MANEUTNYI 20:5 - TÖHET LĪPÖRE (Re-edited) Bible (BSI)

⁵ Um sōntö kūöre in u, uh rēhĕn lök la-en u; tön Mā Tēv Chin Chū-ö Tēv meh öich Tēv tölamīn, chöhkö tötṙong chin tī yip yöng, i kui yip nyīö, i kui yip linūöyö ane inrē finënö tumkölchap cha yip tösumrīk tö chu;

MANEUTNYI 20:5 Referans Kwoze

KINṘEŪKÖ 14:18

Tötveūtö lanīnö an ngam Mā Tēv, töpōyen in inrē tö miṙēlōn, aṙē-ĕl tökööl tanôichngen inrē, ane pöri inrē öt ṙā-al tököölöfālen: chöhkö tökööl yip yöng nö i yip kūön cha, ip linūöyö ane inrē ip finënö tumkölchap cha.

I. CHÖNGÖ 5:9

Uh më-eṅ sōntöre in u, uh rēhĕn lök la-en u; tön Mā Tēv meh chin öich Tēv meh tökalē-ĕlōn, öich Tēv, chöhkö tökööl yik muvöhngö chin in yip kalvī cha, ip linūöi chap finën chap cha inrē yip tösumrīktö chu;

I. CHÖNGÖ 4:24

Pò ngam Mā Tēv ngam Tēv yīö nö tameūiyö töṙāpngökūö, Tēv tökalē-ĕlōn.

MANEUTNYI 34:14

Tön rö-ö man min salām tahëng tēv: pò ngam Mā Tēv, ngam tö kunyahaṅlōn minënyi, nö tö kunyahaṅlōn nö Tēv:

YÔSUĀ 24:19

Ngaich Yôsuā nö ngö ṙô tö yik tarik, Ötkô yin lök la-en ngam Mā Tēv; pò ò nö töhet nö Tēv; öt töhanrānyngen an nö Tēv; ötaṙē-ĕl tanôichngen yīö an min öt rēhĕn tö nup tökööl yīö.

Salmai 109:14

Hökngen tökööl yik muvöhngö ò nö haköpka nö im Mā Tēv: hökngen nuk tökööl ök yöng ò kikānö nö un sīchiyö.

YÔSUĀ 23:7

Hòṅ yīö öt yihtöre in vē pumnamö tarik, cha-a vē tö ōtren nö kakka minë-eny, un rēhĕn chūökṙôten tö u, un rēhĕn lök la-en u, un rēhĕn sōnngöre in u:

I. CHÖNGÖ 6:15

Pò ngam Mā Tēv ngam Tēv meh, ellōn meh nö tökalē-ĕ kumnyahlōn nö Tēv; hòṅ ngam lanīnö ngam Mā Tēv ngam Tēv meh, nö öt öktikūö nö in meh, ngaich halëlngen meh anga-aṅ ṙā-ang i kūö ngih tumlat.

NAHOM 1:2

Tölīn an ngam Mā Tēv, ngam Tēv, mahavahal an inrē; mahavahal an ngam Mā Tēv tööḵngen tö lanīnö inrē; kēḵ invahlö an ngam Mā Tēv nö in yip lā-al ò, höngken lanīnö an nö in yip tökunyaha elmat tö ò.

YERIMIĀ 32:18

Öm mahameuktö tököp hanāngenlōn re i tö köṅnyu, mahavahal tökööl yik yöng pöri in yip kūön cha unôichrit cha, Ō tökiröng Tēv inrē tömihôiṅ töminënyu tö ngam Mā Tēv yip tömaṙôngö,

KINṘEŪKÖ 14:33

Ngaich yip kūön yīö min nö fën anāi samyeūheu nöng mahavöt el ngih inchōn, keun nup öt ṙinātö ellōn yīö inrē, hanöng saha nup kupah alaha yīö nö keuheūt nö el inchōn.

Salmai 79:8

Uh Man köpölōn lā in ih, tö nuk tökööl yik muvöhngö ih: hökngen ngam miṙēlōn Meh nö urēhĕkūö ih, tön ngaich in tumṙeūtu.

MANEUTNYI 23:24

Uh man sōntöre i nup tēv cha, um rēhĕn lök la-en u, um rēhĕn tömken nup la-en u; keuheūtngö u pöri më-eṅ tiṙōlngö u, likölngö nup machööḵlö nö pinyënyö.

YĀKÖP 4:4

Yī-ö ma-asĕhha, öt akahalōn öyih; tö ngam innôlö aṅ ing panam nö lā-al kūö ngam Tēv? Lökten ngòh töng mahanôl ngih panam vi-ire anga-aṅ nö lā-alkūö ngam Tēv.

