MANEUTNYI 20:4 - TÖHET LĪPÖRE (Re-edited) Bible (BSI)

⁴ Uh man vī tēvre tö insā, un rēhĕn nup tösā el halīöngö lā tumlat lā taṙeūḵ, un rēhĕn nup tösā el mai lā taṙeūḵ töng tumlat:

MANEUTNYI 20:4 Referans Kwoze

LA-EN LĒVĪ 26:1

Uh yin vī insātēvre, ui asöklö insātēv, hēk nup tö fën mirëṙö kaha machööḵlö, ui rēhĕn min ṙāḵtö ihong insā im panam yīö, nö pò yīö hòṅ sōntökūöre in ò: tön Chū-ö Chin Tēv meh, Öich Mā Tēv.

I. CHÖNGÖ 5:8

Uh man vī tēvre tö insā, tö insā nup latulöng el halīöngö, hēk inrē tö insā nup lataṙeū töng tumlat, hēk inrē tö insā nup aṅ el mak elkatòh ngih tumlat:

Salmai 97:7

Sirōngkūö yip yēḵ lamök la-en insā tēv: yip ameū-eure nö i nup insā tēv: salāman yin yī-ö, ṙòkhöre tēv.

LA-EN LĒVĪ 19:4

Uh yin havöötökūöre i insātēv ui vī vët nö insātēv yīö: Chū-ö Chin Tēv yīö Öich Mā Tēv.

INLAHEN 17:29

Kūön ngam Tēv in; uh in ngö lōn tö ngam Tēv nö tö sā humlum, rupīö, ihong, nup tömilichngen vinī-i tö tarik, sā lōn cha.

I. CHÖNGÖ 27:15

Tötkôlò öp tarik öp vamī insātēv hēk vamī mās insātēv, në sinòkkūö ngam Mā Tēv vahīṙen kuntī tarik, ngaich hayūni chūök nö asöklöng: ngaich ṙòkhöre ṙô yip tarik min nö ngö ṙô nö sap ṙô, Āmen.

INMEUKHÖMAT 16:2

Ngaich kiröönngöre ök raneh, ngaich ṙöhnyö aṅ ök töchīlū pingāṅlre nö i kui ngam panam; ngaich vīngöre angū-ö nö ṙënṙô nö töchökhu, nö i yik tarik yik töminkahngu tö aṅ ik töṙeūla, yik samlām ök insā ò inrē.

RŌMA 1:23

Ngaich haṙīngö kanôlò ngam töt chahū-uyö Tēv nö sā insā ngòh tarik töchahū-uyö, sā në chehechōn, sā në töfënö kalröön chehen, sā në töṙeūla chehen inrē.

Isayā 45:16

Sirōngkūö yip min, hôṅ, kalūöchöre elkui inrē, nö ṙòkhöre cha-a: holre yip min nö kiröönngöre yip vami insā tēv nöng kalūöchöre elkui.

Isayā 42:8

Chū-ö chin Mā Tēv; angū-ö an minë-eny chu: hö-ö chin min kēngö ngam kanôlòre nö i tahëng, öt rēhĕn ngam nöinyö chu nö i töka-īpö insā tēv.

ISIKĪ-ĔL 8:10

Lökten chu meuthöt ngaich meuk; ngaich umuh, i kaha öp kinlōngö nö vinngö kūichö insā, nup tökeuheūttöre mihëṅṙö lamāna chehen, tanòk elmat nö töṙeūla, ṙòkhöre nup insātēv aṅ patī Israel.

INMEUKHÖMAT 9:20

Ngaich yip tö ōtngöre tarik, yip töt kapah tö kūö në tö lëlngökūö invah, öt havööngökūöre nö ṙā-ang i nup vahīṙen minë kuntīre, nö uh nö salām më sī-ö, nup aṅ i humlum insātēv, aṅ i rupīö, aṅ i mās, aṅ i ihong, aṅ i chōn: inrē; nup töt rēhĕn nö meuk, öt hang, öt kiröönngöre inrē:

Isayā 42:17

Havānörit yip min, ngaich cha-a min nö aṙū-angen nö sirōngkūö, yip mahayönglenre nö i töka-īpö insātēv yip tö ngö ṙô tö nup töhaṙöichö insātēv, Yī-ö yin tēv ih.

