MANEUTNYI 23:12 - TÖHET LĪPÖRE (Re-edited) Bible (BSI)

¹² Tafūöl sumkam alaha më-eṅ la-evṙen, heūheure ngaich im sinātö sakāmö: hòṅ ap kōiny nuā meh köttö meh inrē nö heūheure, öp kikōnyö inrē kūön öp tarik meh kikānö töp tarik inrē aṅ tahëng, nö uhāvlöre alaha.

MANEUTNYI 23:12 Referans Kwoze

T. LŪKÖS 13:14

Ngaich ök mākūö ngam chūök vine-ekūötēv, nö līn pò Yēsū nö halanken tövahavö hē el töhet sakāmö, ngö ṙô an nö i yik tömaṙôngö, Tafūöl sumkam nup hē tarik nö la-evṙen, hē u yin yĕh lökten halankaṙen invah; rö-övö pöri nö hē el ngih töhet sakāmö.

MANEUTNYI 35:3

Keuheūtngöre chūök elyöngö yīö öt tōttökūö tameūyö yī-ö öi el anôilö.

Isayā 58:3

Kūöyòh öi īhö ahik, ṙô cha, ngaich me-eṅ öt meuk? Kūöyòh öi īhö hayāichngöre, ngaich rö-ö me-eṅ akahngen e? Yĕh meuk, ip sakāmö meh ahik ngaich me-eṅ chöh kumchikṙenre, ngaich hakihten yip töla-evṙen nö in meh.

MANEUTNYI 34:21

Tafūöl samkam më-eṅ la-evṙen, heūheure pöri min më-eṅ im sinat sumkam: ip hē kunköhö tumlat ane inrē inmūlö ṙòng heūheure më-eṅ min.

T. MĀKÖS 2:27

Ngaich ngö ṙô Anga-aṅ tö cha, Pòkūö tarik an ngam töhet sakāmö nö vīlöngö; rö-ö nö pòkūö ngam töhet sakāmö nö vīlöngö ngòh tarik.

MANEUTNYI 16:23

Ngaich ngö ṙô angā-aṅ tö cha, Angū-ö ön ngih ṙô ngam Mā Tēv, Tökiröng öp nö haneūheu huṙöich töhet nö anôilö nö i ngam Mā Tēv: kahulngö nup kahulre yī-ö, sum nup sahumre inrē; ngaich ṙòkhöre nup tö ōtre ṙāḵtö u ṙanākö kūö yīö söl ip peuheū.

MANEUTNYI 23:11

Hökngen e pöri nö heūheure im sinat samyeūheu; nö un vī-i; hòṅ yip yāich tarik meh nö nyā-avkūö: ngaich nup ṙāhātö cha min nö nyā-aṅkūö nup töṙeūla el kahôyö. Ngati tī më-eṅ inrē tö nup panô-òṅ vāin meh, panô-òṅ ôliv meh inrē.

MANEUTNYI 35:2

Tafūöl sumkam min la-en nö kēkaṙen, im sinātö pöri sakāmö töhet angū-ö sakāmö nö in meh, anôilö nö haneūheu tö hayīchö i ngam Mā Tēv: kumpaha min öp kamëken la-en hē e.

LA-EN LĒVĪ 23:3

Tafūöl sumkam nup la-en nö keuheūtiṙen: ngam sinat sumkam pöri töhet nö sakāmö nö töchēv haneūheu, töhet manūlö; uh yī-ö vahī-ivṙen tö yô-ôv la-en: töhet sakāmö ngam Mā Tēv an angū-ö i nup elyöngö yīö nö ṙòkhöre.

NAHIMIĀ 13:16

Tarik aṅ Tūrös inrē, yik mi-iyöng im elpanam, kumtö kāḵ tökeuheūttöre mihëṅṙö chehen inrē ngaich inyihkö u hē el anôilö nö in yik tarik aṅ Yūtā, i Yērusalem inrē.