RŌMA 8:7

Pò ngam kuilōn ngam alaha nö kumnyahṙen im Tēv; pò e nö öt elkatòh ngam chöngö ngam Tēv, kôḵngen angū-ö nö öt rēhĕn nö kô:

RŌMA 1:30

Mihiṙeūtkôre, vame-engnang, sumrīkngö ngam Tēv, tömiyëḵ, tö-angë tachōich, ameū-euṅre, maharunten taṙòkhöre tötlöök, ma-ahôngen yöngre,

YERIMIĀ 2:9

Lökten chin ṙòngmö lā-alkūö meh, ṙô ngam Mā Tēv, lā-al-kūö yip kūön yip kūön meh inrē.

Isayā 44:19

Öt hĕng tak inrē famë-elre, ötrēhĕn öp inkaha öt rēhĕn mikah elmat, öp tö ngö ṙô, Föngngö ök alaha ò chin nö i kūö tameūyö; hôṅ, ahòk rôti chin i kūö nuk ta-ök ò: kural alaha chin inrē ngaich kā-a e: ngaich hòng chū-ö min vī ap hol e nö sin-òkkūö? Ngaich hòng chū-ö min afukngöre im töhĕng mirökö chōn?

Isayā 44:15

Ngaich anga-aṅ min nö inmeui tameūyö ngam tarik; kē alaha ò anga-aṅ, ngaich hameūyöre; hôṅ, tōttökūö e anga-aṅ, ngaich vī rôtī: hôṅ, vī tēv anga-aṅ, ngaich vë-ekūö ò; vī insātēv anga-aṅ ngaich afukngöre nö i kūö ò.

Salmai 81:15

Yip tö sumrik tö ngam Mā Tēv, hòṅ hang chöngö Ò: öt chanuhavṙen pöri ngam ṙētak cha.

NGAM LĪPÖRE YŌP 5:4

Marôvat yip kikōnyö kūön ò tö öt pinlāngen, karāpköti yip nö i kūö inkūp, Öt hĕng tak umuh ṙamānyen cha.

2 RĀCHA 23:26

Hö-ö pöri ngam Mā Tēv nö havööngökūöre tö ngam tökalēḵ tökiröng lanīnö ò, ngam töhūlö kūö lanīnö ò nö lā-alkūö Yūtā, kūö nuk inrunnyö lanīnö ò nö ṙòkhöre tö Manasē nö harunnyö lanīnö ò tö u.

2 RĀCHA 17:35

Yik chūök ngam Mā Tēv nö vī kinlēḵngô, ngaich kētö chöngö nö in cha, nö ngö ṙô, Uh yin pa-ekūö tö tahëng tēv, ui rēhĕn sōntökūöre i kūö u, ui rēhĕn lök la-en u, ui rēhĕn kētö tökētu in u:

1 RĀCHA 21:29

Meūkö Ahap ömeh nö hayāichngöre nö i kūö chu? Pò ò nö hayāichngöre nö i kūö chu, hö-ö chin min kētö ngih tötlöök i në sakāmö ò: kētö ngih tötlöök pöri min chū-ö i kui öp patī ò i hē sakāmö ap kūön ò kikōnyö.

2 SAMUĔL 21:6

Hökngen yip tösat tak yēḵ kūön ò kikōnyö nö kētu nö in ih, hòṅ ih kiseutngen cha im Mā Tēv, i Kipiā ap amin Sôl, ök katöllö ngam Mā Tēv. Ngaich ök rācha nö ngö ṙô, Kēten cha chin min ngaich.

2 SAMUĔL 21:1

Inyāichö ök umuh i nuk sakāmö Tāvit lūöi samyeūheu, nö tömrit höö nuk samyeūheu; ngaich ang Tāvit nö chöh kūö ngam Mā Tēv. Ngaich ngö ṙô ngam Mā Tēv, Pòkūö Sôl an, kūö ngam patī ò inrē chūök mahām, kūö ò nö kumpahangvah yip aṅ Kipiā.

I. CHÖNGÖ 32:21

Vīten chu yin kunyahalōn in ò öp tö rö-ö tēv; Harunnyö lanīnö chu yin tö nup tötöl in cha: Vīten cha chin min nö kunyahalōn nö in cha yip törö-ö nö tarik, Harunnyö lanīnö cha chin min in yip pumnāmö tarik töt akaha.

I. CHÖNGÖ 7:10

Havahal inrē nö i kūö cha yip tö sumrīk tö ò, nö halëlngen cha: öt hāṅten an min nö in ò ngam tö sumrīk tö ò, i kūö ò tī an min nö kētö invahal.

