MANEUTNYI 23:11 - TÖHET LĪPÖRE (Re-edited) Bible (BSI)

¹¹ Hökngen e pöri nö heūheure im sinat samyeūheu; nö un vī-i; hòṅ yip yāich tarik meh nö nyā-avkūö: ngaich nup ṙāhātö cha min nö nyā-aṅkūö nup töṙeūla el kahôyö. Ngati tī më-eṅ inrē tö nup panô-òṅ vāin meh, panô-òṅ ôliv meh inrē.

MANEUTNYI 23:11 Referans Kwoze

LA-EN LĒVĪ 25:22

Ngaich yī-ö min teūich im hinëvhöre samyeūheu, ngaich nyā nup ṙòng, nup maṙöinylö inchūökngö; hanöng saha öp minchūötöre samyeūheu, hanöng saha nup ṙòng e nö kuhēt, yī-ö min nyā nup maṙöinylö töhachūöki.

LA-EN LĒVĪ 25:20

Ngaich ngö ṙô yī-ö min, Suāp min nyā-aṅkūö hī im sinātö samyeūheu? Yĕh meuk, öt teūich in min, öt rēhĕn hamūl ṙòng taneūichre.

MANEUTNYI 23:10

Tafūöl samyeūheu man teūch ngam taṙeūre, ngaich hamūl nup ṙòng:

MANEUTNYI 23:12

Tafūöl sumkam alaha më-eṅ la-evṙen, heūheure ngaich im sinātö sakāmö: hòṅ ap kōiny nuā meh köttö meh inrē nö heūheure, öp kikōnyö inrē kūön öp tarik meh kikānö töp tarik inrē aṅ tahëng, nö uhāvlöre alaha.

KINṘEŪKÖ 16:14

Hö-ö man yih rēhĕn kēten ih ip panam töhëmö aṅkūö tö aṅten hönī inrē, ötrēhĕn öm kētö amin ih tö taṙeūḵ panô-òn vāin inrē, hòṅ pëôknyö mat vē tarik ömeh? Hö-ö an hòṅ yihtöre.

NAHIMIĀ 10:31

Ngaich yē yip tarik aṅ ngam panam nö kēhöt chehen hēk sāiny nö inyihka hē el anôilö sakāmö, hö-ö ayī-ö min havah in cha hē el anôilö hēk töhet sakāmö; ngaich ayī-ö min inrē hökngen nup ṙòng ngam sinātö samyeūheu öt hateung tīre inrē i hötṙeh.

I. CHÖNGÖ 15:11

Pòn öt hētu yāich nö ṙākenre nö i kūö ngam panam: lökten chin ngö ṙô tölṙô meh, Luvënyökūö ellōnre man im mak alahare, ngam töhāṅten, im yāich meh inrē, im panam meh.

NAHIMIĀ 10:32

Ṙātö elkuire ayī-ö inrē öi kē-ĕti in re kaheuk samyeūheu hĕng i tölūöi siköl (5 grm) nö kūö la-en ngam patī ngam Tēv hī;