MANEUTNYI 23:1 - TÖHET LĪPÖRE (Re-edited) Bible (BSI)

¹ Uh man kēḵ öp tösūöchka tö-eūka: um ṙātö eltīre hol tī ngam tötlöök öm töminyôinyaṅ ameū-a.

MANEUTNYI 23:1 Referans Kwoze

Salmai 101:5

Öp mu-ulāikenre nö ve-engnang hol re, halëliyö min tö chu: öt halöngten ò chin öp tum-ööngkūöre, mahakeūṙô re, ellōn inrē.

INCHŌḴ-OṘÔ 19:5

Öt kiröönngöre ön min ngòh samūöchköholre nö öt sācha, anga-aṅ inrē ngòh tö minyôny-aṅ öthō inrē nö öt kô-òngvah.

MANEUTNYI 20:16

Uh man sūöichkö holre.

Salmai 35:11

Chōholre yip töt chiplö mameuk: hatönö chu yin tö nup öt mikahlōn chu.

I. CHÖNGÖ 5:20

Um rēhĕn sūöchkö mat re tö fālen holre.

LA-EN LĒVĪ 19:16

Uh man havöt inrē sā sumlô nyā-aṅ i vē tarik meh: um rēhĕn sökhak lā-al i mahām öp hol meh: Chū-ö Chin Mā Tēv.

INMEUKHÖMAT 12:10

Ngaich hang ök tö pōitô chu-ö, el halīöngö, tö ngö ṙô, Möl an nö hameuktu ngam inyööken, minhôiṅyö, ngam pūlngö ngam Tēv hī inrē; ngam chöngö ngam Kristū Ò inrē. Pò ngam vamë-eny yip hol hī nö suktuvö, ngam vamënyen cha nö i kūö ngam Tēv sakāmö hatööm inrē.

RŌMA 3:8

Ngaich kūöyòh rö-ö (sānup tö eūka sinūöichkö ih, sā ṙô yip rēvre ṙung nö eūken ih nö ngöṙô), töi chōichö la-en, hòn yih ngam tölöök? Yip tölöökö öt inkôlò.

INCHŌḴ-OṘÔ 19:9

Öt kiröönngöre ön min ngòh samūöchkö holre nö öt sācha, anga-aṅ inrē ngòh tö minyôny-aṅ palā-aiṙen min.

1 PĪTÖR 3:16

Inu tö lanöökö el kuilōn cha nö sumrōngikūö, yip töt lamëkôre tö ngam tölöök inlahen yīö in KrisTū, öi pòrô töt lēkaṙen elnang.

2 TIMÒTĪ 3:3

Öt aṅhaṅv-in tö nehngenre hanāngenlōn, öt hanlāmten, vamë-eng nang, töt kô nö hayöngöre, tötainy, öttöhāngen tö tölöök.

EFISÖS 4:25

Lökten ṙāngö minyôinyaṅ, kö kô-òṙô in höö, tön töhēngö alaha in ayī-ö.

INCHŌḴ-OṘÔ 24:28

Um öt chööḵnyu vë-eny matre lā-al ngam holre, um hachīl inrē i minuh re.

INCHŌḴ-OṘÔ 21:28

Ngòh samūöchkö holre ötkôlò min, öp ṙô ngòh hamang pöri tarik köp min.

INCHŌḴ-OṘÔ 10:18

Tö minyôny-aṅ minuh an ngam mahanyatngö sunrīkhö, tökulō-ov inrē ngam tö ṙô tö sinūöcha.

INCHŌḴ-OṘÔ 6:19

Ngòh samūichkö holre mu-uhômnyö minyôny-aṅ, tarik inrē tameūichtö inrēvö nö i holre.

Salmai 15:3

Ngòh töt löknyö rōi litākre ṙô nö vë-eng nang, öt rēhĕn nö chōichö tī nö i holre: öt rēhĕn nö sumrōngngö kūö holre.

LA-EN LĒVĪ 19:11

Uh yin ulāyö; uh rēhĕn öi michūḵṙen, ui minyôiny in höö.

