MANEUTNYI 21:2 - TÖHET LĪPÖRE (Re-edited) Bible (BSI)

² Yē meh havah tarikre tö Hīprū, tafūöl samyeūheu anga-aṅ min nö kūön alaha meh; ngaich im sinātö angā-aṅ min nö kiröönngöre nö ṙā-ayö nöng ötṙāyu.

MANEUTNYI 21:2 Referans Kwoze

I. CHÖNGÖ 15:18

Öt kihngen man min tö e, yē meh hökngen ò nö kiröönngöre nö öt ṙāyu nö ṙā-ang in meh; pò ò nö ngaich nö tafūöl samyeūheu nö lök la-en meh nö nët höl tī tö raneushö ngòh tö haṙāyö kamūönkūö: ngaich hakôlò meh min ngam Tēv ngam Mā Tēv meh i nup la-en meh.

MANEUTNYI 12:44

Keuheūtlöre pöri yip tarik kūön alaha töhavāha nö ṙāi tö rupīö, yē meh ngaich tunyinyngen ò ngaich möl angā-aṅ nö nyā-aṅ e.

NAHIMIĀ 5:8

Ngaich ngö ṙô tö cha, Ngaich in ayī-ö, ip tölngö kanô-òṅ hī, öi hēk havah yip Yahūti hol re yip tö inyīhiyö nö in vē pumnāmö tarik; ngaich pöri yī-ö inyihngö holre pòn hōtu cha-a nö inyihtu nö in hī? Öt ṙô-òvö cha-a ngaich, ötkô nö hĕng milôhò ṙô.

I. CHÖNGÖ 31:10

Ngaich Môsös nö tölṙô cha, nö ngö ṙô, i kinheūtö tösat samyeūheu, ip hē ngam samyeūheu ṙinānyö, ip tökiröng sakāmö inrūkui,

I. CHÖNGÖ 15:1

I kinheūṅten tösat samyeūheu ṙā-anyi më-eṅ.

MANEUTNYI 22:3

Yē ngam tavūöi nö meutlö nö i kui ò, fāluṙen ngaich ngam tö kapahatī tö ò: haṙënhangen ngaich anga-aṅ; ngaich yĕn öt huneū-euvṙen anga-aṅ tö tīre inyīhiyö min anga-aṅ tökūö ngam unlāyö töre.

1 KÒRIN 6:20

Rö-ö yin yī-ö rehre töre: pò yīö ṙāyu havaha; lökten eū ngam Tēv im alahare.

T. MËTIV 18:25

Ngaich pò ò nö öt huveū-en nö kē-ĕti, ngaich öp mā ò nö hōten ò nö inyihiyö, holtö pīhöre, kūönre, nup taṙòkhöre chehen ò inrē; ngaich kētu nö höteh.

2 RĀCHA 4:1

Ngaich hĕng tak ök kikānö aṅ in yik pīhö yik kikōnyö kūön yik pròfĕt pameuinyhökūö Ēlaisa, nö ngö ṙô, Kapah ök tarik meh ök pīhö chu: ngaich më-eṅ tö-akahalōn tö ngòh tarik meh nö töpa-ekūö tö ngam Mā Tēv: ngaich öp töhötṙehevö nö in chu nö yih nö kēḵ nap tönët tak kūön chu nö töhakövö.

Ranehlö 27:36

Ngaich ngöṙô angā-aṅ, Röh öp kan nö huveū-eu minë-eny nö Yāköp? Tön ngaich yih angā-aṅ nö nët heuh nö hachūk̠ngen chu ː ngaich yih angā-aṅ nö kēngö ök minā-aṅ chu; yĕh ngëcha, ngaich angā-aṅ töngamuh nö kēngö ök inkôlò chu. Ngaich ngöṙô angā-aṅ, Öt ma-iṅku ömeh tö inkôlò chu?

Ranehlö 27:28

Kē-ĕkūö meh An ngam Tēv tö tacham ngam halīöngö, ane inrē kanôlò aṅ ngam tumlat, Pōyen inrē sāiny, vain inrē.

MANEUTNYI 21:3

Yĕn höng kahngenre anga-aṅ nö yih, ngaich kahngenre anga-aṅ nö kiröönngöre: yĕn töpīhövö anga-aṅ, ngaich kumröön ò öp pīhö ò nö kiröönngöre.

MANEUTNYI 21:7

Yĕn hĕng tak öp tarik mi-inyihngö kūönre tö kikānö nö kūön alaha, hö-ö min anga-aṅ nö kiröönngöre nö sā ngam kūön alaha kikōnyö.

LA-EN LĒVĪ 25:54

Yĕn ngatī anga-aṅ nö ṙāyu invānö, ngaich talöhlöng min anga-aṅ ip samyeūheu ṙināḵnyö, anga-aṅ, tö yip kūön ò inrē in ò.