MANEUTNYI 20:2 - TÖHET LĪPÖRE (Re-edited) Bible (BSI)

² Chū-ö chin Mā Tēv, Tēv meh, öich kamënyen meh ṙā-ang panam Aikup, ṙā-ang ap patī inkövö.

MANEUTNYI 20:2 Referans Kwoze

I. CHÖNGÖ 5:6

Chū-ö chin Mā Tēv Meh öich Tēv meh, öich kamënyen meh ṙā-ang ap panam Aikup, ṙā-ang el ap patī inkövö.

HŌSĪ 13:4

Sönen chū-ö Mā Tēv öich Tēv meh ṙā-ang ip panam Aikup; ngaich më-eṅ akahalōn tötörö-ö Tēv höng chū-ö, öt hōlu chin tö mahayööken.

LA-EN LĒVĪ 26:13

Chū-ö Chin Tēv meh Öich Mā Tēv, kamënyen meh ṙā-ang ap panam Aikup, pò yīö sōḵtuṙen töhakövö tarik cha; ngaich tī Chu-ö likölngö öp kaneun yīö, ngaich vīten yīö kiröönngöre chiphaka.

Salmai 81:10

Chū-ö chin Mā Tēv meh, kamënyen meh ṙā-ang ap panam Aikup: pōitikūö man vā-alkūö re, hòṅ chu hatööḵöl e.

MANEUTNYI 13:3

Ngaich ngö ṙô Môsös tö yik tarik, Köpölōn tö ngih sakāmö, ngih hēnyö yīö ṙā-ang Aikup, ṙā-ang el ap patī inkövö; pòn lökten i kumlēḵ kël ngam Mā Tēv nö ṙānyen yīö ṙā-ang ip chūökö angū-ö: öt nyā-aṅ min tö-aföhlöng rôtī.

LA-EN LĒVĪ 19:36

Töt hachūḵuiṙen kinlah lumngan nun anū-ö nö in yīö Öich Mā Tēv kamëḵnyen yīö ṙā-ang ap panam Aikup.

I. CHÖNGÖ 7:8

Kūö ngam Mā Tēv pöri nö hāngenlōn tö yīö, kūö ò inrē, nö haköp öp töchūöku kinlēḵngô ò, in yik muvöhngö yīö, angū-ö lökten ngam Mā Tēv nö aṅtī tö minhôiṅyö këlre, nö ṙānyen yīö ṙā-ang el öp patī inkövö, ṙā-ang eltī Fërō ap rācha aṅ Aikup.

I. CHÖNGÖ 5:15

Hòṅ köpölōn më-eṅ inrē tö meh misī kūön alaha ip panam Aikup, ngaich ngam Mā Tēv ngam Tēv meh nö kēnyen meh ṙā-ang in e nö aṅtī töminhôiṅyö kël töteuthaka: lökten ngam Mā Tēv ngam Tēv meh nö hachöngten meh haköpkö ngam anôilö sakāmö.

LA-EN LĒVĪ 23:43

Hòṅ yip tumkölchap yīö nö akahalōn tö Chu vīten yik kūön Israĕl nö iyöng el inrūkui, hē Chu kēnyen cha nö ṙā-ang ip panam Aikup: Chū-ö Chin Tēv meh Öich Mā Tēv.

I. CHÖNGÖ 15:15

Köpölōn më-eṅ töre misī töhakövö ip panam Aikup ngaich ngam Tēv ngam Mā Tēv meh nö ṙānyen meh: lökten chin tölṙô meh tö e ing sakāmö.

I. CHÖNGÖ 13:10

Kulehan më-eṅ tö ihong, hòṅ ò nö kapah; pò ò nö lukkenre nö tūökngen meh nö ṙā-ang el talöökö ngam Tēv ngam Mā Tēv meh, ngam kamënyen meh ṙā-ang ap panam Aikup, ṙā-ang el ap patī inkövö.

LA-EN LĒVĪ 26:1

Uh yin vī insātēvre, ui asöklö insātēv, hēk nup tö fën mirëṙö kaha machööḵlö, ui rēhĕn min ṙāḵtö ihong insā im panam yīö, nö pò yīö hòṅ sōntökūöre in ò: tön Chū-ö Chin Tēv meh, Öich Mā Tēv.

YERIMIĀ 31:33

Ngih pöri kinlēḵngô tövī-i tö chu i patī Israel unôichrit nup sakāmö, ṙô ngam Mā Tēv: Ellōn cha tī chin min chaphöt ngam chöngöre kūchhöt e chin min nö ellōn cha; ngaich chū-ö min Tēv cha, ngaich cha-a min nö tarik chu.

Salmai 50:7

Ō tarik chu, hangihtöre, ṙô-òv chin min: Ō Israĕl hameuk-höti chin min in meh; chū-ö chin Tēv, Tēv meh.

