖMAT 1:16

Sat nuk taneūsömat, aṅ eltī Ò lāhāmö: ngaich lökyö elvāng Ò, hĕng nòng ök tö-āṅlā keūtö sanët ngaich nuk arëkūö Ò nö sā yanāngö mat ngam tavūöi yĕn ip kumlēḵre.

T. YÔHAN 6:46

Öt hĕng tak tö ngaich nö meuk ngam Yöng; höng Anga-aṅ ngam ṙamā-ang im Tēv, mameuk ngam Yöng.

Sòlòmön 6:10

Achiāng ngòh tömeūkö sā minlīlö peuheū, vāi sā chingëṅt, yang sā tavūöi, pinhë-eṅkūö sā kumyung tö pantēravö?

1 RĀCHA 22:19

Ngaich ngö ṙô anga-aṅ, Lökten man hangihtöre tö ṙô ngam Mā Tēv: meuk ngam Mā Tēv chin nö el kantērare nö ūichhaka, ṙòkhöre inrē nö sökhaka nö in ò më tömaṙôngö el halīöngö lāhāmö ò lātavē ò inrē.

MANEUTNYI 3:6

Hēk inrē angā-aṅ nö ngöṙô, Chū-ö Chin Tēv ök yöng meh, Tēv Aprahām, Tēv Isak, Tēv Yāköp inrē. Hanyatngö kūöre ngaich Môsös; pò ò nö hatīönkö ngam Tēv.

MANEUTNYI 24:11

Öt ṙātö eltīre anga-aṅ nö i kui yik mā i yik kūön Israĕl: meuk ngam Tēv achā-a, ngaich nyā, òk inrē.

KINṘEŪKÖ 12:8

Kôta ṙô Chin min vë-ekūö ò, meūkö, öt ṙô tö tönyatngö; ngaich anga-aṅ min nö meuk ngam Mā Tēv: kūöyòh an öt pa-ekūö an chōichô i ngòh tarik Chu, in Môsös?

Sòlòmön 5:14

Humlum nup kël ò nö milön, nö yanöṅtuvö. Kanël ëlifen öp alaha ò, vītu aṅmat tö safīr.

INRĀMÖRE 4:7

Het yik kūön rācha e tö tökënngöre tacham, isoh tö aṅteh; yahlö tunrëṙö nuk alaha cha tö ṙòng ihong, sā töpōi ṙāi ihong vanāyö sanökö cha.

ISIKĪ-ĔL 1:1

Im linūöi anāi samyeūheu, imfinënö chingëṅt, im tinneūyö sakāmö ngam chingëṅt I saha chu in yip töha-öti i kui öp tahël Chāpör, löpnyöre kūö ngaich minë halīöngö, ngaich chū-ö meuk ngam Tēv.

TANĪ-ĔL 10:17

Sitih kanô-òṅ ang ngam tarik ngam mā nö vë-ekūö ngam mā re? Tön öt ōtre öp kumlē-en nö in chu, öt ōtren inrē öp unhômö nö in chu.

Ranehlö 32:31

Meutlö ngaich ngam tavūöi nö ikui ò hē ò nö havāngngöre nö i Penuel, ngaich ök takeun ò nö karīpa.

2 KINṘÖTNGÖ 6:17

Ō Mā Tēv, Tēv Israĕl, lökten töngamuh, hökngen ngam ṙô meh nö haköpi, ngam ṙô meh ik tarik meh Tāvit.