LA-EN LĒVĪ 26:29

Ngaich yī-ö min kāḵ alaha yip kūönre kikōnyö, kāḵ alaha yip kūönre kikānö inrē.

LA-EN LĒVĪ 26:1

Uh yin vī insātēvre, ui asöklö insātēv, hēk nup tö fën mirëṙö kaha machööḵlö, ui rēhĕn min ṙāḵtö ihong insā im panam yīö, nö pò yīö hòṅ sōntökūöre in ò: tön Chū-ö Chin Tēv meh, Öich Mā Tēv.

LA-EN LĒVĪ 20:5

Ngaich Chū-ö min laḵlö öp tarik, anga-aṅ, lāḵlö yip aṅ patī ò inrē, ṙòkhöre inrē yip tö sā ò nö ngatī la-en, nö asĕhken Mōlek, ngaich rökngen ò min, nö ṙā-ang i yip tarik cha.

1 KÒRIN 10:22

Harunnyö kumnyahlōn ngam Mā ṙöng öi? Mötlö kumlēk öi ayī-ö tö Ò Anga-aṅ?

T. YÔHAN 15:18

Yē ngih panam nö surīkhen yīö, akahalōn tö e nö surīkhen Chu, urēhĕkūö e nö surīkhen yīö.

T. YÔHAN 7:7

Öt kô ön ngih panam nö surīkhen yīö; surīkhen Chu pöri angū-ö; pò Chu hameukhömat e tö nup la-en e nö tötlöök.

T. MËTIV 4:9

Ngaich ngö ṙô anga-aṅ tö Ò, “Keuheūttöre tī chin min tö në, öich kē-ĕkūö Meh, yē Mēh afukngöre, Öm salāmö, chu.”

TANĪ-ĔL 1:2

Ngaich ngam Mā nö kēten Yēhōyakim rācha aṅ Yūtā nö eltī ò, nö holtö nuk chehen ngam patī ngam Tēv; ngaich kētö u anga-aṅ nö ip panam Sainār, nö i patī ök tēv ò, chaphöt nuk chehen ngaich nö el chūök chehen ök tēv ò.

ISIKĪ-ĔL 8:3

Silôtö ök tösā kël anga-aṅ, ngaich kē keūyö elchalòng kui chu; ngaich ngam Töhet Fanöinylö nö chitlen chu ihôi ngam tumlat töm halīöngö, ngaich kēten chu öich meuk ngam Tēv i Yērusalem, i lökhöt kūö ök inkūp ök lātuhēt el milūkö tökū-ötö lā kapā, ik anūichö ök insātēv lanīnö, ök maharunyö lanīnö.

INCHŌḴ-OṘÔ 8:36

Anga-aṅ pöri öp chamööḵngen chu chökhutī töre; ṙòkhöre yip tösumrīk tö chu tö hāngenlōn tö kinpaha.

Salmai 78:58

Pò cha nö harunnyö lanīnö Ò tö nuk chūökö lamatulöng: ngaich vīten Ò nö līn nö in cha kūö nuk insā tēv.

NGAM LĪPÖRE YŌP 21:19

Ngö ṙô më-eṅ, Hachūökngö öt lanöökö cha ngam Tēv in yip kūön cha. Hökngen ò nö havāhalre nö in cha, hòṅ cha nö akahalōn tö e.

2 KINṘÖTNGÖ 25:14

Unôich tö yanihih Amasiyā nö fëlngö yik aṅ Ētöm, ngaich anga-aṅ nö kumtö nuk tēv yik tarik aṅ Sēir, ngaich asöklö u nö tēvre, salāmö u ngaich, kētö tökētu nö in u.

2 RĀCHA 17:41

Ngaich yin vē pumnāmö tarik nö pa-ekūö tö ngam Mā Tēv, lök la-en insātēv re inrē; ngatī yik kūön cha, tö yik kūön yik kūön cha inrē, sā yik muvöhngö cha, ngatī la-en cha-a söl ing töngamuh.

KAMHÔKA 2:19

Ngaich angū-ö nö ngö inlahen, hē öp ma-akah fālen nö kapah, ngaich cha-a nö havanrītre, ngaich mötlö chanôichen tö yik muvöhngö cha, i tinömrit tahëng tēv nö lök la-en u, sōntöre nö in u; öt ṙākenre cha-a nö i nuk la-en cha, ötrēhĕn nö ṙākenre nö im töngëḵ inhôngen.

