MANEUTNYI 22:1 - TÖHET LĪPÖRE (Re-edited) Bible (BSI)

¹ Yĕn hĕng nòng ulāingö öp tarik tö kōiny nuā, hēk sīṅp, ngaich ṙatnyö likeun ò, hēk inyihngen ò inrē; ngaich taneui nòng tī anga-aṅ tö kōiny nuā nö ṙënngen töhĕng nòng kōiny nuā, ane inrē fën nòng sīṅp nö rënngen töhĕng nòng sīṅp.

MANEUTNYI 22:1 Referans Kwoze

T. LŪKÖS 19:8

Söklöre ngaich Sakkīös, ngaich ngö ṙô tö ngam Mā. Yĕh meuk, Mā; ròngti tī chin kē-ĕkūö yāich tö kanôlòre; ngaich yē chu chōchen i tarik, havantu angū-ö nö fënö ṙënngen.

2 SAMUĔL 12:6

Ngaich hòṅ fën nòng tī anga-aṅ min nö havantö nup kūön sīṅp, pò ò nö ngatī inlahen pò ò inrē nö öt aṙē-ĕlōn.

INCHŌḴ-OṘÔ 6:31

Ngaich yē ò nö kôti, sātö ṙënngen tī min anga-aṅ; keuheūttö nup chehen re min anga-aṅ el patī re.

KINṘEŪKÖ 5:7

Ngaich cha-a min nö halööknyôre tö tököölre nup lahūölken cha: ngaich anga-aṅ min nö asööḵtīre nö haṙënngen ngam fālenre hĕnghata inrē i tö taneui nö ṙūötö ṙôken e, ngaich kēten e nö in ò öp chūök ò nö fāluṙen.

INCHŌḴ-OṘÔ 14:4

I chūök tö rö-övö kōiny nuā, rö-övö sāiny; yih pöri nö pōyen ṙòng sāiny lökten i kumlēḵ kōiny nuā.

MANEUTNYI 21:36

Hēk yē ò nö tö-akahaiṙen tö ngam kōiny nuā nö sirōl nö lā urĕh, ngaich öp töchehevṙen nö öt öpngökūö ò; ngaich tī-iv min anga-aṅ tö kōiny nuā nö ṙënngen ngam kōiny nuā; ngaich chehen ò min ngam tökapah.

ISIKĪ-ĔL 33:15

Yē ngam tötlöök nö havantö ngam tökilē-ĕyö, kētö öp kahëḵ ò nö hēk nö i unlāya, ngaich lök im tökūichö chöngö inlahen, öt kēken ötlanöökö; aṅ min anga-aṅ, hö-ö min anga-aṅ nö kapah.

YERIMIĀ 2:34

I mat kinhôi meh inrē nö kôti ngam mahām nômö tötfāluṙen yāich; öt kôtökūö me-eṅ tö cha nö tilunghötre. Pòrô pöri anū-ö në nö ngatī