MANEUTNYI 20:3 - TÖHET LĪPÖRE (Re-edited) Bible (BSI)

³ Uh man tahëngu Tēv nö hol Chu.

MANEUTNYI 20:3 Referans Kwoze

I. CHÖNGÖ 5:7

Uh man tēvu tö tahëng i kūö chu.

T. MËTIV 4:10

Ngaich ngö ṙô Yēsū tö ò, “Sātan kē-ĕngre man; tön ngö kinūichngö an, Ve-ekūö ngam Mā Tēv man; höng Anga-aṅ lahök la-en meh inrē.”

Salmai 81:9

Uh Man īnu tö tö tohtöre tēv: uh rēhĕn öm salām tö tohtöre tēv.

Isayā 46:9

Köpölōn tö nup misī urĕh: tön chū-ö chin Tēv, öt tahëngu; Tēv chin, öt tahëngu inrē tösā chu;

I. CHÖNGÖ 6:5

Hāngenlōn man tö ngam Mā Tēv ngam Tēv meh keuheūttö kuilōnre, keuheūt tö nômöre, keuheūttö kumlēḵre inrē.

YERIMIĀ 25:6

ui tömrit tahëng tēv öi lök la-en u vë-ekūö u inrē, hēk harunnyö tanānyö chu i nup vahīṙen minë kuntī yīö. Ngaich chū-ö min öt chökhutī tö yīö.

I. CHÖNGÖ 6:14

Hö-ö yin min tömrit tahëng tēv, nup aṅ i nup tēv yip tarik yip mahavīlen yīö;

YERIMIĀ 35:15

Tīntö yip tarik re chin in yīö yip pròfĕt, tīnten cha nöng iṙūöhen, nö ngö ṙô, Kö havööngökūöre yin ṙā-ang tötlöök talöököre, halööktit nup la-en yīö inrē, uh yī-ö inrē tömrit tahëng tēv öi lök la-en u,ngaich yī-ö min iyöng im panam ngam kahëtö chu in yīö in yik yöng yīö inrē. Hö-ö pöri yī-ö asītö el nangre hēk hangṙô chu.

1 KÒRIN 8:6

Sön pöri nöng hĕng ngam Tēv nö in hī, ngam Yöng, löklö in Ò në taṙòkhöre, in Ò inrē ayī-ö; hĕng ngam Mā, Yēsū Kristū, lökten në taṙòkhöre, lökten Ò ayī-ö inrē.

INMEUKHÖMAT 19:10

Ngaich afukngöre chū-ö i röön ò öich salāman. Ngaich ngö ṙô anga-aṅ tö chu, Yĕh meuk, uh man ngatī tī tö e: hol meh chin chū-ö tanölöṙô, hol yip hol meh inrē ṙamapkö ngam inmeuktö Yēsū; salām ngam Tēv: pò ngam inmeuktö Yēsū nö angū-ö mā-alaha ngam inhānga.

KÒLÒSĪ 2:18

Un tarīku yēḵ mu-ulāingen yīö tö ngam raneushö yīö nö i inlöngngenre nö im inyāichngö i sinlāmö yip ma-ahānga inrē, haköpngöre öi i nup maheuṅkre yī-ö, chök alaha linfööṙö tö kūö alaha ellōnre,

FILIPĪ 3:19

Yip töng manāngen tö ötkanôlò; töng tēv tö aichre; töng kanôlò tö sumrōngkūöre; töng lōntö nup chehen aṅ ngih panam.

EFISÖS 5:5

Akahalōn takô yin tö ma-asĕhha, tö chōich tarik, yamikhanga ngòh vamë-ekūö insā tēv nö öt amīnuvö tö ngam pūlngö Kristū, ngam Tēv inrē.

Isayā 26:4

Hayönglenre yin im Mā Tēv örheūheu: pò ngam Mā Tēv Yāvē nö ihong töt chanūhuvṙen.

MANEUTNYI 15:11

Ō Mā Tēv, achīö ap tösā Meh, i vē tēv? Achīö ap tösā Meh, ineū-euv im hanëtö, tö ha-öinyö pinhë-eṅ, tö tī tö pinngangkūö?

MANEUTNYI 20:23

Uh yin vī nup tahëng tēv nö hol Chu, nup rupīö tēv, hēk nup humlum tēv, un vī-i tö yīö nö tēv yīö.

