MANEUTNYI 22:2 - TÖHET LĪPÖRE (Re-edited) Bible (BSI)

² Yē ngam mū-ulāyö nö kôti nö tirōlnyö lökhötre, kapah ngaich anga-aṅ tökūö inchököre, öt töfāluṙen ngaich ngam tö kapaha tī tö ò.

MANEUTNYI 22:2 Referans Kwoze

T. MËTIV 24:43

Akahalōn pöri yī-ö tö ngih, yē ngam töpatī-ivö nö akahlōn tö ṙētak yanihih öp mu-ulāiyö; ngaich höngöre anga-aṅ, ngaich öt halöngngen öp patīre nö tiṙōli,

KINṘEŪKÖ 35:27

Ngaich ngam mahavāhalvah mahām tö kôtökūö tö ò nö lā uk tö kūöngö ngam elpanam chūök innyatlö ò, ngaich ngam mahavāhalvah mahām nö fëlngö ngam famëlngö tarik; ngaich rö-ö anga-aṅ min nö chōichö fālen i kinpāhangvah ò:

1 TÖSALÒNIKĒ 5:2

Pò yīö yī-ö akahalōn takô tö ngam sakāmö ngam Mā nö sā yanīhih ngòh mū-ulāya tö hatööm.

YŌ-ĔL 2:9

Kumööilöre cha-a nö i kui ngam elpanam; fal cha-a nö I kui ngam ihong kinlōngö; yòhlö cha-a nö el nup patī; lökhöt inkūp kuföt cha-a nö kuhēthötre sā öp mu-ulāya.

HŌSĪ 7:1

Hē chu min lööken tī tö Israel, ngaich kôti min öp tökööl Ifrĕm, öp öt lanöökö Samariā inrē; pò cha nö kēken minyôiny-aṅ: kuhēthötre inrē öp mu-ulāiya, ngaich lā-uk yip tötūmu nö kilöön chehen.

NGAM LĪPÖRE YŌP 30:5

Ahōri cha-a nö ṙā-ang i tarik; hūḵ-ngörit cha achā-a nö sā mu-ulāya.

NGAM LĪPÖRE YŌP 24:14

El sinngūlö famël tarik nö choholre, pòn hòṅ fëlngö yāich tötkôlò inrē; sā mū-ulāya anga-aṅ inrē tö el hatööm.

1 PĪTÖR 4:15

Un hĕng tak tö yīö tö sā kanihngen famël tarik, hēk, mū-ulāiya, hēk, tötlöökö la-en, hēk sā yip töng kamëtöre nö i la-en tahëng taka:

NGAM LĪPÖRE YŌP 24:16

El sinngūlö cha-a nö ul nö tufunngö patī; öpngökūö re cha-a tö sakāmö; öt akahakūö cha-a tö hanātö.

YERIMIĀ 2:34

I mat kinhôi meh inrē nö kôti ngam mahām nômö tötfāluṙen yāich; öt kôtökūö me-eṅ tö cha nö tilunghötre. Pòrô pöri anū-ö në nö ngatī