MANEUTNYI 2:22 - TÖHET LĪPÖRE (Re-edited) Bible (BSI)

²² Kayôḵnyö nyīö kikōnyö ngaich angā-aṅ, ngaich angā-aṅ nö kaheuk minë-eny ò nö Kersōm; pòn ngöṙô angā-aṅ, Iyöng i töt panamre chin.

MANEUTNYI 2:22 Referans Kwoze

INLAHEN 7:29

Ngaich i yöng panam yip aṅ Mītīa. In e anga-aṅ nö nët maneuk kūön.

MANEUTNYI 22:21

Uh man vāchö tī i aṅ tahëng, um rēhĕn hakihten ò: tön aṅ tahëng man misī i panam Aikup.

Salmai 119:19

Töt ngöhaka chin ing panam: un hanyāti minë chöngö Meh nö in chu.

1 KINṘÖTNGÖ 29:15

Pò ih aṅ tahëng ikūö meh, töng rahëichtaṙen inrē iyöng, sā yik yöng ih misī, höng sā nyat nun në sakamö ih ing tumlat, öt tököpuvö in e.

1 KINṘÖTNGÖ 16:20

Ṙeū-eung pumnāmö tarik söl im tahëng, nöng karööna röön, löktökūö im töhĕng pūlngö söl i tahëng tarik,

Salmai 39:12

Ō Mā Tēv, hang ṙô chu vë-ekūö meh, kētö elnangre i ṙô chu; uh man hachēv-ngöre tö në mak mat chu: tön in meh chin öich höng aṅ tahëng, tötngöhaka, sā yik muvöhngö chu nö ṙòk-höre.

MANEUTNYI 2:10

Pōyö ngaich ngam nyīö, ngaich angā-aṅ nö kēten ò, nö ik kikānö kūön Fërō, ngaich angā-aṅ nö kūön ò nö kikōnyö. Ngaich kaheuk minë-eny ò angā-aṅ nö Môsös, ngaich ngöṙô Pò chu tūöklen ò nö ṙā-ang el mak.

Ranehlö 23:4

Öt aṅhih chin chū-ö, ane inrē töng rahëichtaṙen iyöng in yīö: kētö chūök tī chu yin lāpngöre in yīö nö amin chu, hòṅ chu lāpngö kupahre öich hanyatngö matre.

MANEUTNYI 4:20

Kēḵ ök pihöre ngaich Môsös tö nak kūön ò kikōnyö, ngaich ha-ūichlen cha nö i uk köttö, ngaich havan nö im panam, Aikup: ngaich ang Môsös nö kēḵ tinkung ngam Tēv, nö eltīre.

LA-EN LĒVĪ 25:23

Öt inyīhiyö min ngam panam nö urāḵngen; pò e nö panam Chu: pò yīö öi aṅ tahëng ane inrē törahëichtaṙen in Chu.

KAMHÔKA 18:30

Ngaich yik kūön Tën nö vīlö ök insātēv: Ngaich Yônatan ök kikōnyö kūön Kirsōm, ök kikōnyö kūön Môsös, anga-aṅ tö yik kikōnyö kūön ò inrē nö kūönṙô yik miyöngö Tën söl ik sakāmö inkövö ngam panam.

1 SAMUĔL 1:20

Ngaich hē ngam hē nö teungtökūö, pirūkö nyīö ngaich Hëna, ngaich kayônyö nyīö kikōnyö; ngaich kaheuk minë-eny ò anga-aṅ nö Samu-ĕl, nö ngö ṙô, Pò chu havëken ò im Mā Tēv.