MANEUTNYI 23:8 - TÖHET LĪPÖRE (Re-edited) Bible (BSI)

⁸ Um kēḵ raneushöre: pò ngih raneushö nö tilupngömat cha yip tömaneūkūvö, ngaich hachōichngö nup ṙô tölöök.

MANEUTNYI 23:8 Referans Kwoze

I. CHÖNGÖ 16:19

Uh më-eṅ löinyngö inkaha fālen: um atöltenvö tö tarik: um rēhĕn kē pinlööṙö raneushö: tön tilupngömat tö-akaha öp pinlööṙö raneushö; ngaich harīkngö kaha ngam ṙô töchip inrē.

Isayā 5:23

Yip hamôten tötlöök nö ineū-euvö, ngaich kēngö ngam lanöökö ngam tölöök nö ṙā-ang in ò!

INCHŌḴ-OṘÔ 17:23

Hō-o ṙāi minyôny-aṅ ön ngòh tötlöök tarik nö ṙeū-eung im elngòh nö hachōchngö talöökö kinṙôka tötmichūḵṙen.

INCHŌḴ-OṘÔ 15:27

Ngòh töyal tö tötlöök taneūngen, vī kanihngen nö i patī re, aṅ pöri min ngòh tö sōḵ tö ṙāi minyôiny-aṅ.

1 SAMUĔL 8:3

Öt lök el talöökö ò pöri nak kūön ò, kānngöre pöri nö i tökôlòtī taneūngen, ngaich kētö tö-ulāitu ṙāire, hachōichngö ngam inkaha fālen inrē.

Mumkahten 7:7

Kô-en inkihten nö vīngen tö akaha tarik nö kulō-ov, hachōichngö ellōn inrē ngam ṙāi minyôny-aṅ.

INCHŌḴ-OṘÔ 17:8

Sā tömilūönö ihong an ngam ṙāi minyôny nö i mat ò öp kamëtö e; kôlòṙen anga-aṅ ip töng kū-ö ò nö kānngöre.

Salmai 26:10

Yip tö-aṅhav eltī tö ötlanöö-kö: tööḵlö nup lahāmö cha tö ṙāi michūṙen.

1 SAMUĔL 12:3

Ihih chin yih: vë-eny fālen chu yin yĕh i kūö ngam Mā Tēv, i kūö ngam hacham elkui ò inrē. Chiāp tökē-ĕ nuā tö chu? Hēk chiāp tökē-ĕ köttö tö chu? Hēk achīö töhachīlö tö chu? Achīö töhakihtuṙen tö chu? Hēk el tī chīö öich kētö tö-ulāitu raneushö nö tinlupngö kūö në mat chu nö in ò? Ngaich kô-òren chū-ö havan tö e in yīö.

I. CHÖNGÖ 10:17

Tön ngam Tēv meh an Mā Tēv, anga-aṅ an Tēv vē tēv, Mā vē mā inrē, tökiröng nö Tēv tökalēḵ, pinhë-eṅkūö inrē, ngam töt atöltuṙen tö tarik.

MAIKA 7:3

Ip tötlöök nup eltī cha nö la-evṙen tö e nö pētngen; havë-a öp kūön rācha, höngöre inrē öp kamhôka tö raneushöre; öp mā tarik inrē, ṙô tö tötlöök anga-aṅ nö ellōn re: ngatī tī cha-a nö holṙen re nö löinyö e.

AMŌS 5:12

Pò chu akahalōn tö ṙôken nup öt lanöökö yīö tö kumlēḵ nup tökööl yīö inrē; yī-ö mahakihten tölöök, kamë ṙāi michūṙen mahavöökūö ngam yāich nö ikūö inkūp nö ṙā-ang im töchip.

ISIKĪ-ĔL 22:12

In meh yik tarik kamë raneushöre nö kitaktö mahām; ngaich me-eṅ ṙūöten ṙūölö kanôlò inrē vī taneūngenre inrē in yip holre i intēungö kahë re tö rupīö; ngaich me-eṅ vaichngen chu, ṙô ngam Mā Tēv.

INCHŌḴ-OṘÔ 19:4

Pōyen hol ön ngih kanôlò tö tufömngöre, ṙā-ai pöri ngòh yāich tarik tö hol re.

HŌSĪ 4:18

Ngaich ap òk cha nö hikīölhu: iṙūöhen yin nö asĕha; hāngenlōn yip mahayöngan tö sinrōngkūö.

Isayā 1:13

Uh yin kumtö töng töl tökētu; sā-òkkūö chin ngaich tö lōpān, tö ayöö chingëṅt töhet sakāmö inrē, tö ngam invëtö manūlö ötkô chin īnu tö tötlöök töp tö-ūnngen inrē inmūlö.

Salmai 15:5

Ngòh töt chamaplö rupīöre nö ṙāyu inṙūöngka, öt kē raneushöre inrē nö i töt akahaṙa: Ngòh töngatī la-en tö në, öt hanlöinyken min.

Isayā 1:23

Ma-ahôngen yip kūön rācha meh, mahanôl mū-ulaya inrē; ṙòkhöre nö hāngenlōn tö rineushö, ngaich fachūrit raneushö: hö-ö cha-a nö akah fālen kūönyōich, öt rēhĕn nup fālen tafīösi nö yih nö in cha.

Isayā 5:22

Tötkôlò yip cha-a yēḵ yip tö kalēḵ nö òk vāin, tö kalēḵ inrē tarik nö katĕh tökalēḵ òk re:

Isayā 33:15

Ngòh tölöök röön nö kiröönngöre, tölöökö ṙô inrē; ngòh töt chumkūöṙen tö taneunglen lamökten i inkihten, ngòh fumlinynyö kël re nö i ṙinapkö raneushö minyôiny-aṅ, ngòh tumlupngö kūö mahām, meuichngö mat re inrē nö i nginëchkö tötlöök;