MANEUTNYI 2:5 - TÖHET LĪPÖRE (Re-edited) Bible (BSI)

⁵ Ngaich ök kikānö kūön Fërō nö peūtöre nö vōk, el ök tahël; ngaich yik kūön alaha ò kikānö nö kiröön kāha ök tahël; ngaich meuk ök kuvôkö angā-aṅ nö i nuk chōn, ngaich tīnngö yik kikānö angā-aṅ kūön alahare nö kē-ĕr e.

MANEUTNYI 2:5 Referans Kwoze

INLAHEN 7:21

Ngaich hē ò nö kavāliyö, kē-ĕ ngaich anga-aṅ tök kikānö kūön Fërō; ngaich haruklöngö nö kūön ò.

Salmai 12:5

Pò ngam nāichngen yāich, pò ngam inlöinyö chanökö töhāṅten: Ngaich chin öich choholre, ngö ṙô ngam Mā Tēv; lā im chūök öt pinlā-ngen tī chin min tö ò ngam hayëḵngen cha.

Salmai 9:9

Tömarô-òl kui an ngam Mā Tēv, chūök chamônga, lanaklö yip töhakihtuṙen: tömaṙô-òl kui chūök chamô-nga hē el kanihngen.

Salmai 46:1

Innyatlö hī an ngam Tēv, kumlēḵ inrē: tö röhta nö holṙen hē el kanihngen.

MANEUTNYI 8:20

Ngaich ngö ṙô ngam Mā Tēv tö Môsös, Chōholre man, ka-euilö kūö tö peuheū, söklöre i kūö Fërō, yĕh meūkan nö yih nö im mak, ngö ṙô tö ò, Ngö ṙô An ngam Mā Tēv, hökngen yip tarik Chu nö kiröönngöre, hòṅ cha nö lök la-en Chu.

MANEUTNYI 7:15

Yihtöre man in Fërō ip peuheū: yĕh meuk, chuh ip mak apa; sökhak pömchö i kui ap tahël öm höngkūö ò; kēḵ ngam tinkung eltīre ngam tö vīngöre nö pēch.

INCHŌḴ-OṘÔ 21:1

Töhëm an nö mak ngam ellōn ngam rācha eltī ngam Mā Tēv; havēngökūö e an i kū-ö lōn ò.

Salmai 76:10

Ha-öinyö Meh ap min lanīnö tarik nö kô-en: nyëk ngam chööḵ lanīnö min Më-eṅ i ṙat re.

1 RĀCHA 17:6

Kumtö nyā-aṅ ò ngaich nuk chehechōn alaha inrē tö peuheū, nyā-aṅ alaha inrē tö harap; ngaich höng òk aṅ im kun töhëm mak anga-aṅ.

YÔNA 1:17

Halēnlö tökiröng kāḵ ngaich ngam Mā Tēv nö ngameūkten Yôna; ngaich Yôna nö lūöi sumkam lūöi mitööm inrē nö ellōn ök kāḵ.

YÔNA 2:10

Ngaich ngam Mā Tēv nö vë-ekūö ök kāḵ, kuvavlen Yôna ngaich anga-aṅ nö el tanyô.

MANEUTNYI 2:6

Löpnyökūö e ngaich ök nyīö. Aṙē-ĕlōn ngaich angā-aṅ tö ò, ngaich ngöṙô, Töhĕngtak ön ngòh, kūön yip Hīprū.