RŌMA 10:12

Pòn rö-ö nö harīkngöre Yahūti, tö tahëng mihëṅṙö tarik: pòn höng Anga-aṅ Mā taṙòkhöre, tökôlòlōn tö taṙòkhöre vame-eṅkūö Ò.

RŌMA 3:29

Hēk, höng Tēv vē Yahūti ang ngam Tēv? Röh ang nö Tēv vē Tahëng mihëṅṙö inrē? Hôṅ, vē Tahëng mihëṅṙö inrē?

YERIMIĀ 31:1

Hē e, ṙô ngam Mā Tēv, öich Tēv taṙòkhöre mupīhö Israel min ngaich cha-a min nö tarik chu.

2 KINṘÖTNGÖ 28:5

Lökten ngam Mā Tēv ngam Tēv ò nö kēten ò nö eltī ök rācha aṅ Siriā, ök tö öt kô-òti tö ò ngaich pōiyen kahë tö aṅ in yik tarik ò kēten cha ngaich nö i Tamaskös. Kētuvö anga-aṅ inrē nö eltī ök rācha aṅ Israĕl, ök tö ötkô-òti tö ò nö pōi höiny tötöfëli.

MANEUTNYI 6:6

Lökten nö ngöṙô tö yip kūön Israĕl, Chū-ö Chin Yāvē, kēnyen yīö chin min ṙā-ang i nup lumngan tī yip aṅ Aikup, kēnyen yīö chin ṙā-ang el inkövö tī cha, aṅtī tö töteuthak kël min Chū-ö ṙānyen yīö, aṅtī tö öp yöng inkaha fālen inrē;

MANEUTNYI 15:13

I miṙēlōnre Më-eṅ hachōḵ më tarik më ṙahānyö Meh: i kumlēḵre Më-eṅ hachōḵkūö cha i ngam töhet elyöngö Meh.

MANEUTNYI 15:16

Fuk kui cha ngaich nganāngö pinhë-eṅkūö inrē; Iṙôkö ngam kël Meh chā-a nöng öt halöinyköre sā ihong; Ō Mā Tēv, hanöngsaha më tarik Meh nö vāngngö, më havah Meh.

MANEUTNYI 15:26

Ngö ṙô angā-aṅ, Yē meh min hakūötenre hang ṙô ngam Tēv ngam Mā Tēv meh öm la-evṙen töp töchip el mat Ò, ngaich kētö elnangre i në Chöngö Ò nö ṙòkhöre, ngaich chū-ö min öt hēngö hakeunti in meh, tö në invah, në hakeuntö chu in yip aṅ Aikup: pò chu öich Mā Tēv tö lööken tī tö meh.

MANEUTNYI 20:1

Ṙô ngam Tēv nun në nö ṙòkhöre, nö ngö ṙô.

MANEUTNYI 29:46

Ngaich cha-a min nö akahakūö tö Chu Tēv cha Öich Mā Tēv, öich kamëḵnyen cha ṙā-ang panam Aikup, hòṅ Chu iyöng in cha: Chū-ö Chin Tēv cha Öich Mā Tēv.

LA-EN LĒVĪ 11:45

Tön Chū-ö Chin Mā Tēv kamënyen meh ṙā-ang ap panam Aikup, öich Tēv meh: lökten yin het, tön Töhet Chin Chū-ö.

KAMHÔKA 2:1

Ngaich ök ma-ahānga ngam Mā Tēv nö yih nö ṙā-ang Kilkāl nö i Pōkim. Ngaich ngö ṙô anga-aṅ, Vīten yīö chin kiröön-ngöre ṙā-ang Aikup, ngaich kēten yīö im panam ngam ṙô chu kilēḵngôre in yik muvöhngö yīö; öich ngö ṙô, Öt hētu chin min piyāingö ngam kinlēḵngô chu in yīö.

Isayā 43:3

Pò chu chū-ö Mā Tēv, Tēv meh Töhĕng Töhet in Israĕl, Mahayööken meh; kēten Aikup chin ngaich nö ṙāi meh lumnööṙö meh inrē Itī-ōpia, Sepa inrē.

YERIMIĀ 2:6

Hö-ö cha-a nö ngö ṙô Isuh ap Mā Tēv öp kamënyen ih ṙā-ang panam Aikup, öp mahachō-o ih el inchōn tönyalnyi, ip panam tönyalnyi kuyāyö tö-anūlu inrē ip panam tönyô tökufëi sinngūlö inrē, ip panam töhĕng tak lamök i chūök törö-ö tarik nö iyöng?

