MANEUTNYI 2:25 - TÖHET LĪPÖRE (Re-edited) Bible (BSI)

²⁵ Ngëichkö yik kūön Israĕl ngaich ngam Tēv, ngaich ngam Tēv nö akahngen cha.

MANEUTNYI 2:25 Referans Kwoze

MANEUTNYI 4:31

Ṙātö ellōnre ngaich yik tarik: ngaich hē cha nö hang ngam Mā Tēv, tö Ò inrē nö meuk kanihngen cha, ngaich sōntö kuire chā-a nö Salām.

Salmai 55:22

Hakeunlö lumngan re man im Mā Tēv, ṙapken meh An min: öt hētu An nö halöngngen tölöök nö kē-ĕyö.

Salmai 1:6

Pòn akahalōn ngam Mā Tēv tö ngam talöökö tölöök: öt kôlò pöri min öp talöökö tötlöök.

T. LŪKÖS 1:25

Ngati tī an ngam Mā Tēv nö in chu, töngamuh, nö ngëichtö kui chu, nö kēngö sumrōngkūö chu, i tarik.

T. MËTIV 7:23

Ngaich ngö ṙô Chu-ö min tö cha, ‘Höng töt akahakūö Chin tö yīö, Kiröönngöre yin, ṙāngen Chu, yī-ö töla-evṙen tö töchōich.’

2 SAMUĔL 16:12

Lohten An min ngam Mā Tēv, nö ngëichkö ngam tövaich tī ò nö in chu, ngaich havāhalvah chu min tö tölöök tökūö ngih rinūtngövah chu töngamuh.

NGAM LĪPÖRE YŌP 33:27

I kūö tarik ngaich ang-aṅ nö tikökṙôre, nö ngö ṙô: Köölö fālen chin, hachōichngö töchip inrē, öt havëka angū-ö nö in chu.

1 SAMUĔL 1:11

Ngaich chūöku ṙô anga-aṅ nö kilēḵngöṙôre, nö ngö ṙô, Ō Mā Tēv tömaṙôngö, yē meh hōḵ ngëichkö kanihngen ngòh tarik meh kikānö, fēken chu inrē, un vāchi inrē ngòh tarik meh kikānö, kē-ĕkūö ngòh tarik meh pöri kikānö tö kikōnyö nyīö, ngaich kēten ò chū-ö min im Mā Tēv i rô-òten ò nö aṅ, hö-ö öp min nö kamöpka keūyö.

MANEUTNYI 1:8

Ngaich tufömngöre ök umuh rācha i Aikup, ök töt akahakūö tö Yôsĕf.

INLAHEN 7:34

Meuk kanihngen yip tarikre takô Chin, yip i Aikup: hang inyôṙö ṙô cha Chin inrē; ngaich hòṅ yihtöre Öich ṙānyen cha. Tā-a, hòṅ tīnten meh Chin i Aikup.

MANEUTNYI 3:9

Yĕh meuk, ngaich ap ṙô yip kūön Israĕl nö peuiny, nö yih nö in Chu: meuk kanihngen cha Chin inrē nö hakihtuṙen tö yip aṅ Aikup.

MANEUTNYI 18:8

Ngaich ang Môsös nö vë-eny nang ök yöng pīhöre tö nuk tī ngam Mā Tēv nö in Fërō in yik aṅ Aikup inrē tö pôkūö Israĕl, ṙòknyöre ṙô tö kanihngen nuk tameunghö kui cha nö el talöökö, tö tī ngam Tēv inrē nö ṙānyen cha.

I. CHÖNGÖ 26:7

Ngaich peuinyhökūö ngam Mā Tēv īhö, ngam Tēv yik muvöhngö ih, ngaich ngam Mā Tēv nö hang ṙô ih, meuk kanihngen ih, la-en ih, inkihten ih inrē;

Salmai 10:14

Meūkö e man; pò meh meuk tötlöök, kumnyahṙen inrē, ngaich kē-ĕ e me-eṅ eltīre: kētöre yip töt hōluṙen nö in meh; hamòlṙen kūönyōich man me-eṅ.

Salmai 31:8

Ngaich rö-ö më-eṅ löpngökūö chu eltī ngam tökunyahaṅ-elmat: ṙātö röön chu më-eṅ el töpōiti chūökö.