MANEUTNYI 20:7 - TÖHET LĪPÖRE (Re-edited) Bible (BSI)

⁷ Uh man höng töl kēḵ minë-nyö ngam Mā Tēv, Tēv meh; tön rö-ö an nö töt fāluṙen min nö i ngam Mā Tēv ngam töng töl nö kēḵ minënyö Ò.

MANEUTNYI 20:7 Referans Kwoze

I. CHÖNGÖ 5:11

Uh man höng töl kē minë-eny ngam Mā Tēv ngam Tēv meh: tön rö-ö an min nö töt fāluṙen tö tī ngam Mā Tēv ngam tötöl nö kē minënyö ò.

LA-EN LĒVĪ 19:12

Ui chūöku ṙô inrē i minë-eny Chu öi minyôiny, öp lökten meh hachōichngö minë-eny ngam Tēv meh: Chū-ö Chin Mā Tēv.

YĀKÖP 5:12

Kahōlö, möthë tö taṙòkhöre, un chūökkūṙô, un rēhĕn nö im halīöngö, un rēhĕn nö im panam, un rēhĕn nö i töng chūökṙô: hökngen ap tö hôṅ pöri in yīö nöng tö hôṅ, öp tö hö-ö inrē in yīö nöng tö hö-ö; hòṅ yīö öt fuk elkatòh ngam kinṙôka.

YERIMIĀ 4:2

Yē meh inrē chūökuṙô, sā ngam Mā Tēv nö tö-aṅ, im kanô-en, im öt michūṙen kinṙôka im töchiplen inrē, ngaich yip pumnāmö tarik min nö hakôlòre nö in ò, in ò cha-a min inrē nö eū-eure.

YÔSUĀ 9:20

Ngih ön inlahen tī hī min tö cha, hökngen cha hòṅ hī öt aṅhav kui tö lanīnö, tökūö ngam tö chūöku kinlēḵngô hī in cha.

YÔSUĀ 2:17

Ngaich ngö ṙô nak tarik tök kikānö, Öt fāluṙen in min īhö i ngih töchūöku kinlēḵngô meh hinôtö ih kilēḵngôre tö meh.

YÔSUĀ 2:12

Lökten, vë-ekūö yīö chin, im Mā Tēv ṙô yin kilēḵngôre in chu, sā chu chū-ö ngaich aheūkölōn tö yīö hòṅ yīö yī-ö inrē aheūkölōn tö patī öp yöng chu kikōnyö, kē-ĕkūö chu inrē tö tökô-en minkahngö;

INCHŌḴ-OṘÔ 30:9

Hòṅ chu öt tööḵngen, ngaich mahngen meh öich ngö ṙô, Achīö ang ngam Mā Tēv? Hēk hòṅ chu öich öt kôlò, ngaich ulāya, hachōichngö minë-eny ngam Tēv re inrē.

I. CHÖNGÖ 10:20

Pa-ekūö man tö ngam Tēv ngam Mā Tēv meh; anga-aṅ lahök la-en meh; in ò më-eṅ inrē haköpngöre, i minë-eny ò inrē öm chūöku ṙô.

2 KÒRIN 1:23

Havëkö ngam Tēv pöri chu-ö, nö vame-eny ngih nômö chu, tö e nö ṙinālö yīö, öich lakngöre yih i Kòrin.

1 RĀCHA 2:9

Lökten uh ap nö töt fāluṙen tö tī meh, tön tö-akaha man öm tarik; akahalōn man min töp tī re in ò, kētö nup pakūkui ò man el anūlö nö holtö mahām.

I. CHÖNGÖ 6:13

Pa-ekūö man tö ngam Mā Tēv ngam Tēv meh; höng anga-aṅ inrē lahök la-en meh, i minë-eny ò më-eṅ inrē chūöku ṙô.

2 RĀCHA 5:20

Ngaich pöri Kīhāsī, ök tarik Ēlaisa ök tarik ngam Tēv nö ngö ṙô, Yĕh meuk, aṙēlen Nāman ap yöng chu, öp aṅ Sīriā nö öt kētī ò tö nup kum ò: sā ngam Mā Tēv nö tö-aṅ, hòṅ fallörit ò chin: ngaich rahëchyen kahë in ò.

Salmai 139:20

Pò cha nö öt löökö ṙô tö Meh: ngaich kē mine-eny Meh yip lā-al Meh nöng töl.

YERIMIĀ 34:16

ngaich pöri yī-ö hēk havīngöre öi hachōichngö minë-eny chu hē yīö hēk kö kēḵ kikōnyö kikānö inrē nö töhakövö tö yīö,yik töṙānyu sin tö yīö nö sā lōn cha, ngaich kēhötnen cha yī-ö nö elkatòh chöngö yīö nö töhakövö tö yīö.

ISIKĪ-ĔL 39:7

Ngaich el ṙôngö yip tarik Israel min chū-ö mikahtölōn tö ngam töhet minënyö chu; ngaich chū-ö min öthalöngten ngam töhet minënyö chu hachōchi nö hēk; ngaich vē pumnāmö tarik min nö akahalōn tö chu öich Mā Tēv, Töhĕng Töhet in Israel.

Ranehlö 27:20

Ngaich ngöṙô Isāk tök kikōnyö kūönre, kakūönö, sitih öm yaha kineūṅyen kanôtökūö tö ò? Ngaich ngöṙô anga-aṅ, Pò ngam Mā Tēv meh nö tīntö hinòlṙen chu.

MALAKI 3:5

Ngaich yih chū-ö min haröhtöre in yīö im inkaha fālen; ngaich chū-ö min sā öp töveūten mameuk lā-al yip vamīngen, lā-al yip ma-asĕha, lā-al yip töminyôiny-aṅ nö chūökṙô; lā-al cha inrē yip mahakihten töhaṙāyö alaha nö I nup raneushö cha, tafīösi, kūönyōich, cha-a inrē yip mahavööngö kūö aṅ tahëng nö ṙā-ang im töchip, tö pa-ekūö inrē tö chu, ṙô ngam Mā Tēv yip tömaṙôngö.