T. LŪKÖS 19:8

Söklöre ngaich Sakkīös, ngaich ngö ṙô tö ngam Mā. Yĕh meuk, Mā; ròngti tī chin kē-ĕkūö yāich tö kanôlòre; ngaich yē chu chōchen i tarik, havantu angū-ö nö fënö ṙënngen.

T. LŪKÖS 3:14

Sitih inlaha öi pökeh ihö? Ngö ṙô yik kumyung tö ò; ngaich ngö ṙô anga-aṅ tö cha, Ui chökhuṙen tö tarik; ui rēhĕn kahë-ev öi ötlöknyu chööḵnyi, höng ngāichölōn tö nup töng raneushöre.

T. MËTIV 19:18

Ngaich ngö ṙô anga-aṅ, Nup yòh? Ngaich ngö ṙô Yēsū, Um fël tarik; um asĕhha; um ulāiyö; um sūöicha;

YERIMIĀ 20:10

Pòich pōyen ahang tö töhīṙeūtka ṙô. Pinhë-eṅkūö keuheūtngöre lā-al! Vënyen ò nö töfāluṙen! Tā-a töi vënyen ò nö töfāluṙen! yip töha-eh nö hol chu, nö ngëichngö fanukngö chu. Lohten öp min nö hachīlö, ngaich möl ayī-ö kô mihôiṅ tö ò, havahalre inrē in ò.

INCHŌḴ-OṘÔ 25:23

Kumtö kumṙah an ngam kuföt lā kapā anë inrē öp litāk vamë-eng nang, tānyö mineūkö.

INCHŌḴ-OṘÔ 25:18

Ngòh tarik ngòh samūöichkö holre sā laneh aṅtī kumyung, hēk sanët, hēk chòk tökeut.

INCHŌḴ-OṘÔ 19:28

Mahayëḵngen kinṙôka töt michūṙen ngam töt kanôluṙô vamë-eny matre, ngam elvāng tötlöök inrē, mīktö öt lanöökö.

INCHŌḴ-OṘÔ 17:4

Hangihtöre ön ngòh tötlöökö la-en nö i minuh tötlöök; ngòh töminyôny aṅ inrē hangihtöre nö i litāk vamī tötlēn.

INCHŌḴ-OṘÔ 12:17

Ngòh tö kô-òṙô ameūkö tökô-en, ṙô töminyôny pöri ngam samūöcha.

Salmai 120:3

Asuh ap min tö kētu nö in Meh, asuhtöre öp töhēktöre nö in meh: Ō me-eṅ litāk tömichīl.

Salmai 27:12

Uh chin kētu i lōn vē lā-alre: tön chōholre yip samūöcha nö lā-al chu yip mu-uhômnyö ötlinëken.

2 SAMUĔL 19:27

Ngaich anga-aṅ nö sūöichken ngòh tarik meh, nö im mā ngam rācha chu; tösā ma-ahānga ngam Tēv pöri ngam mā chu ngam rācha: lökten kētöre man ngaich ip tölöök elmat meh.

2 SAMUĔL 16:3

Ngö ṙô inrē ök rācha, Isuh ap kikōnyö kūön ap yöngṙen meh? Ngö ṙô ngaich Sīpā tök rācha, Yĕh meuk, höng ngöh ap nö i Yērusalem: pò ò nö ngö ṙô, Havantu an min ngam pūlngö ök yöng chu nö in chu töngamuh tö yip aṅ patī Israĕl.

MANEUTNYI 23:7

Ṙūöhöngre më-eṅ marôvat tö minyôinyaṅ; um fëlngö töt akahaṙa tölöök inrē: tön rö-ö chin min haritlörit tötlöök.

T. YÔHAN 7:51

Kahòkken tarik öng ngih chöngö hī yĕn öl nö hang, akahalōn inrē töp inlahen ò?

Ranehlö 39:17

Ngaich vë-ekūö ò angā-aṅ nö sā në ṙô, nö ngöṙô, Kuhēthötre öp taheui nö in chu nö hòṅ hayëḵngen chu, öp kahëtö meh in hī Hiprū, mahalanṙen:

INCHŌḴ-OṘÔ 14:5

Öt minyôny-aṅ ön ngòh tökô-en ameū-aṅ, uhômnyö minyôiny-aṅ pöri ngòh samūöcha.