MANEUTNYI 20:1 - TÖHET LĪPÖRE (Re-edited) Bible (BSI)

¹ Ṙô ngam Tēv nun në nö ṙòkhöre, nö ngö ṙô.

MANEUTNYI 20:1 Referans Kwoze

I. CHÖNGÖ 5:22

Anū-ö nun në ṙô ngam Mā Tēv nö vë-ekūö yiö ṙòkhöre öi tömūlhaka i kui ngam rôngö löknyö ellōn kūö ap tameūyö, löknyö el taṙul, löknyö el ök tökufëi sinngūlö inrē, nö pōitô; ngaich anga-aṅ nö öt tōpnyö ṙôken u. Ngaich kūichö u anga-aṅ i mat nuk tönët tömitāk ihong, ngaich kētö u nö in chu.

I. CHÖNGÖ 5:4

I kūö yīö ṙô An ngam Mā Tēv nö vë-ekūö yīö nö i kui ngam rôngö löknyö ellōn kūö ök tameūyö,

I. CHÖNGÖ 4:36

Löktö el halīöngö anga-aṅ nö vīten meh hang ṙô ò, pò ò nö hòṅ haköpten meh: ngaich i kui ngih panam anga-aṅ nö vīten meh meuk ök tökiröng tameūyö ò; ngaich hang nuk ṙô ò löknyö ellōn ök tameūyö.

INLAHEN 7:38

Anga-aṅ an mī-i yik māṅ nö el-īnchōn, holtö ök ma-ahānga vame-eṅkūö ò, nö i kui ap Rôngö Sīnāi; kamëḵ ngam tö aṅ ṙô, nö kē-ĕkūö hī.

I. CHÖNGÖ 4:33

Tarīku hòng tö ngaich hamang ëlô ngam Tēv nö ṙô-òv nö löknyö ellōn kūö tameūyö, nö tö sā yīö ngaich hang, ngaich aṅ inrē?

INLAHEN 7:53

Yī-ö kamëḵ ngam chöngö, lökten i yik ma-ahānga; ngaich rö-ö öi haköpö e.

MANEUTNYI 19:25

Yônti ngaich Môsös nö i yik tarik, ngaich vë-eny nang cha.

MANEUTNYI 20:2

Chū-ö chin Mā Tēv, Tēv meh, öich kamënyen meh ṙā-ang panam Aikup, ṙā-ang ap patī inkövö.

I. CHÖNGÖ 10:4

Kūich ngaich anga-aṅ nö i mat nuk tömitāk ihong, sā nuk raneh tökūichö, minë tösöm chöngö, minë ṙô ngam Mā Tēv nö in yīö i kui ap rôngö löknyö ellōn kūö tameūyö ik sakāmö inmūlöre: ngaich kētö u ngam Mā Tēv nö in chu.

NAHIMIĀ 9:13

Yônti më-eṅ i kui öp rôngö Sināi, ngaich vë-ekūö cha öm löktö el halīöngö ngaich kē-ĕkūö cha tö töchip inchöngten tökô-en chöngö inrē, tölöök inchöngten chöngö inrē,

I. CHÖNGÖ 5:6

Chū-ö chin Mā Tēv Meh öich Tēv meh, öich kamënyen meh ṙā-ang ap panam Aikup, ṙā-ang el ap patī inkövö.