YERIMIĀ 16:14

Lökten, yĕh meuk, yih nup sakāmö, ṙô ngam Mā Tēv, hē e min nö öt ngöhören nö ṙô nö ngöh, Sā ngam Mā Tēv nö tö-aṅ ngam kamënyö yip tarik Israel nö ṙā-ang Aikup,

YERIMIĀ 34:13

Ngö ṙô An ngam Mā Tēv ngam Tēv Israel; Vī kinlēḵngô chin in yik yöng yīö hē chu kēnyen cha ṙā-ang ap panam Aikup, ṙā-ang ap patī inkövö, öich ngö ṙô.

ISIKĪ-ĔL 20:7

Ngaich ngö ṙô chu-ö tö cha, Kavalngö nup sin-òkkūö hatīönkö minë mat yīö, ṙòkhöre yī-ö hachōichngöre inrē i nup insātev aṅ Aikup; chū-ö chin Mā Tēv, Tēv yīö.

ISIKĪ-ĔL 20:19

Chū-ö chin Mā Tēv öich Tēv yīö, lök i në tökūichö yin chöngö chu, ṙēmen inrē haköpkö në chöngö chu,

AMŌS 2:10

Kēnyen yīö chin inrē ṙā-ang ap panam Aikup, hachō-o yīö inrē el tönyalnyi fën anāi sumkam, öi kē ngam panam yip aṅ Amôr.

MANEUTNYI 13:14

Ngaich mīnö hē öp kūön meh min nö hatönö meh ip hē e, nö ngö ṙô, Suh öng ngih? Ngaich ngö ṙô më-eṅ min tö ò, Kēnyen ih an ngam Mā Tēv misī ṙā-ang Aikup, nö i kumlēḵ këlre, ṙā-ang el öp patī inkövö.

LA-EN LĒVĪ 25:38

Chū-ö Chin Tēv meh Öich kamënyen meh ṙā-ang ap panam Aikup, Öich kē-ĕkūö meh tö ngam panam Kanā-an, Öich Tēv meh.

LA-EN LĒVĪ 25:42

Pò cha nö mahalanṙen Chu, nö kahënyö Chu ṙā-ang im panam Aikup: un inyīhiyö cha-a nö töhakövö tarik.

LA-EN LĒVĪ 25:55

Pòn kūön alaha Chu vē kūön Israĕl; kūön alaha Chu yin kahënyö chu ṙā-ang öp panam Aikup, chū-ö Chin Tēv meh Öich Mā Tēv.

I. CHÖNGÖ 20:1

Yē meh kiröönngöre im kinyūngö öm lā-al yip tökunyāhaṅ elmat tö meh, ngaich meuk nup kōra, inröl inrē, yip tarik inrē nö maṙôngö tö meh, uh më-eṅ pa-ekūö tö cha: tön in meh an ngam Tēv meh ngam Mā Tēv, ngam kamënyen meh ṙā-ang ngam panam Aikup.

KAMHÔKA 6:10

Ngö ṙô chin ngaich tö yīö, Tēv yīö chin chū-ö Mā Tēv; uh yin pa-ekūö tö nup tēv aṅ Amôr yip tö iyöngö panam tö yīö: ngaich rö-ö yī-ö hang ṙô chu.

1 RĀCHA 18:39

Ngaich hē yik tarik nö meūkö e nö ṙòkhöre, fāttökūöre cha-a ngaich nö afukngöre: ngö ṙô cha-a ngaich, Ngam Mā Tēv, anga-aṅ An Tēv.

2 RĀCHA 17:7

Ngaich ngö inlahen angū-ö pò yik kūön Israĕl nö köölö fālen nö im Mā Tēv ngam Tēv cha, ngam kamënyen cha nö ṙā-ang panam Aikup nö ṙā-ang eltī Fërō, rācha aṅ Aikup, ngaich pa-ekūö tö tahëng Tēv,

2 RĀCHA 17:12

Lök la-en insā tēv cha-a inrē, nup ṙô ngam Mā Tēv nö ngö ṙô tö cha, Uh yin la-en tö töngatī.

Salmai 81:7

Hu-a Me-eṅ hē el kahingen, ngaich ṙānyen meh chū-ö: sapṙô Meh chin el palēt chūök kunṙôkö; kalaha Meh chin i nup mak i Meripah.

Salmai 81:11

Hö-ö pöri vē tarik chu nö hang ṙô chu: sōḵ tö chu inrē ang Israĕl.

ISIKĪ-ĔL 20:5

Ngö ṙô tö cha, Ngö ṙô an ngam Mā Tēv: Ik sakamö hē chu atöllen Israel, chūökuṙô chū-ö ip kūön aṅ patī Yāköp, mikahtökūö cha tö e ip panam Aikup, chūökuṙô chū-ö tö cha, öich ngö ṙô, Chū-ö chin Mā Tēv, Tēv yīö.

HŌSĪ 12:10

Ngaich chin inrē vë-ekūö yip pròfĕt, ngaich inrē ṙūölö ṙôken maheuṅk cha; ngaich i tī yip pròfĕt nö meukṙen ngatī tī chū-ö inrē.