YÔSUĀ 23:16

Yē yīö falālötī tö ngam chöngö ngam Tēv yīö ngam Mā Tēv, ngam tinöölô yīö tö ò, lök la-en tahëng tēv inrē, sōnngöre inrē in u; ngaich min ngam lanīnö ngam Mā Tēv nö tōttörekūö nö in yīö, ka-euingen yī-ö min ngaich lëlngö ṙā-ang i kūö ngam tölöök panam ngam kahëtö ò nö in yīö.

I. CHÖNGÖ 32:41

Yē chu hakeut ngam sanëtre tö-amëla elmat, Ngaich ngam kël chu nö kiṙap- ngöre nö im inkaha fālen; Kētö invahal chin min in yip lā-alre haṙënhangen chin min in yip tösumrīk tö chu.

T. YÔHAN 9:2

Ngaich yik haköptö Ò nö hatönan, nö ngö ṙô, Rappī; achīö öp tököölö fālen, ngòh tarik? Nap yöng ò ṙöng? Töp lökten ò nö ötmeuk, nö fötnyu?

I. CHÖNGÖ 5:10

Hameuk tö miṙēlōn i tököṅnyu, in cha yip töhāngen tö chu tököptī inrē tö në chöngö chu.

1 RĀCHA 19:10

Ngaich ngö ṙô anga-aṅ, Kalē-ĕlōn chin im Mā Tēv, ngam Tēv yip tömaṙôngö; pò yip kūön Israĕl nö ṙāngö ngam kinlēḵngô, tiṙölngö nuk tahāklö meh, fëlngö yik pròfĕt meh nö aṅtī tö fël: ngaich chin, höng chū-ö tītö tö-ōtre; ngaich cha-a nö chöh ngih nômö chu nö hòṅ kēngö e.

ISIKĪ-ĔL 18:19

Sön yī-ö ngö ṙô, Kūöyòh ang ngam kikōnyö kūön nö öt kihngen tökūö tökööl ngam yöng re kikōnyö? Yē ngam kikōnyö kūön nö teūngen tö töhuveū tö chip inrē, ngaich ṙēmen inrē nö haköp kö në tökūichö chöngö chu, kô-en min anga-aṅ nö aṅ.

ISIKĪ-ĔL 20:7

Ngaich ngö ṙô chu-ö tö cha, Kavalngö nup sin-òkkūö hatīönkö minë mat yīö, ṙòkhöre yī-ö hachōichngöre inrē i nup insātev aṅ Aikup; chū-ö chin Mā Tēv, Tēv yīö.

ISIKĪ-ĔL 39:25

Lökten an ngam Mā Tēv nö ngö ṙô: Töngamuh chin havantö nup kanôlò Yāköp aṙē-ĕlōn inrē i kui nup patī Israel; ngaich chū-ö min kalē-ĕlōn tökūö ngam töhet minënyö chu.

KINṘEŪKÖ 25:11

Havööṙi kūö lanīnö Chin ṙā-ang in yip kūön Israĕl tö Finehas ök kūön Ēliasör kikōnyö, öp kūönṙô kūön Āròn kikōnyö, pò ò nö kalēḵĕlōn nö i ngam kumlēḵlōn Chu tö cha, lökten Chin öt keuheūtngöre vah tī tö yip kūön Israĕl im kumlēḵlōn Chu.

2 RĀCHA 5:18

Aṙētö ngam tarik re an ngam Mā Tēv in e angū-ö; hē ngam mā chu nö kuhēthötre nö el patī Rimòn nö salām ngaich anga-aṅ nö harônlöre nö eltī chu, ngaich sōntöre chū-ö el ngam patī Rimòn, ngaich yē chu sōntöre el patī Rimòn ngaich ngam Mā Tēv nö aṙēlö ngòh tarik re in e angū-ö.

2 RĀCHA 5:27

Lökten ap yeūnyö Nāman nö panta nö in meh min, ip kūön meh inrē nöng örheūheu. Kunyī-inyre ngaich anga-aṅ nö ṙā-ang i kūö ò nö yeūnyuvö alaha sā insōho tökënngöre tacham.

2 KINṘÖTNGÖ 7:19

Yē meh pöri kānngöre ṙāngö në hachöngten chu inrē tö në chöngö chu në ṙahātö chu i kūö meh, ngaich kiröönngöre lök la-en tahëng tēv salāmö u inrē,

ISIKĪ-ĔL 18:2

Asuāp lökten meh havannyö ngih inchō-oṙô inlahen panam Israel, nyā töhikīölhu angkūr yik yöng yīö, ngaich yip nyīö nö hikīölhu kuikanap?

TANĪ-ĔL 3:18

Yĕn rö-ö pöri, akahalōn man yĕh tö e, Ō rācha, tö ih öt hòṅ lök la-en yip tēv meh hēk inrē öt hòṅ salām ngam humlum insā ngam asöklö meh.