MANEUTNYI 23:2 - TÖHET LĪPÖRE (Re-edited) Bible (BSI)

² Um tömrit yip tömaṙôngö tölā-evṙen tö tötlöök; umrēhĕn ṙô-òvö öm havööngökūö yip tömaṙôngö öm harīkngö inkaha fālen:

MANEUTNYI 23:2 Referans Kwoze

INCHŌḴ-OṘÔ 1:15

Kūön chu, uh man lök el talöökö cha, um vāngtöre el talöökö cha;

NGAM LĪPÖRE YŌP 31:34

Pò chu sökhak pa-ekūö tö tö- maṙôngö, pinëlöngkūö chū-ö ngaich tö minṙēngö aṅ i mupīhö, lökten öich hachītngenre, öt kunyī-inyre inrē lā-uk inkūp

I. CHÖNGÖ 1:17

Uh yin atöltuṙen tö tarik i inkaha fālen; hĕngren i tökiröng hang ṙô cha tö tökūönö inrē; uh yin pa-ekūö tö kūö tarik; tön aṅ im Tēv an ngam inkaha fālen: kētö öp chöönyi in chu öp tökihngen nö in yīö, ngaich hāngö e min Chū-ö.

T. LŪKÖS 23:51

Samôḵòṅ ṙô yik holre, la-en cha inrē; aṅ Arimatiā, ök panam yik Yahūti; mameūkkö ngam pūlngö ngam Tēv.

T. MĀKÖS 15:15

Ngaich Pailĕt nö ṙānyen Pārapas nö in cha, pò ò nö hòṅ hakô-ònglōn yik tömaṙôngö; ngaich kēten Yēsū nö harātu, tö kinheūṅtö tī ò nö fōhan.

INCHŌḴ-OṘÔ 4:14

Un yôkhöt el kanröönö tötlöök, un lök el talöökö tarik tötlöök inrē.

1 RĀCHA 19:10

Ngaich ngö ṙô anga-aṅ, Kalē-ĕlōn chin im Mā Tēv, ngam Tēv yip tömaṙôngö; pò yip kūön Israĕl nö ṙāngö ngam kinlēḵngô, tiṙölngö nuk tahāklö meh, fëlngö yik pròfĕt meh nö aṅtī tö fël: ngaich chin, höng chū-ö tītö tö-ōtre; ngaich cha-a nö chöh ngih nômö chu nö hòṅ kēngö e.

YÔSUĀ 24:15

Yē e pöri nö töchōich nö in yīö ngam linökö la-en ngam Mā Tēv, töngamuh yih yĕh atöllö öp lahök la-en yīö: yĕn nup tēv nup lahök la-en yik muvöhngö yīö misī lāmuh tö ngam Tahël, hēk yĕn nup tēv aṅ Amôr, yip tö iyöngö panam tö yīö; chū-ö pöri tö yip aṅ patī chu inrē, lök la-en ngam Mā Tēv in īhö min.

INLAHEN 25:9

Ngaich pöri Festös nö ngö ṙô tö Pôl, Röh öm hòṅ chuh Yerūsalem, öm kahòkkaṙen tö chu in e tö u? pò ò nö hòṅ hanghuṙen tö yik Yahūti.

INLAHEN 24:27

Keuheūthë nuk tö nët samyeūheu, ngaich haṙëniṙen ang Filik tö Pòrki Festös; ngaich hòṅ hanghuṙen tö yik Yahūti, lökten ò nö ṙānyen Pôl nö el kinlōngö.

YERIMIĀ 38:9

Mā chu rācha, chōichö tī yin vē tarik tö ngam tī cha nö in Yarimiā ap pròfĕt nö sukten ò nö el chūökmak; kapah ap min nö umuh tökūö neūköre, pòn öt ōtre nyā-aṅkūö nö im elpanam.

YERIMIĀ 37:21

Lökten ap rācha Sētikia nö kēten Yeremiā nö in yik amahati el milūkö; hēngö kinë-eṅkūö anga-aṅ tö tö-aföhlöng rôti nö kaheuk sakāmö nö ṙā-ang ik el talöökö vamī rôti, hanöng saha nuk rôti ngam elpanam nö keuheūt, Lökten Yeremiā nöng ngöh nö in yik amahāti el milūkö.

