MANEUTNYI 23:6 - TÖHET LĪPÖRE (Re-edited) Bible (BSI)

⁶ Uh man harīkngö inlaha fālen öp yāich meh i nup fālen ò.

MANEUTNYI 23:6 Referans Kwoze

MALAKI 3:5

Ngaich yih chū-ö min haröhtöre in yīö im inkaha fālen; ngaich chū-ö min sā öp töveūten mameuk lā-al yip vamīngen, lā-al yip ma-asĕha, lā-al yip töminyôiny-aṅ nö chūökṙô; lā-al cha inrē yip mahakihten töhaṙāyö alaha nö I nup raneushö cha, tafīösi, kūönyōich, cha-a inrē yip mahavööngö kūö aṅ tahëng nö ṙā-ang im töchip, tö pa-ekūö inrē tö chu, ṙô ngam Mā Tēv yip tömaṙôngö.

YERIMIĀ 5:28

Sīöpnyi tösangöö cha-a ngaich faṙëcha alaha inrē. Öt tölngukūö lā-en cha-a ngaich tö ötlanöökö; öt kahòklö kui kūön yōich cha-a nö im öt michūṙen kinṙôka, nö hakôlò cha, hö-ö cha-a nö laklö öp töchip in yip töhāṅten.

Mumkahten 5:8

Yē meh meuk yāich nö hakihtuṙen ip töhĕng panam kē-ĕyö inrē kinṙôka töt michūḵṙen mikahlōn inrē nö filīnyiyö, um pingangkūö tö e angū-ö; pò yip lamā tulöng mā nö aṅtu tö ngam lātulöng, ōtngöre ap lamātulöng tö cha.

I. CHÖNGÖ 27:19

Tötkôlò öp anga-aṅ öp lamöinyngö inkaha fālen aṅ tahëng, kūön yōich, kikānö tafīösi inrē. Ngaich ṙòkhöre ṙô min yip tarik nö ngö ṙô, Āmen.

I. CHÖNGÖ 16:19

Uh më-eṅ löinyngö inkaha fālen: um atöltenvö tö tarik: um rēhĕn kē pinlööṙö raneushö: tön tilupngömat tö-akaha öp pinlööṙö raneushö; ngaich harīkngö kaha ngam ṙô töchip inrē.

LA-EN LĒVĪ 19:15

Uh man tī tö tötchip im inkaha fālen: uh man atölten yāich, um rēhĕn milēḵṙen töp tarik tökirööngö chöngö: im chanīpen pöri öm akah fālen ngam holre.

YERIMIĀ 7:6

Yē yīö öt hakihten aṅ tahëng, kūönyōich hēk tafiösi, hēk öt kitaknyö mahām töt akahaṙa i ngih chūökö, yē yīö inrē öt kiröönngöre tömrit tahëng tēv öi höng hachököre,

YERIMIĀ 6:28

Töngëḵ yin nö ṙòkhöre nö ma-ahôngen, havötköre nö kumtö vine-engnang; mās yin, vët inrē, ṙòkhöre yin nö chōichö la-en.

NGAM LĪPÖRE YŌP 31:13

Yē chu sōḵngen chööḵnyö “öp tarik chu kikōnyö hēk tarik chu kikānö, yē cha nö vahënyu tö fālen chu;

2 KINṘÖTNGÖ 19:7

Yĕh pöchö ngaich, i kui yīö an yēḵ ngam pinhë-eṅkūö tö ngam Mā Tēv; haṙēmngenre tö nup la-en yīö, tön rö-övö nö inchōichnguvö nö in öp töchip hēk öt intöltenvö, hēk öt kē raneushö minyôiny.

1 SAMUĔL 8:3

Öt lök el talöökö ò pöri nak kūön ò, kānngöre pöri nö i tökôlòtī taneūngen, ngaich kētö tö-ulāitu ṙāire, hachōichngö ngam inkaha fālen inrē.

INCHŌḴ-OṘÔ 18:5

Öt tölöök an angū-ö intölten tötlöök tarik, hēk inrē ngam kinëngö kinṙôka tötmichūṙen nö i tölöök tarik.

INCHŌḴ-OṘÔ 22:22

Un ulāingen yāich, tön yāich ana, hēk kirāchtö kui tökihngen i kūö inkūp;

INCHŌḴ-OṘÔ 31:5

Hòṅ cha nö öthöng ka-eūt vaichngö ngaich tö öp tö kētu chöngö, ngaich vaichngö tö nup hanakten yip tarik.

Isayā 5:23

Yip hamôten tötlöök nö ineū-euvö, ngaich kēngö ngam lanöökö ngam tölöök nö ṙā-ang in ò!