24 Ngaich ngam Tēv, nö hang ṙô cha nö halöinyöre, fēḵĕlre ngaich ngam Tēv tö ngam kinlēḵngô in Aprahām, in Isāk, in Yāköp inrē.
Rahëichtaṙen iyöng i ngih panam, holtörah meh Chin min, hakôlò meh inrē; pò Chu min in meh tī, ip kūön meh inrē, Öich kētö në panam, ngaich haköpngö ngam kinlēk̠ngôre Chū-ö, ngam ṙô Chu in Aprahām ök yöng meh:
Pòn köpölōn Anga-aṅ tök töhet ṙô re: in Aprahām ök tarik Ò.
Ane Chin inrē, hang inlöinyö yip kūön Israĕl, yip töHakövö tö yip aṅ Aikup, köpölōn chin inrē tö ngam kinlēḵngôre.
Köpölōn inrē Anga-aṅ tö ngam kinlēḵngô re nö in cha: havöökūölōnre ngaich iṙôken nup miṙēlōn Ò.
Nö hang fanilö nômö yip tö hachēli: nö hòṅ luhlö yip tö hōtu nö kumpaha;
Pò ò nö öt höhölōn, ane inrē öt pa-ekūö tö kanihngen töhakihtuṙen: öt rēhĕn anga-aṅ nö hanyatngö kūöre tö ò; yē ò pöri nö havëken ò, hang anga-aṅ.
Ip sakāmö chu havëken Meh ngaich sapṙô chu Me-eṅ: haruhlö alaha chu Man ngaich, tö kumlēḵ ellōn chu.
Ngaich ngam Mā Tēv nö hameuktöre nö in ò im angū-ö hatööm, ngaich ngöṙô, Chu-ö Chin Tēv Aprahām ök yöng meh kikōnyö: un pa-ekūö, tön holtöṙah meh Chin, hakôlò meh Chin min, ṙūölö ṙôken ap kūön meh min inrē, pòkūö ök kūön alaha Chu Aprahām.
Havëken meh cha-a, ngaich ṙānyuvö: hayönglenre nö in meh, ngaich öt sirōngkūö.
Hē ngam Mā Tēv nö hachohlö ma-akaha fālen nö in cha, ngaich ngam Mā Tēv nö in öp ma-akah fālen, ngaich hayööken cha nö ṙā-ang eltī yip lā-al i ṙô-òtö sakāmö öp ma-akah fālen: pò ngam Mā Tēv nö havanrit lōnre kūö nup ṙô inlöinyö cha tökūö cha yip tamṙāmö cha nö hakihten cha.
Tön kô-en min Aprahām nö tökiröng, tökalēḵ inrē nö mumā-aṅ tarik, ngaich ṙòkhöre min vē mumā-aṅ tarik ing tumlat nö tökôlò nö in ò?
Haköpngö ngam kinlēḵngôre Chin min ihôi Chu tö meh inrē, töp kūön meh unôichrit meh i tumkölchap cha nö tötchanūhuvṙen kinlēḵngô, Öich Tēv meh, ap kūön meh inrē unôichrit meh.
Hökngen ngam unhômö miṙivlōn yip tö kē-ĕ nö yihtöre nö i kūö Meh: sā ṙôkö ngam kumlēḵ Meh, haköpken cha yip tö halēntu nö im kinpaha.
Ngaich ngöṙô Angā-aṅ, Öt ngöhören an ngam minë-eny meh nö Yāköp, Israĕl pöri: pò meh kanô-òṅvö im Tēv i tarik inrē, ngaich mihôiṅ.
Meuk kanihngen yip tarikre takô Chin, yip i Aikup: hang inyôṙö ṙô cha Chin inrē; ngaich hòṅ yihtöre Öich ṙānyen cha. Tā-a, hòṅ tīnten meh Chin i Aikup.
Köpölōn ngam Tēv tö Nō-a, ṙòkhöre nup tö-aṅ chehen, ṙòkhöre inrē nuā nuk hol ò nö ël ök chōng: ngaich ngam Tēv nö vī kuföt nö lökngökui ngam tumlat, kūönngöre ngaich minë mak;
Ngaich ngöṙô Anga-aṅ tö Aprām, Akahalōn pömchö tö öp kūön meh min nö aṅ tahëng min nö ip töt panam cha, ngaich kūönkūö cha min, ngaich chā-a min nö hakihten cha nö eltö fënòng samyeūheu;
Ngaich ngöṙô ök ma-ahānga ngam Mā Tēv tö ò, Yĕh meuk, īnu man tö nyīö; ngaich kayônyö kikōnyö më-eṅ min; kaheuk minë-eny ò min më-eṅ nö Ismael, pò ngam Mā Tēv nö hang kanihngen meh.
Inre ṙô Chin kilēḵngôre, ngöṙô ngam Mā Tēv, pò meh ngaich tī tö e, ngaich ötma-iṅ ngam kikōnyö kūön meh, töng hĕngmaneuk kūön meh kikōnyö.
Ngaich ngam Mā Tēv nö meūkö tö ò, ngaich ngöṙô, Uhman chuh Aikup; iyöng im panam ngam ṙô Chu tö mehː
Ngaich ngöṙô ngam Tēv tö ò, Chū-ö Chin Tēv Tökeuheūttöre chöngö: mikūönlö man mikūönlö man yēḵ ṙūhölre ṙôken inrē: löklen in meh yip min pumnāmö tarik, manūlö pumnāmö tarik inrē, löknyö i ṙat meh min inrē nö yih yip rācha.
Ngaich ngih panam inrē kahëtö Chu in nā Aprahām nā Isāk, kētö e Chin in meh, ip kūön meh inrē unôichrit meh ngih panam nö kētu tö Chu.
Ngaich hē ih peuinyhökūö ngam Mā Tēv, ngaich hang ṙô ih Anga-aṅ, ngaich tīntö ma-ahānga hĕng tak, ngaich kēnyen ih ṙā-ang Aikup: yĕh meūkö ih ngaich i Kātes, ngih elpanam i manā-ang kūö kūöngö meh:
Huṙöich i ngih ṙētak öich hĕng tak tahīnti tö tarik aṅ panam Penyamin, ngaich hacham elkui ò pömchö nö rācha vē tarik chu Israĕl, anga-aṅ öp min mahayöken vē tarik chu nö ṙā-ang eltī vē Filistain: pò chu ngëichtö kui vē tarikre pò nup ṙô cha nö peuiny nö söllö nö in chu.
Aṙē-ĕlōn pöri ngam Mā Tēv nö in cha, milēḵken cha inrē, kūö ök kinlēḵngô ò nö in Aprahām, Isak, Yāköp inrē, ngaich nö öt hòṅ halëlngen cha, öl inrē anga-aṅ nö hòṅ kavalngen cha nö ṙā-ang i kūö ò.
Um hayunngö kūöre tö chu hē sakāmö chu kihngen: asītö elnang re in chu; ip sakāmö hē chu havëken Meh, sapṙô chu hēṙen.