YERIMIĀ 37:15

Tainy ngaich yik kūön rācha nö in Yarimiā, fōhan cha-a ngaich ngaich kalonghötnen ò nö el patī Yônātan ök hamòlṙen i kinūichö, pò e nö vītu nö kinlōngö tarik.

Salmai 72:2

Kahòkken vē tarik Meh anga-aṅ, nö im lanöökö ngam yāich meh inrē nö hol tö inkaha.

LA-EN LĒVĪ 19:15

Uh man tī tö tötchip im inkaha fālen: uh man atölten yāich, um rēhĕn milēḵṙen töp tarik tökirööngö chöngö: im chanīpen pöri öm akah fālen ngam holre.

Ranehlö 19:4

Urēhĕkūö cha pöri nö ṙōlngöre, yik tarik aṅ Sôtöm, nö havīlö ngam patī, tö-ayal tököiny inrē, ṙôkhöre yik tarik aṅ tökeuheūttöre lā-a;

Ranehlö 6:12

Ngaich ngam Tēv nö ngëichkö ngam tumlat, yĕh meuk, chōich angū-ö: pòn ṙòkhöre alaha nö hachōichngö talöököre nö ikui ngam tumlat.

RŌMA 1:32

Cha-a, tö-akahalōn tö chöngö ngam Tēv, tö cha yip maharūnöre nö i tö ngatī nö tö hòṅ kumpaha, öt höng töngatī la-en, tön yip tö hōḵ inrē nö in cha nö harūnöre tö u.

ISIKĪ-ĔL 9:9

Ngaich ngö ṙô anga-aṅ tö chu, Yahlö ṙôken ap nö kiröng fālen ngam patī Israel Yūtā inrē: tööḵlö an ngam panam tö mahām, tööḵlö inrē ngam elpanam tömichūḵṙen inkaha fālen; pò cha nö ngö ṙô, Ṙā-ayö an ngam panam tö ngam Mā Tēv, hö-ö an inrē ngam Mā Tēv nö ngëicha.

I. CHÖNGÖ 24:17

Un löinyngö inkaha fālen aṅ tahëng, un rēhĕn i kūön yōich; un rēhĕn kē kinṙum öp tafīösi kikānö nö kinlēḵngô:

I. CHÖNGÖ 16:19

Uh më-eṅ löinyngö inkaha fālen: um atöltenvö tö tarik: um rēhĕn kē pinlööṙö raneushö: tön tilupngömat tö-akaha öp pinlööṙö raneushö; ngaich harīkngö kaha ngam ṙô töchip inrē.

Ranehlö 7:1

Ngaich ngöṙô ngam Mā Tēv tö Nō-a, Keuhēthötre man ël ngam chōng tö yip aṅ patī meh inrē nö ṙòkhöre; tön meūkö meh Chin chiplö ikūö Chu i ngih tumköl chap.

HAKAI 1:4

Hē yīö öng ngih iyöng el kun urôhò nup patī yīö, ngaich ngih patī ngih nö hulalhaka nö payāya?

1 SAMUĔL 15:9

Aṙēlöng pöri Ākak tö Sôl tö yik tarik inrē, tö nup tökôlò sīṅp, kōiny nuā inrē tö nuk tö-alahavö, kūön sīṅp inrē ṙòkhöre inrē nup töng kôlò, sōḵ cha-a nö ahatngö tīre nö halëlngö u: höng nuk tötkôlò tösō-ov inrē anū-ö halëlngö cha nö ahāti.

INCHŌḴ-OṘÔ 18:5

Öt tölöök an angū-ö intölten tötlöök tarik, hēk inrē ngam kinëngö kinṙôka tötmichūṙen nö i tölöök tarik.

1 SAMUĔL 15:24

Ngaich ngö ṙô Sôl tö Samu-ĕl, Ngaich chin köölö fālen: pò chu ngaich tôichngen tö chöngö ngam Mā Tēv: tö nup ṙô meh inrē: pò chu pa-ekūö tö yip tarik, ngaich öich hang ṙô cha.