MANEUTNYI 2:20 - TÖHET LĪPÖRE (Re-edited) Bible (BSI)

²⁰ Ngaich ngöṙô angā-aṅ töyik kikānö kūönre, Isūapa? Kūöyòh öi höng ṙāngö ap tarik? Havëken ò hòṅ ò nö nyā.

MANEUTNYI 2:20 Referans Kwoze

Ranehlö 31:54

Ngaich Yāköp nö kētö tökētu nö ikui ngam rôngö, ngaich havëtö yik holre nö nyā: nyā cha-a ngaich, ngaich hĕng mitööm nö höngngöh nö ikui ngam rôngö.

Ranehlö 43:25

Halēn nuk raneushö chā-a ngaich nö höng yanīhih Yôsĕf tö sakāmö: pò cha nö hāngöre nö nyā nö umuh.

HEPRĀI 13:2

Hameuktö hanāngen re i aṅ tahëng, un vaichngö; tön ngatī yik misī rēvre mahaṙūötken ma-ahānga nöng ötakahngenre.

1 TIMÒTĪ 5:10

Tölöökö ineūka nö i tölöök la-en; yē ò nö haruklö nyīö, yē ò nö haṙūötken aṅ tahëng, yē ò nö söichröön yip töhet, yē ò nö meukṙen tökihngen, yē ò nö ṙūöten nö tömken tölöök la-en.

NGAM LĪPÖRE YŌP 42:11

Möl nö yih nö in ò yik mak alaha ò, kanānö ò ṙòkhöre inrē yik mikahkūö ò nö lā-urĕh, ngaich holkūö ò nö nyā-aṅvkūö nö i pati ò; ngaich cha-a nö hameuktö miṙēlōnre nö in ò haṙamlōn ò inrē tökūö nuk tötlöök tī ngam Mā Tēv nö in ò; ngaich kö tī-iv cha-a nö in ò tö rupīö humlum inrē kinlong.

NGAM LĪPÖRE YŌP 31:32

(öt höng el talöökö öp yamih tökūö nö hachūöklöng; löpnyökūö inkūp re chin in yip kumrönga);

Ranehlö 18:5

Töich kiröönngöre kēḵĕrö töhĕng hanam rôtī, haṙamlōnre yī-ö; unôich tö e yī-ö min ngaich iṙūöhöröön: tön yih yin yih ngaich i ngòh mahalanṙenre. Ngaich ngöṙô cha-a, Ngatī yēḵ sā ṙô meh ngaich.

Ranehlö 29:13

Ngaich hē Lēpān nö hang vinë-eny Yāköp, ök kūön ök kanānö ò, lökten ò nö faltöre nö chônghörekūö ò, ngaich fūölan, ngaich hāmkūö ò, ngaich kēten ò nö i patīre. Keuheūtnyöre ṙô ngaich angā-aṅ. Nö in Lēpān tö u.

MANEUTNYI 2:19

Ngaich ngöṙô chā-a, Hĕngtaka öp aṅ Aikup ṙamānyen ih ṙā-ang eltī yip yōmpököre, hĕnghöre tūök mak ih ap inrē, ngaich ha-òk në chehen.

MANEUTNYI 2:21

Ngaich ang Môsös nö hō nö iyöng in ök tarik, ngaich angā-aṅ, nö kēten Siporā, ök kikānö kūön ò, nö in Môsös.