2 KINṘÖTNGÖ 33:7

Ngaich ök insātēv vahī ò nö asöklöng nö el patī ngam Tēv ngam patī ṙô ngam Tēv nö in Tāvit ik kūön ò inrē Sòlòmön, nö ngö, El ngih patī, i Yērusalem inrē, ngam atöllö chu nö i nup miyöngö Israĕl nö ṙòkhöre, öich ṙātö öp minë-enyre nö örheūheu;

1 RĀCHA 12:28

Halēnöre ngaich ök rācha, ngaich vī humlum kun nuā nët nòng; ngaich ngö ṙô anga-aṅ tö cha, Yaha rô-òl kūö yin chuh Yērusalem; Ō Israĕl, Yĕh meuk minë tēv yīö, kamënyen yīö ṙā-ang ap panam Aikup.

MANEUTNYI 34:17

Uh man vī tēvre tö tömiyëṙi mās.

MANEUTNYI 32:1

Ngaich hē yik tarik nö meūkö Môsös nö hāṅtö yīhih nö yônti nö ṙā-ang kui ngam rôngö hamūlöre ngaich yik tarik nö in Āròn, ngaich ngö ṙô tö ò, Choholre man, vī tēv ih öp mu-urēhĕkūö ih min nö kiröönngöre; tön öt akahalōn in tö Môsös töp lāinyngen ò, öp tarik kamënyen ih ṙā-ang öp panam Aikup.

MANEUTNYI 32:23

Pòn ngö ṙô cha-a tö chu, Vī tēv ih man öp mu-urēhēkūö ih min nö kiröönngöre, tön öt akahalōn in tö Môsös töp lāinyngen ò, ök tarik kamënyen ih ṙā-ang öp panam Aikup.

MANEUTNYI 32:8

Ka-eūyen yip nö kānngöre nö ṙā-ang el ngam talöökö hinôḵtö cha tö Chu; vī kun nuā yip tömiyëri, ngaich salāman, nö ngö ṙô, Ō Israĕl ngòh ön tēv, ngòh kamënyen meh ṙā-ang ap panam Aikup.

KINṘEŪKÖ 12:8

Kôta ṙô Chin min vë-ekūö ò, meūkö, öt ṙô tö tönyatngö; ngaich anga-aṅ min nö meuk ngam Mā Tēv: kūöyòh an öt pa-ekūö an chōichô i ngòh tarik Chu, in Môsös?

KAMHÔKA 17:3

Ngaich anga-aṅ nö havantö nuk tökahuk sīönnòng rupīö nö ik yöngre kikānö. Hòṅ kētö ngih rupīö chin im Mā Tēv öich hakôtö tīre nö tī öp kūön chu kikōnyö, nö vī-i nö insātēv töhaṙöichö insā inrē lökten chin hòṅ havantö u in meh.

2 RĀCHA 17:12

Lök la-en insā tēv cha-a inrē, nup ṙô ngam Mā Tēv nö ngö ṙô tö cha, Uh yin la-en tö töngatī.

Salmai 78:58

Pò cha nö harunnyö lanīnö Ò tö nuk chūökö lamatulöng: ngaich vīten Ò nö līn nö in cha kūö nuk insā tēv.

ISIKĪ-ĔL 8:3

Silôtö ök tösā kël anga-aṅ, ngaich kē keūyö elchalòng kui chu; ngaich ngam Töhet Fanöinylö nö chitlen chu ihôi ngam tumlat töm halīöngö, ngaich kēten chu öich meuk ngam Tēv i Yērusalem, i lökhöt kūö ök inkūp ök lātuhēt el milūkö tökū-ötö lā kapā, ik anūichö ök insātēv lanīnö, ök maharunyö lanīnö.

ISIKĪ-ĔL 20:7

Ngaich ngö ṙô chu-ö tö cha, Kavalngö nup sin-òkkūö hatīönkö minë mat yīö, ṙòkhöre yī-ö hachōichngöre inrē i nup insātev aṅ Aikup; chū-ö chin Mā Tēv, Tēv yīö.

MANEUTNYI 20:23

Uh yin vī nup tahëng tēv nö hol Chu, nup rupīö tēv, hēk nup humlum tēv, un vī-i tö yīö nö tēv yīö.

MANEUTNYI 32:4

Ngaich kē-ĕ e anga-aṅ nö ṙā-ang eltī cha, ngaich vī-i e nö chehetī tö kin-ip, ngaich vi-i e nö kun nuā nö miyëṙi: ngaich ngö ṙô cha-a, Ō Israĕl, ngòh ön tēv meh, ngòh kamënyen meh ṙā-ang öp panam Aikup.

I. CHÖNGÖ 16:22

Uh më-eṅ rēhĕn asöklö machööḵlö; öp surīkhö ngam Tēv ngam Mā Tēv meh.