16 Uh man sūöichkö holre.
Öt kiröönngöre ön min ngòh samūöchköholre nö öt sācha, anga-aṅ inrē ngòh tö minyôny-aṅ öthō inrē nö öt kô-òngvah.
Ngaich ngö ṙô anga-aṅ, Nup yòh? Ngaich ngö ṙô Yēsū, Um fël tarik; um asĕhha; um ulāiyö; um sūöicha;
Ngòh töt löknyö rōi litākre ṙô nö vë-eng nang, öt rēhĕn nö chōichö tī nö i holre: öt rēhĕn nö sumrōngngö kūö holre.
Uh man kēḵ öp tösūöchka tö-eūka: um ṙātö eltīre hol tī ngam tötlöök öm töminyôinyaṅ ameū-a.
Tö minyôny-aṅ minuh an ngam mahanyatngö sunrīkhö, tökulō-ov inrē ngam tö ṙô tö sinūöcha.
Kahōlö, ui chōchöṙô tö höö. Ngòh töchōchô tö holre, hēk akah holre, chōchöṙô tö ngam chöngö, ngaich ma-akah ngam chöngö: yē meh pöri akah ngam chöngö, öt lamök im chöngö me-eṅ, ma-akah pöri.
Pòkūö yip chamô-òṅkānö, pòkūö yip kikōnyö chamô-òṅ kikānö, pòkūö mū-ulāingö tarik, pòkūö yip töchūökuṙô nö minôinyaṅ, nup tö ōtngöre inrē tö harīkngöre tö ngam tölöök inköphöti;
Hökngen nup taṙòkhöre kumnyahlōn, tanānyö, lanīnö inrē, hinūkö öt linëkö, holtö nup taṙòkhöre tötlöök, nö ṙā-ayö nö in yīö.
Ngaich asöklö samūöicha cha-a, yik tö ngö ṙô, Öt ṙākö ṙôre ön ngòh tarik, nö ötlēkôre tö ngih töhet chūök, ngam chöngö inrē;
Öt aṅhaṅv-in tö nehngenre hanāngenlōn, öt hanlāmten, vamë-eng nang, töt kô nö hayöngöre, tötainy, öttöhāngen tö tölöök.
Hameuktö töhayunka an ngam kumröönkö re nö söömngöṙô, anga-aṅ pöri ngam nyanatlö nö i ellōn haköp tö hayunka.
Uh yin ulāyö; uh rēhĕn öi michūḵṙen, ui minyôiny in höö.
Uh man havöt inrē sā sumlô nyā-aṅ i vē tarik meh: um rēhĕn sökhak lā-al i mahām öp hol meh: Chū-ö Chin Mā Tēv.
Sitih inlaha öi pökeh ihö? Ngö ṙô yik kumyung tö ò; ngaich ngö ṙô anga-aṅ tö cha, Ui chökhuṙen tö tarik; ui rēhĕn kahë-ev öi ötlöknyu chööḵnyi, höng ngāichölōn tö nup töng raneushöre.
Uh man havāhalre, um lanīnuvö i yip kūön yip tarik meh, hāngenlōn pöri më-eṅ tö holre sāre tö re, Chū-ö Chin Mā Tēv.
Um rēhĕn sūöchkö mat re tö fālen holre.
Ngòh tarik ngòh samūöichkö holre sā laneh aṅtī kumyung, hēk sanët, hēk chòk tökeut.