Isayā 44:8

Un pa-ekūö, un rēhĕn nö vöö; röh öich ngaich ve-enynang yīö löktökūö misī öich ṙô tö e? Yī-ö yin hamang ṙô chu! Tēvu hòng nö hol chu? Hôṅ, öt Ihōnguvö; hö-ö chin akahakūö tö inrē.

Isayā 43:10

Yī-ö yin mameūkö chu, ṙô ngam Mā Tēv ngam tarik chu inrē katöllö chu: hòṅ yīö akahalōn ṙātö ellōn re inrē in chu, ngaich akaha elmat tö chu öich anga-aṅ; urēhĕkūö chu öt tēvu tö tö vī-i öt rēhĕn min nö lā unôichngöre tö chu,

Salmai 73:25

Achīö öp chū-ö chu el halīöngö, tön höng Më-eṅ: öt hĕngtak ing panam tösā Meh nö lōn chu.

Salmai 29:2

Kē-ĕkūö ngam Mā Tēv tö ineū-euṅ, lamöö i minë-eny ò: salām ngam Mā Tēv öi haṙāköre im hanëtö.

INMEUKHÖMAT 22:9

Ngaich ngö ṙô anga-aṅ tö chu, Yĕh meuk, un ngatī: kūönṙô chin chū-ö hol meh, hol yip kisānö meh inrē yip pròfĕt, hol cha inrē yip mahaköp ṙô ngih līpöre: salām ngam Tēv man.

1 KÒRIN 8:4

Lökten, i inlahen nyinā-aṅ nup tökētu nö i insātēv, akahalōn in tö insātēv nöng törö-öv nö ing panam, törö-öv inrē tahëng tēv, höng ngam Tēv.

MANEUTNYI 32:8

Ka-eūyen yip nö kānngöre nö ṙā-ang el ngam talöökö hinôḵtö cha tö Chu; vī kun nuā yip tömiyëri, ngaich salāman, nö ngö ṙô, Ō Israĕl ngòh ön tēv, ngòh kamënyen meh ṙā-ang ap panam Aikup.

MANEUTNYI 34:14

Tön rö-ö man min salām tahëng tēv: pò ngam Mā Tēv, ngam tö kunyahaṅlōn minënyi, nö tö kunyahaṅlōn nö Tēv:

Isayā 42:8

Chū-ö chin Mā Tēv; angū-ö an minë-eny chu: hö-ö chin min kēngö ngam kanôlòre nö i tahëng, öt rēhĕn ngam nöinyö chu nö i töka-īpö insā tēv.

YERIMIĀ 7:9

Hòṅ ulāya ömeh, kumpah tarik, asĕha, minyôiny-aṅ chūöku ṙô, föng tötahūsa i Pē-al, ngaich tömrit tahëng tēv nup tötmikahkūö meh;

HŌSĪ 13:4

Sönen chū-ö Mā Tēv öich Tēv meh ṙā-ang ip panam Aikup; ngaich më-eṅ akahalōn tötörö-ö Tēv höng chū-ö, öt hōlu chin tö mahayööken.

MANEUTNYI 22:19

Ngòh hamòltöṙah töṙeūla nö ṙōlhaka kumpahaivah min anga-aṅ.

MANEUTNYI 23:24

Uh man sōntöre i nup tēv cha, um rēhĕn lök la-en u, um rēhĕn tömken nup la-en u; keuheūtngö u pöri më-eṅ tiṙōlngö u, likölngö nup machööḵlö nö pinyënyö.

KAMHÔKA 6:10

Ngö ṙô chin ngaich tö yīö, Tēv yīö chin chū-ö Mā Tēv; uh yin pa-ekūö tö nup tēv aṅ Amôr yip tö iyöngö panam tö yīö: ngaich rö-ö yī-ö hang ṙô chu.

1 RĀCHA 11:4

Ngaich ngö inlahen angū-ö, hē Sòlòmön nö ngaich nö köiny, yik pīhö ò nö havööngö kūö ellōn ò nö i tahëng tēv; ngaich ök ellōn ò nö ötteung nö im Mā Tēv ngam Tēv ò nö sā ök ellōn Tāvit ök yöng ò.

Salmai 81:10

Chū-ö chin Mā Tēv meh, kamënyen meh ṙā-ang ap panam Aikup: pōitikūö man vā-alkūö re, hòṅ chu hatööḵöl e.

TANĪ-ĔL 3:18

Yĕn rö-ö pöri, akahalōn man yĕh tö e, Ō rācha, tö ih öt hòṅ lök la-en yip tēv meh hēk inrē öt hòṅ salām ngam humlum insā ngam asöklö meh.